الفزعه باااهل القصيم يااانشااامااا ؟؟؟

[icom 2006]

السلام عليكم ورحمه اللله وبركاته

اخواني اهل القصيم او زوارها ياليت تعطوني احداثياات لمناطق القصيم الزينه لان بصراحه اول مررره اروح لهاا فزعتكم يانشااامااا ؟؟؟

[ومض الصدف]

لاتفوتك صلاصل توني جاي منها فيها مناقع كبيرة على يمين ويسار الخط السريع(حائل القصيم)وشغاياها ماشيه من مطر يوم الخميس ليلة الجمعة وشكرا

[icom 2006]

هلا اخوي وين طريقها معه واذا عندك احداثياات ياليت تزودنا يالغالي وجزاك الله خير ؟؟

[الأجردي]

بسم الله الرحمن الرحيم
أخوي icom2006
سؤالك أخي عام فلم يتضح نوع وموقع الأماكن التي ترغب فيها لذا سأقدم لك إجابه عامه عن بعض المواقع التي أملك بعض المعلومات عنها عسي أن تلبي إحتياجك ,فإن كانت ماتبحث عنه فساقوم بتزويدك بمعلومات أكثر تفصيلا.
أولا امل أن تطلع علي الخريطه التي توضح المواقع البريه المشهوره شمال وجنوب غرب القصيم علي الرابط:
http://www.athagafy.com/maps/Fig-08.jpg

المواقع جنوب غرب القصيم
-جبال طخفه
-جبال أمره
-جبل سواج
- جبل خزاز
- نفود الميسريه
- عريق الدسم
المواقع شمال القصيم
- شعيب السهل
-فياض البساتين
-وادي الحسكي
وادي الأجردي , آبار البريكه , محير الأجردي, ألتقاء الثويرات مع الدهناء(هذا من أفضل المواقع يجمع النفود والوادي والفياض)
ولا أعتقد أن الأعضاء سيتأخروا عن مساعدتك في حال أتضاح نوع المعلومات التي تحتاجها.
وتقبل مرور أخوك/ الأجردي,,,,,,,,,,,,,,,,,,,,,,,,,,,,,,,,,,,,,,,,,,

[icom 2006]

ماقصرت وانا اخوك يالغالي بس انا ودي اعرف مناطق داخل القصيم مثل الاسواق التراثيه الحديثه محلات السنيدي وسوق الجرده وماشابه ذاللك والله يجزاك بالجنه ..

[T H U N A Y A N]

الفزعه موجوده وانا خوك لكن منطقة كمنطقة القصيم ليست بالامر الهين ان تعرف كل شي عنها ولكن حدد وجهتك هل هي كشتات او زيارة معالم اثريه ا وتراثيه ففي كل محافظة من محافظات منطقة القصيم لها مايميزها. واخوي الاجردي ذكر اهم المكاشت في المنطقه وغيرها الكثير الكثير.

[icom 2006]

وجهتي يالغااالين زيااره معاالم اثريه ومنااطق تراثيه ؟ مع الذهااب لكشتات بريه

[مريقب العيفار]

طال عمرك

القصيم منطقة كبيرة

بها العديد من المدن الكبيرة

فهل تبحث عن أماكن في بريدة فقط

أم تبحث عن الأماكن البرية على مستوى منطقة القصيم

اليك الروابط التالية عن بعض الأماكن في محافظة المذنب

ولا تنسى تمر المانعية جنوب شرق المذنب في قلب صعافيق

وهي موقع هواة التطعيس

والطريق اليها مزفلت

كذلك منتزه جبل خرطم ويقع شرق البد قريب جدا والطريق اليه ممهد

وحوله اماكن بالنفود جميلة والطرق اليها ممهدة كذلك

ثمنياتي لك برحلة ماتعة واي سؤال أو خدمة لا تتردد

http://www.mekshat.com/vb/showthread.php?t=89728 (http://www.mekshat.com/vb/showthread.php?t=89728)


http://www.mekshat.com/vb/showthread.php?t=41168 (http://www.mekshat.com/vb/showthread.php?t=41168)

[.. Anas ..]

بس انصحك تروح للمذنب
وهناك تزور المذنب القديمة (( حي رائـع ومرتب )) بجوار جبل خرطم
فيه سوق قديم وبيوت رائـعة منظمة وبنائها رائـع
أيضا في الخبراء ديرت السحابين القديمة بيوت طين رائـعة على أصلها لم يعاد بنائها

ايضـًا بالخبراء تقدر تزور مزرعة القميــع (( منتج لبان الخبراء ))
...
والشباب يضيفون لك المزيد

[رسلان]

وعليكم السلام ورحمة الله وبركاته ...

من الأماكن الجميلة والمميزة في القصيم وسبق وكتبت عنها :

في الرس:مسجد من رمل! (http://www.mekshat.com/vb/showthread.php?t=41428)
جامع الهلالية الأثري (http://mekshat.com/vb/showthread.php?t=85753)

والقصيم مليئة بأماكن جميلة ومعالم تستحق الزيارة ...
مثل المتاحف الخاصة في الرس وعنيزة هذا غير المتاحف الرسمية ...
ويوجد العديد من المساجد الأثرية والتي مازالت على سابق عهدها ولعل أجملها ماكتبت عنه أعلاه ...
ويوجد بعض المعالم مثل المراقب والأسوار والمباني الطينية القديمة ...
أما الأسواق والأماكن السياحية الجديدة فهي من تخصص خيمة السياحية :) ..
أرجو أنا أفدناكم ..

[دمعه]

تفضل بزيارة المعلم الأثري المتميز بمحافظة عنيزة ""
وهو متحف بيت البسام التابع لقسم الآثار بإدارة التربية والتعليم فهو مفتوح في الفترة الصباحية وحتى المساء .
وكذلك بيت الحمدان في الروغاني " ولمزيد من المعلومات راسلني على الخاص لأتكرم بضيافتك وتزويدك بما شأت " تحيتي لك " دمعه "" عنيزة

[icom 2006]

الله يجزاكم بالخير ويرحم موتاكم وماقصرتوا وعسى عمركم طويل ..

[صلاصل]

أنا انصحك بالجواء فيها اشكال وانواع الآثار والجبال ومن ضمن الآثار حصاة عنتر واهم مدينة في الجواء هي عيون الجواء وقريبة من صلاصل اللي قالك العضو ومض الصدف وهي تقع شمال بريدة على طريق حايل وانت طالع من بريدة تمشي تقريباً عشرين كيلو تقريباً وتجيك على يسار و اللوحات تفيدك.
والله يحيك في بلدك الثاني

[راعي الرجم]

كذالك في عنيزة يمكنك التوجه الى منتزهات الغضى طريق الروضه

ومتع نظرك بغابات الغضى