اي شخص يبخص الطيور يدخل الله لا يهينه

[ابو جوري]

السلام عليكم ورحمة الله وبركاته

كتبت الموضوع لجل اسأل اهل الخبره

انا عندي طير حر وهذا اول طير اقتنيه
بس المشكله ان عينه اليمنى يغمضها دايم ;)
وذا مريت من عنده ولا شاف العلف ولا مع الملواح فتح تقول مافيه الا العافيه :confused:
وكن جفونه وارمه شوي

وبعض الاحيان اشك انه يشوف فيها

عاد انتضركم لعل وعسى احد منكم مر عليه مثل الحاله ذي


فزعتكم

[*الـزيـن*]

ابوحنان

مساك الله بالخير

ان شاء الله انه مافيه الا العافيه لاكن وين مكانك؟

اذا انت في الشرقيه عندك الدكتور فارس في الجسر

واذا في الرياض ما شاء الله عندكم اكثر من مكان

افحص الطير وافحص نضر الطير واتوقع انه من ضيق البرق لان اذا البرقع ضيق الطير يدمع ويلصق الغمص يلزق بعيون الطير





اخوك الزين

[جارح العين]

لا هذا والله اعلم من البرقع ظيق ويحك بالعين غير البرقع وشفله برقع مقاسه وانشاء الله يتحسن
شوف البرقع من جوا اذا فيه ساءل الدموع تلقاه ميبس

[*الـزيـن*]

لا هذا والله اعلم من البرقع ظيق ويحك بالعين غير البرقع وشفله برقع مقاسه وانشاء الله يتحسن
شوف البرقع من جوا اذا فيه ساءل الدموع تلقاه ميبس


طيب انا ذكرت نفس الشي وش الجديد

[قلب ذيب]

اقرب بطيري متخصص في الطيور .
اذهب بالطير له فورا .
والله يوفقك.

[جارح العين]

معليش يا الزين انا شفتتك قلت الدكتور فارس ظنيتق تقصد مرض وما قريت الباقي
خلاص نعدله ونقول _مثل ماقال اخوي الزين_ خخخ

[*الـزيـن*]

معليش يا الزين انا شفتتك قلت الدكتور فارس ظنيتق تقصد مرض وما قريت الباقي
خلاص نعدله ونقول _مثل ماقال اخوي الزين_ خخخ


لاااااا افا عليك مثل ماقال جارح العين :D



تقبل كل الاحترام والتقدير


اخوك الزين

[راعي شوق]

اخوي ابو حنان السلام عليكم
طيرك ان شاء الله مافية الا العافية لكن حاول تسقي الطير ماء لان هذه من علامات العطش

[خشف.]

الله يشافي طيرك وان شاء الله اعضاء الخيمه ما يقصرون

[المطيري 1]

حياك الله أخوي ابو حنان ؛؛؛؛؛؛؛
طيرك والله أعلم ان فيه دود ولاحقه عطش

[ابوفارس 5350]

ممكن طيرك خشمه مسكر الايمن اوماسك خنفس ويكون صايب العين اومثل ماقلوالشباب وضروري العياده والفحص على الطير

[ابو جوري]

الله يجزاكم خير
كلن بسمه
وان شاء الله اني بجرب اللي قلتو كله

وان شاء الله يطيب

بيض الله وجيهكم وما قصرتو

طمنتوني الله يجزاكم خير