تكفووون يا اصحااااب الكواتم

[الحاسم 2005]

السلام عليييكم ورحمه الله وبركاته
قدر الله على وضيعت غطا القدر احمدو ربكم بس
الى يعرف وين القا غطا جديد او احد يعرف تشليييح للقدور :d او قطع غيار
علمآ بأن(وش رايكم بعلمآ بأن يعني يعني اني مثقف) القدر نوعه سب الفرنسي سلستيل مقاس 10 لتر

[فل اوبشن]

مر وكيلة وبتحصل أن شاء الله مطلبك ..

[مارشال]

حراج ابن قاسم تلقا كل شي

[icom 2006]

تحصله عند الوكيل او تروح لحراج بن قااسم وراح تلقى ان بغيت صاموله لعروه هناااك وطب وتخير والله يوفقك يالغالي ؟؟

[كاشخ 24 ساعه]

لو تبي مسمار من القدر تلقاه عند باخشوين في شارع الوزير امام مكتبه المعارف اذا كنت في الرياض

[الحاسم 2005]

ياااالبى قلووبكم والله على ها المعلومات
والف شكر لكم

[د.كبسه]

نصيحه لا تروح للحراج بتتعب ومنتب لاقي شي
رح لوكيله وريح بالك ان حصل تزهم عليه قبل ماتعني احسن

[عقام جدة]

مثل ماقال اخوي مارشال حراج بن قاسم

[بر الوالدين]

لو تبي مسمار من القدر تلقاه عند باخشوين في شارع الوزير امام مكتبه المعارف اذا كنت في الرياض



نعم كما تفضلت

الشارع اللي عليه المحكمة المستعجله و انت متجه جنوب غذا وقفت عند الإشارة

إلتفت يسارك راح تشوف محلين و موجود لافته صفراء اللون مكتوب عليه

كل اللي تبيه من قطع غيار الكاتم

[راعي صيحه099]

انسى تلقى غطى عندنا في الستلااحه
عشرين كاتم مالهن غطيان
مايباع الغطى لحاله
مستحييييييييييييييييييييييل
مالك الا هيفا اشتر كاتم جديد وريح بالك

[NuMaS]

إذا هو نوعـيه معروفة رح وكيله وإذا هو صيني أو ماركة غـير معـروفـة فـ ما إلك إلا هـيفا ... قصدي ما إلك إلا حراج بن قاســم ،، ورح له عصريه