لقيت لي سلوقي ازرق

[واكس]

سلام عليكم
اخواني لقيت لي سلوقي ازرق وفي رقبته (سر) الي له يراسلني
بس المشكله عجزت اطرحه
السلوقي كل ليله يجي يمرح حول المخيم حقي يجي في ذرى الخيام والصبح يسرح وكم مره اشوف شباب على هايلكس يطردونه بطريقه عشوائيه ولا يلحقونه السلوقي طيب بالحيل
حطيت له محباله على برميل بويه والبرميل فيه عشى والله يعقله
بس ابي الي يعرف له طريقه مضمونه يعلمنا ترى خويكم عليمي بالسلق
وسلااااامتكم

[ذيب عتيبه]

السلام عليكم ورحمه الله وبركآته


حيآك الله ياوآكس والله يكتب أنشاء الله أن فيك الفرج بعد الله سبحآنه

أنا رجال ضايع لي سلوقي وانا خوك بالخرج .. وهذا رآبط موضوعي اللي نزلته له ..



http://www.mekshat.com/vb/showthread.php?t=115503 (http://www.mekshat.com/vb/showthread.php?t=115503)




تكفى ياخوك وطآلبك طلبه .. ان كان هو فلك مني هديه والله ماتطري على بآلك ..

الذيخ هذا أنسرق مني ثلاث مرات ياخوك .. والمره الرآبعه اللي ضاع فيها .. والله ماأدري أن كان أنسرق ولا طلع من المزرعه ..



الصور موجوده بالموضوع .. وكل شي موجود .. وانا بكون على متابعه لموضوعك ..



والله يكثر من امثآلك .. وبيض الرحمن وجهك .. واللي مثلك وشروآك .. يفتخر بهم ..

[الابتر]

الله يجزاك الف خير على نشرك عن المفقود والله يعقله لراعيه وأتمنى يالحبيب إنك تجيب اسلقه أنثى واتفكها وراح إنشاء الله تمسكه ...

[سلطان العوني]

اخوي فيه طريقه ان شاء الله تفيدك كثير
اذا حولك واحد عنده سلقه مجعل او جعريه وانت بكرامه مجعل حاول تجيبها وتربطها عند المخيم وهو راح يجي بنفسه يشبيها بهالطيقه تقدر تسوي محباله على رواقه له

وبيض الله وجهك على امانتك

[واكس]

بيض الله وجيهكم

[واكس]

خاص للعتيبي
يا ابو عتب للاسف السلوقي مهو الي في الصوره
لاكن ان طرحته تستاهله هو لك انشالله يا بو عتب

[خشف.]

الله يجزاك خير على امانتك ويكثر من امثالك......

[عطيب المظاريب]

السلام عليكم

اخوي واكس

انا مظيع لي ذيخ اسود في نفود الطوقي

السلوقي عليه طوق اسود

وهو غالي علي بالحيل

وجزاك الله خير

اخوك عطيب المظاريب

[القحطاني505]

الله يجزاك خير ويوفقك

[عبدالرحمن السالم]

انا ضايعه لى سلقه زرقاء ضيعتها في البوبيات قبال محطه الخزام
وعمرها قرابه " سنه "
وبرسل لك الصوره على الخاص اذا هي اكون لك من الشاكرين

[واكس]

يا اخوان للاسف السلقه ماعاد بينت يا راعيها لقاها او اخذها احد
وشكرا

[ابو وجدان]

انا من رأي الأبتر وسلطان العوني وبالنسبه للعشاء اللي راح الله يخلف عليك .