الله لا يهينكم ياجماعه طالبكم العون.....

[حر ((قصاص))]

مساكم الله بالخير جميع وشلونكم ياجماعة الخير
ياجماعه انا عندي جرو ساحلي اشهب عمره ماتم السبع شهور يعاني من القصر طبعا هذا شي طبيعي نسبيا لكن ودي لو تكرمتوا اذا كان تعرفون طرق او خلطات تقوي العظم وتطول السلوقي وانا بصراحه مااقصر معه بشي ابد حاطه بالمزرعه وحليب البقر صبح ومغرب والاكل عنده مع اني اركضه مرتين بالاسبوع اتمنى مساعدتكم لا هنتم بالاخص((ذيب عتيبه))و((سلطان العوني))ولا يهونون الباقين

[خشف.]

ان شاء الله ما يقصرون اعضاء الخيمه.....

[القاسمي]

والله يا حر قصاص بالنسبه للقصر والطول هذا وراثه ممكن يكون ابوه او امه قصير ودامك ما تقصر عليه بالحليب ما عليه اخلاف ولاكن كلامك عن التركيض فأنصحك لا تركضه لأنه صفير ويأثر عليه بالمستقبل
لاكن عليك بالجرابيع في حوش وسيع وخله يطرد الجربوع ويتدرب ويكسب لياقه وحرفنه والله بياركلك فيه

[طلو]

اهن شي لا يلحقه جوع وعطه فيتامينات وكل حاجه على ربك
\\
الطول والعرض هذي لا علاقه لها بالاكل كلها خلقه من الله
وتقبل مروراخوك ابو نايف

[القحطاني505]

هاذي نقص فيتمينات زد عليه الاكل وحليب البل وباذن الله يظبط والله يسهل علييك

[ذيب عتيبه]

مساكم الله بالخير جميع وشلونكم ياجماعة الخير
ياجماعه انا عندي جرو ساحلي اشهب عمره ماتم السبع شهور يعاني من القصر طبعا هذا شي طبيعي نسبيا لكن ودي لو تكرمتوا اذا كان تعرفون طرق او خلطات تقوي العظم وتطول السلوقي وانا بصراحه مااقصر معه بشي ابد حاطه بالمزرعه وحليب البقر صبح ومغرب والاكل عنده مع اني اركضه مرتين بالاسبوع اتمنى مساعدتكم لا هنتم بالاخص((ذيب عتيبه))و((سلطان العوني))ولا يهونون الباقين




وعليكم السلام ورحمه الله وبركآته ..


مسـآك الله بالرضا والعــآفيه ... وشلونك يالحر.. عســآك بخير .. وشلون أحوآلك .. عسآها انشاء الله طيبه ..الله يجعله ..


أدرآجك لأسمي بموضوع تكتبه أنت .. والشهآده لله انها تميز بحد ذآته وفخـر ..


والله يكثر من أمثــآلك ويعيننا على خدمتك وخدمت أمثآلك وشروآك .



كان بودي أنك أدرجت صور للجرو .. للمعاينه .. ولكن !! .. أفهم من تسآؤلك أنه أصغر من العآده ممن هم فيث عمره ..

أولا .. أطابق كلامي بكلام من سبقوني بالرد انه ربما يكون من النسل نفسه انه يمتاز بالقصر .. وهذا أمره عند الله عزو جل

ثانيا .. التركيض للسلوقي او الجرو قبل عمر ال9 شهور أمر غير نافع .. بل يظره أكثر من منفعته .. حيث يؤدي الى نمو الجرو عرضيا وليس طوليا .. وهذا حدث وجربته أمام عيني .. بجرو كان عندي ..


الحل .. أولا عليك بالحلبه ... تضعها أو تخلطها مع البيض أو الحليب .. وتخليه يشربها ولو بالغصب ..

ثانيا .. عليك بالفيتامينات .. ... والحليب .. بشكل نظآمي .. مع التمر ..


هذا مالدي .. والله يوفقك يالغالي ... ويحفظه لك ويطعمك من صيده ..


وان بغيت شي ولا شي ترانا بالخدمه الله يطول عمرك



ألف شكر على الموضوع

[حر ((قصاص))]

اشكر الاخوان جميعا على مرورهم الكريم وبيض الله وجيهكم ماقصرتوا وشكرا على النصائح المقدمه منكم جميعا وجزاكم الله الف خير

[سلطان العوني]

أول دوا مجرب


وهو للسلقان الي محتاجه حديد وبروتينا ( وأنا مجربنه علي جراوه )


الفائيده من هذا الدوإ يكبر الجراوه يعني جرو عمره 3 شهور الي يشوفه يعطيه 5أو6 شهور
(( ملاحظه انصح باستخدام هذا الواء مدة شهرين او اقل ))


يكبر العظم والجسم .


.http://www.u11p.com/folder3/U11P_hYilqZTwL1.jpg




الدوإ الثاني مجرب


وهو للعصب مثل التشنجات العضليه التي تحدث للسلق أثنإ التدريب


مثل السلق يضلع من أيده أو رجله


هذا الدوإ يلين العصب وأحسن شي يعطا للسلق قبل التدريب


.http://www.u11p.com/folder3/U11P_SY7ST5kuYk.jpg

[الفوار2008]

ماقصرو الأخوان

[حر ((قصاص))]

شكرا اخوي سلطان ماقصرت بيض الله وجهك بس ياليت لو تبنلي وين احصل العلاج هذا وماهي جرعاته للسلق

[سلطان العوني]

اخوي حر قصاص

تحصله عند العيادات البيطريه او الصيدليات البيطريه