المساعد الشخصي الرقمي

مشاهدة النسخة كاملة : مشكله وأبي لها حل؟؟؟


STOP
16/01/2008, 09:01 AM
السلام عليكم ورحمه الله وبركاته
صبحكم الله بالخير


ياشباب السلقه عندي اجرت :good2: لاكن يافرحه ماتمت :( ليش؟ اقولكم ليش بس ركزوا معي بالسيناريو


يوم شفت لون الجراوه امس استشكيت بالموضوع وتذكرت الجعري اللي كان يجي العزبه قبل العيد باسبوعين او


ثلاثه ورجعت 60 يوم ورا من امس وابغى اتذكر هل هو قبل ستين يوم يوم يجي الجعري او اقل ؟


كنت اتمنى انه يكون اقل من ستين يوم علشان اضمن ان السلوقي هو اللي اشبى موب الجعري لاكن بالنهايه


ماوصلت لنتيجه متأكد مها والظاهر انها من 47-55 يوم من يوم جاء الجعري .>ولا هوب اكيد


وقعدت طول امس هواجيس الجعري لاالسلوقي الجعري لالا السلوقي.


سؤالي لكم ياشباب: ودي اعرف الجراوه هن من الجعري ولا من السلوقي؟


السؤال بصياغه اخرى:اقدر اعرف ان الجراوه جعر ولا لوقيه وهن مالهن الايوم واحد؟


معطيات يمكن تساعد:
السلوقي المشبي: ابيض
الجعري اللي كان يجي: بني
السلقه:بيضاء ولطخ سواد خفيف على الظهر


النتيجه خمس جراوه:
- 3رقط ابيض واسود
- 1 ادغم ابو نقط فوق عيونه
- 1 بني



وشاكر لكم وعساي ماطولت عليكم
بو هاشم
16/01/2008, 09:51 AM
اسمع يا طويل العمر
السلقه ماقد اجرت عندك على نفس الذيخ او عيال من نفس الذيخ انت شايفهم
لان كل ذيخ له بصمه على عيالهم
والسلقه كذاللك
الله يفك حيرتك
تقبال مروري وشكرا
الهوى
16/01/2008, 11:39 AM
لايخوي موشرط انا عندي سلقه حمره وشباها ذيخ احمر وجات اجرى سود وبيض
الابتر
16/01/2008, 02:50 PM
أخوي اترك عنك الألوان الجرا الي عندك روسهن اكبار ولا اصغار إذانهن صمع يعني أقصار ولا أطوال وإذا كان ذيخك ساحلي هل الجعري اريش أو العكس الألوان ما تحكم يالغالي لأن الذيخ ممكن يسحب على نسله والأنثى تسحب على نسله والله يعينك ...
سلطان العوني
16/01/2008, 03:24 PM
اخوي اذا الجعري جاي قبل 47 الى 55 يوم فتاكد ان الجرا كلها سلق
بعدين هل السلقه اجعلت والسلوقي كان عندها ؟ يعني قبل ما يجي الجعري كان السلوقي عندها ؟
STOP
16/01/2008, 07:31 PM
بو هاشم
الهوى
الابتر
سلطان العوني
لاهنتو جميعا عل الافاده
اما بالنسبه لسؤالك اخوي سلطان فكان معاها قبل بكم يوم
وعلى فكره تراي من عيد الفطر وانا اودي السلقه للسلوقي وكل بين فتره وفتره اوديها الين قبل عيد الاضحى بثلاث اسبايع
لاني كنت مادري هو اشباها ولا لا

وشاكر لكم مره اخرى جميعا
سلطان العوني
16/01/2008, 07:36 PM
بو هاشم
الهوى
الابتر
سلطان العوني
لاهنتو جميعا عل الافاده
اما بالنسبه لسؤالك اخوي سلطان فكان معاها قبل بكم يوم
وعلى فكره تراي من عيد الفطر وانا اودي السلقه للسلوقي وكل بين فتره وفتره اوديها الين قبل عيد الاضحى بثلاث اسبايع
لاني كنت مادري هو اشباها ولا لا

وشاكر لكم مره اخرى جميعا

يوم تودي السلقه للسلوقي هل هو شباها قدام عينك او لا ؟
STOP
16/01/2008, 09:19 PM
نعم يشبيها واخليها عنده زود حرص
لاكن من عيد الفطر وانا حاطها ولامسكت؟؟!
ومسكت بالفتره اللي كان يجي فيه الجعري اذا حسبنا ستين يوم من امس
وبنفس الوقت اذكر جيت ولقيت الجعري متهاوش مع السلوقي وراض رجله ورقبته دمان

(الظاهر انهم متهاوشين مين اللي يشبي اول :d

والله لايهينك على كل حال واحس اني طولت عليك وانا اخوك بالسيره الذاتيه للسلق اللي عندي.
راعي سبحة
16/01/2008, 09:52 PM
كلام أخوي الأبتر صحيح ميه بالميه طيب سؤالي لك أخوي ستوب الجعري الحين وين ينام وكيف تسمح له إنه يختلط مع سلق يعني خذ المعادله ذي *)(*) صرنا باختبار (*)( ســــلـــــق + جــــعـــــر =
معادله خاطئه جدا جدا جدا جدا ,, وتقبل مروري أخوك أبو محمد
سلطان العوني
16/01/2008, 11:17 PM
اذا السلقه شبيتها من السلوقي اكثرؤ من مره ولا مسكت على السلوقي
فنقدر نقول ان السلوقي ما بلغ للحين وهذا احتمال
القحطاني505
26/01/2008, 09:56 AM
لاهنت اخوي على الموضوع والله يفك حيرتك
رياح السعيره
07/02/2008, 04:07 PM
الله يفك حيرتك

والشباب فادوك

على ما أظن
ابو وجدان
08/02/2008, 06:37 AM
يكبرون ويبينون
وانت ملزوم اصلا تمسكهم من ناحيه انسانيه حتى يفطمون .. لذالا تستعجل .