مقلوبة الحاشي بالكاتم

[tariq11]

بسم الله
امس عزمت اثنين من العيال عندي في الشقة
وطبعاً بما ان جميع السبل متوفرة للطبخ قلت خلني اطبخ من زمان ماكلت شي من طبخ يديني فقررت اني اسوي لهم مقلوبة ولاني مبطي عن الرز ومشتهية زاد اصراري عليها

طيب بسم الله
اول شي المقادير
1- بصل
2- معجون طماط
3- كوسة
4- باذنجان
5- بطاطس
6- جزر
7- رز
8- لحم (غنم - دجاج - حاشي)
انا طبعاً سويت مقلوبة لحم حاشي :)
9- بهارات
10- ملح
11- ورق غار
12- دارسين (قرفة)
13- ليمون اسود
14- زيت
15- قدر كاتم
16- ياكثرهن صح
17- نسيت الصفار
18- وش بعد وش بعد
19- خلاص خلصنا
20- :d
الطريقة
اول شي نغسل لحمة الحاشي بعدين نطبخها في القدر الكاتم كأي طبخة .. ونظيف عليها ورق الغار والبهارات والليمون الاسود والدراسين ومعجون الطماط ونغطي الكاتم ونخليها تطبخ لمدة 7 دقائق وعلى حسب كبر الحاشي يمكن يقعد على النار اكثر اذا كان كبير مرة ..

فيما ان اللحم على النار نسوي المقادير الثانية وهي نقطع الخضار بهيك الشكل
http://tariq.220.googlepages.com/DSCN0872.jpg
بعديم نقلاهم في الزيت .. ونخليهم يتحمرون شوي احسن عشان مايصير لين اذا حطينها في القدر وعشان يعطينا طعم حلو

بعد ماتستوي اللحمة نطلعها هي ومرقتها في قدر ثاني ونفضي الكاتم من كل شي بعدين نصف اللحم في اخر القدر الكاتم بهذي الطريقة
http://tariq.220.googlepages.com/DSCN0879.jpg
بعدين نضيف علية الخضار المقلية ونصفها فوقة بطريقة كويسة
مثل هيك
http://tariq.220.googlepages.com/DSCN0880.jpg
http://tariq.220.googlepages.com/DSCN0881.jpg
بعدين نطلع ورق الغار والليمون الاسود من القدر ونحطة فوقهم ورش عليهم شوي صفار وبهارات عشان تعطينا لون متدرج للرز ونكهة خاقوقية
بعدين نضيف الرز فوقهم كلهم ونبداء نرصة رص كويس مررررة بياليد واذا انتهينا نزود الرص علية بالكاس الين يتماسك مرررررررة
مثل هيك

http://tariq.220.googlepages.com/DSCN0883.jpg
http://tariq.220.googlepages.com/DSCN0882.jpg
بعدين نضيف المرق شوي شوي بالمغرفة وتكون الاضافة عن طريق الاطراف عشان مايخرب علينا رص الرز وتكون النتيجة مثل هيك ولازم شوي شوي بدون دفاشة اهم شي
http://tariq.220.googlepages.com/DSCN0885.jpg
مقياس المرق يكون فوق الرز بشي بسيط مثل الصورة
..

يتبع

[tariq11]

فية نقطة نسيت اذكرها وهي الخلط السرية كما يسمونها

بعد مانغطي قدر الكاتم نشب علية بنار عالية شوي .. لحد ما يبداء يصفر (يتستس) .. بعد التصفير نحسب لة خمس دقائق على النار العالي بعدين نطفية مررررررة ونتركة لمد نصف ساعة وهو طافي ( نشيلة مرة عن النار )

بعد النص ساعة .. بكذا راح تكون نثرية

واذا بغيناها تستوي مرة بعد النص ساعة نشغل النار عليها لمدة 5 دقائق على نار متوسطة

وراح تجي نثرية بس نثرية لينة شوي


http://tariq.220.googlepages.com/DSCN0887.jpg


http://tariq.220.googlepages.com/DSCN0886.jpg

وبالصحة على قلوبكم

[ابوعبدالهادي]

مجهود واضح وتـــــألق الكل يشهد عــليه
سلمت أناملك


http://www.nu-start.net/doc/images/announce/__2.gif

[ssss2]

مشكور ووقتها صرحة في وقت البرد

[أيمن]

بداية موفقة مع الملقوبة المسيلة للعاب
شرح وطريقة واضحة تشكر عليها
بانتظار مواضيعك الأخرى

تحيتي

[ليمونه]

ماشاءالله لاقوة الا بالله روووعه

تسلم يدك

[مسافر1]

ماشاء الله تبارك الله
جهد واضح وطريقة مميزة
زينتها جت وقت الغداء

(تم إداراج ماتريد في المشاركة )

[سحمان]

بما اني طباخ الشلة وطبخي الله بالخير
لكن طريقتك مميزة استفدت منها وساطبقها في قادم الايام
شكرا لك

[اراك@]

شغل عدل ياملا العافيه

كل التحايا لاهنت

[د م ق]

شرح وصور تشكر عليها

[الأسمري 2009]

الله يعطيك العافية

[دكتور بر]

يامال العافية على هالتغطية المميزة لمقلوبة الحاشي
والله انها تسيل اللعاب
مشكور وما قصرت

[desertman777]

الله يعطيك ألف عافيه عاد انا اذبحني عند المقلوبة (ذكرتني بالايام الخوالي)

[desertman777]

الله يعطيك ألف عافيه عاد انا اذبحني عند المقلوبة (ذكرتني بالايام الخوالي)

[مرفــأ]

ماشاء الله تبارك الله
تسلم يدك

[محمد الجويسر]

والله انك سيلت سعابيلي

تسلم يالغالي

[مجتهد***]

ما قصرت
الله يعطيك العافية

تقطية مميزة للأحداث من مقلوبة الحاشي

الله يوفقك
فلك الشيف

[راعي الفقي]

ماشاء الله تبارك الله
تسلم يدك

[عاشق سدير]

تسلم يمينك والله
يا مال العافية

[كهلان]

بارك الله فيك وجزاك الله كل خير

[tariq11]

ابو عبدالهادي الله يعافيك على المرور

[ابوسليمان2007]

الف شكر على الطبخه الممتازه

[غاوي طرب]

لاهنت وبيض الله وجهك

[حزام الامان]

شغل معلم يعطيك العافيه

[ابو رياااض]

يامااااااااااااااال العافيه
مجهود عالى السرررررررررررررررررعه

[اول 111]

خوش طبخه جزالك الله خير
تحياتي ...

[waleed_458]

مشكور اخي وتسلم يداك

[راعي البرقا]

الله يعطيك العافيه والطريقه رائعه.

[ريح الرمث]

ابجيك من الاخير وين شقتك فيه :)
عليكم بالعافيه

[abo rimas]

يا سلام ازين من كذا ما يصير مشكوررررررررررر

[Swordfish]

والله انك كفو وذيبان

ما شاء الله عليك راعي كرم لو واحد غيرك كان جابلهم هارديز شكين شيز والا خرابيط
:)

[سعد الاحمد]

ما شاء الله تبارك الله ..

الله يعطيك العافية على هيك طبخات ..

[راعي دسمه]

شغل عدل يالذيب
يعلك دايم سالم وغانم
عندي لك سالفة طيبه ابقولها لك بس خلن اعرف متى تبي اتسوي مقلوبه ثانيه
الله يجعله بالعافيه

[النمرالأليف]

ماشاءالله عليك وعليكم بالعافية وياليتك عزمت اعضاءمكشات على هالطبخة اللذيذة

[دهران]

الأخ الغالي / tariq11


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif



مقلوبة :good: .... يا حلالاة منهو والله يقعد على جال هالصحين :j

ننتظر المزيد من إبداعاتكم .


وتقبل أعذب وأرق تحية .

[fusfus]

انا صراحه ملقوف وش دخلني الحين وانا جوعان على العموم شكله لذيذ جزاك الله خيرا

[أبو حصه]

http://i468.photobucket.com/albums/rr43/sayedmido3/q74.gif

[رعد الفضاء]

اكرمك الله

والله يعطيك العافيه
بس لو ما نقلي البطاط و الكوسه و البذنجان ونطبخهم نع اللحم ما تصير الذ و الا لا

[الغزال الشارد]

ما قصرت
الله يعطيك العافية

[خوي الساري]

صراحه طبخه غير عاديه 0 كم حق النفر سفري

[حلو الذكريات]

على هذا الصور تقاطرت سعابيلي

عليك بالعافيه اخوي

والله مهب شينه تجرب في اقرب كشته

[قرناس صلا]

ما اشء الله تبارك الله

يا سلام ,,شغل ميه ميه

جوعتني وانا مسوي رجيم ,, الله يستر ..هجمت على المطبخ ...



مشكور ,, جهد وشرح ممتاز والطعم ... شكله يدوخ

عليكم بالعافيه

[mars]

مشكووووووور اخوي والله يعطيك العافيه الصراحه شغل متعوب عليه