من يخاوينا إلى الصمان

[راعي هجهجه]

السلام عليكم ورحمة الله وبركاته. وبعد
تعلن الخطوط المكشاتيه عن رحلتها رقم999 والمتوجهه بإذن الله إلى الصمان بعد أسبوع إنشاءالله لعل الله يرزقنا أبرق الريش ونبرد غليل بالصدر اللهم أغثنا اللهم أغثنا اللهم أغثنا آآآآآآآآآآآآآآآآآآمين ولي يبي يخاوينا يحجز ويدفع قيمة التذكره ويحصل على خصم قدره 99% وتحياتي لكم

[الدبل الثقيل]

عسى فالكم الحر الأشقر الغالي...

[حفرلوجيا]

أخوي راعي هجهجه :
شكرا... ويابلاش.. وأخيرا تحقق الحلم وجاء من ينافس الخطوط السعودية!!!!
سجل عندك أنا اول واحد يهج ( اقصد يحجز ).. مادام بها الصمان .. وأبي لوسمحت أواصل في اليوم التالي على رحلتكم رقم (888) المهجهجه (احول اشبنا.. اقص المتجهه ) إلى الدبدبة..
ونبي نقص تذاكر من اللحين.. إلا مكتبكم هو اللي جنب مكتب ( برتش ايرويز.. واير فرانس ) .. عاد مادامكم جيران ذولا اكيد انكم بالوجبات مثلهم أو احسن منهم.. ترى انا أبي وجبات ( سبشل ) على الرحلة.. سجل عندك.. (ضب سوتيه) و( قميري محشي دخل ) و (صفارى بانيه ) ومشروبي...................






ياشين تفكير بعض الناس..







( حليب خلفات )

ياراعي هجهجه ... نبي نسوي ختخته.. للنفود ومعنا الدوافير وتوابع فلة الحجاج ..
ممكن.. سلام

[الفهد]

الغالى راعى هجهجة
بارك اللة فيك على دعوتك ويسر اللة دربك
وفالك الصيد

[المري]

الله يسهل دربك يالغالي وماتشوف شر......................


وفالك الخير كله.


اخوك / المري

[بــرق الشمال]

ترجع باالسلامه والله يوفقك ان شاءالله

وان شاء الله ماترجع الى وانت اتاغر ريش...:D

[ميراج]

سجل معك راكب متعدد المواهب

صقار - شباك - دليله - قصاص جره - حطاب نمره واحد لوتعشى فى اى محل دبرت لك حطب - والطبخ امشى

الحال - اما القهوه والشاهى اعجبك

بس نبى تخفيض على التذكره

ترى ما نبى واصطات فى الحجز وانتخاب الامير

تحياتى

[راعي هجهجه]

شكرا للأخوان الدبل الثقيل وحفر لوجيا والفهد والمري وبرق الشمال وميراج وميراج والله أنك لازم تخاوينا ماشأالله عليك ذرب وحرك .والله مايذبحنا حنا بروحاتنا إلا إذا جاك واحد والله هضيله لاطبخ ولاشوي يعني مايصلح أبد للرحله لا ويغثك زود ودك تاخذلك خضره وترطبه ألين يقول عيدي الليله .آسف ياخوان من القهر طلعة برى الموضوع .
طيب ياأخوان اللي ماوده يطلع معنا يسير علينا وترى معرفة الرجال تجاره في ديرتنا وللي يبي يسير يعلمنا عن طريق البريد الأكتروني ونوصفله تكفون ترانا نفرح بشوفة الوجيه السفره والله يحيكم الله يحيكم .تحياتي::