اختلفت الطرق والمسميات .. لكن يبقى الطبخ بالكاتم .. " عطنا طريقتكـ "

[دانكن]

السلام عليكمـ، ..

كان ودي اكتب الموضوع كله في العنوان بس مايكفي .. :D ..

مسيتم بالخير ..

في هالجو الزين تكثر الكشتات .. ويكثر البربسة بالقدر الكاتم ..

ياليت كل واحد يكتب لنا طريقته في الطبخ .. طبعا ً لحم موب دجاج ..

ننتظركمـ ..

[أبونورة777]

حياك الله اخوي الباسل ..

ابشر .. خذ بربستي !!

اول شي قطع بصل وطماط وثوم وحط عليه بهارات وملح وليمون اسود .. بعدين حط اللحم بالكاتم مع ما سبق .. ثم ضع الماء لين يتغطى اللحم ..

بعدين سلمك الله .. شغل عليه النار وخله يطبخ لمدة عشرين دقيقة تقريباً ..

ثم افتحه وذق ملحه .. بعدين كبّ الرز عليه .. واذا بدا يتفتف قصر عليه مرة وخله عشرين دقيقة ..

تم يقدم وبالهنا والشفاء ..

شكرا على الموضوع .. وان شاء الله نلقى من يعلمنا الطبخ السنع اللي عليه العلم ..

[mrayman]

الطريقة بأختصار ...وبدون بربسه :
احط ماء بالقدر على قدر حاجة اللحم والرز واحمي الماء وبعدين احط اللحم واقطع البصل ارباع واحطه معهم
وشوي ملح وكمون وفلفل اسود وشوي ورق غار وعويدي وهيل و25 دقيقة وهو يطبخ بالكاتم ... وافتح عليه وشرب الي حولك من المرق ... وطلع مثل ورق الغار والعويدي والهيل ...
وبعدين اذا تبغاه احمر ...عطه شوي صلصه وبس واذا ابيض وهو الافضل وبعدين حط الرز بعد الغسل وخله من فوق الرز حق 3 اصابع واقفل عليه ومابين الـ10-15 دقيقة وفك عنه والله يجعله بالعافية ..

[دانكن]

ابو نورة 777

ان شاء الله نجرب طريقتكـ .. :) ..


mrayman


يعطيكـ العافية ..


منكمـ نستفيد .. ننتظر الباقين .. :) ..

[دانكن]

مافيه الا 2 فقط من اعضاء مكشات يعرفون يطبخون بالكاتمـ .. :d

[سلطان بن محمد]

بسم الله الرحمن الرحيم

وهذي بربستي على قولة أخوي أبو نورة777

أحط اللحم ومعه البصل والثوم المهروس والزنجبيل الرطب المهروس على فكره ترا الزنجبيل الرطب
إذا قشرته وقطعته قطع صغار وبعطين هرسته يعني حطيته بالنجر الخشبي أو الحديد كله واحد
بس اللي أنا استعمل الخشبي ليش ا مأدري المهم تراه يعطي نكهه شهيه بالمره وياليت الإخوان يجربونها
لحظه أذكر عندي صورة لواحد من الإخوان وهو يسويها دقيقه بشوف ارشيف الصور . . . . . أوه زين
حصلنا هذا النجر وهذا أبو سليمان يقطع الزنجبيل شوفوا النجر اللي أقول عنه والزنجبيل بيده
يقطعه . . . . . . .
http://www.saudifree.com/up/pic16/saudifree_a7e45.jpg (http://www.saudifree.com/up)
المهم مالكم بالطويل على قولة الرواية وبعد وش وصلنا . . . . . أيه بعد مانحطهن
نحمس اللحم خاصة إذا صار طازج ونحمسه لين تختلط ريحة الثوم والبصل والزنجبل (( لا تكثر الزنجبيل ))
وبعدين نضيف الماء للحم لين يغطيه بعدين نحط البهارات والملح والدارسين والطماط والفلفل الأسود والأخضر
وكل ماطرا على بالك ريحته زينه حطه وبعدين نسكر الكاتم ونخليه على حسب العمر يعني الحاشي 20 دقيقه
المتوسط 30-35 دقيقة الهرش 45-50 دقيقه وبعدين نفتح الكاتم ونذوق الملح ونشوف اللحمه إذا كان كلش أوكيه
نحط الرز ونخليه لين يبا يتفتف (( صار بخاخ :D )) المهم بعد مايتفتف نقصر له لمدة تقريبا
10 دقايق إلى ربع ساعة وبعدين تعال وشوف كيف الريحه ونثارة الرز.
وهذي صورة بعد ماخلص

http://www.saudifree.com/up/pic16/saudifree_8edc7.jpg (http://www.saudifree.com/up)

شاكر ومقدر لكاتب الموضوع وحسن إنصاتكم

[اراك@]

الأخ العزيز

الباسل

عليك بقدر ابوعراوي

انا صراحه ماهضمه هالكاتم ولا ادري وش معجبكم فيه

يازين القدير العادي اللي تشوف كل شي قدامك

اما هالكاتم يااخي ماجاز لي

مجرد رأي

ولك اجمل التحايا

[نقى بنبان]

هذه طريقتي بالكاتم بالصور

http://www.mekshat.com/vb/showthread.php?t=112499 (http://www.mekshat.com/vb/showthread.php?t=112499)

[دانكن]

الأخ العزيز

الباسل

عليك بقدر ابوعراوي

انا صراحه ماهضمه هالكاتم ولا ادري وش معجبكم فيه

يازين القدير العادي اللي تشوف كل شي قدامك

اما هالكاتم يااخي ماجاز لي

مجرد رأي

ولك اجمل التحايا

يبقى رأيكـ:) ..

الكاتم اسرع من القدر العادي بمدة ..

:)

[الفالحي]

الكاتم للمستعجل فقط

[lo000ol]

الكاتم للمستعجل فقط

صدقت :good: