قالها بزبوزي : أعلن إعتذاري عن تكملة مشواري

[مكشات]

اليوم في الساعة الحادية عشرة صباحا
وفي فناء منزلي
حاولت فتح هذا الصنبور ( البزبوز ) فوقع في يدي
وكأنه يقول :
أعلن إعتذاري عن تكملة مشواري
.....
http://www.mekshat.com/pix/upload/prof001/mk1_cold01.jpg
ومايفل الحديد
إلا النار والثلج
:)
تحيتي للجميع

[ثعل البرد]

مشرفنا العام

مشكور على الصورة المعبرة


الله يعين على البرد

ويصرفه بالسيول إن شاء الله

[ديم نجد]

وشذا يابوياسر حرام عليك غير عنوان الموضوع :mad:
والله طاح قلبي :(
لاعاد تعودها :D

[نمر بن حثلين]

قريت العنوان وقلت عسا مهب الرجال بيهون ويتركنا :confused:

ويوم صار البزبوز هو الي مهب مكمل المشوار بكيفه بداله عشرة بزابيز :p



الله يلطف بنا يرحمنا ويرزقنا السيل

[ذيب عتيبه]

ههههههههههه الله يهديك بس يالغالي



والله أني على ماتقول بغيت أنهبل أقول وش السالفه ؟؟!! :confused:



ثعل البرد أشهد بالله أني مريت مامريت فيه أنت من صدمه :D


ولكن عدت على خير الحمدلله دام الدعوه صنبور :j



يامال العافيه وموضوع مميز بكل ماتحمله الكلمه من معآني



ألف شكر لك يالغالي

[مكشات]

المعذرة يا إخوان
ماإنتبهت لإحتمالية فهم العنوان بشكل آخر :)
وتم تغييره من : أعلن إعتذاري عن تكملة مشواري
إلى قالها بزبوزي: أعلن إعتذاري عن تكملة مشواري ..
أعتذر مجددا ..
مع شكري وتقديري

[صوت المطر]

هبلتنا يا أبو ياسر ارحمنا يا شيخ ما صدقنا وشفنا مكشات في أحسن حالاته

والصورة معبرة جدا وكل أمس وانا عند العيال مخيمين بالطرفية نصب الماء الحار على البزابيز عشان تصب

برد عجيب هذه السنة يالله رحمتك ..


أسلوب جذب من العيار الثقيل هههههه :good:

[مريوس قدام]

مشرفنا العام



مشكور على الصورة المعبرة



الله يعين على البرد



ويصرفه بالسيول إن شاء الله


يفداك يا ابو ياسر الف صنبور ولابعد قروووووووهي بس كلش ولا مكشات يا مكشات

[@أبو زيد@]

صورة معبرة جدا يابوياسر

والله يرحم الحال

ويجيب الخير عاجلا غير آجل


شكرا جزيلا لك

[ديم نجد]

المعذرة يا إخوان
ماإنتبهت لإحتمالية فهم العنوان بشكل آخر :)
وتم تغييره من : أعلن إعتذاري عن تكملة مشواري
إلى البزبوز يقول : أعلن إعتذاري عن تكملة مشواري ..
أعتذر مجددا ..
مع شكري وتقديري


يعني حطيت الغلط على هالبزبوز المسيكين :D
أيه هين تبي تشوف غلاتك عندنا :p

[صقر20]

أعلن إعتذاري عن تكملة مشواري
http://www.mekshat.com/pix/upload/prof001/mk1_cold01.jpg


عنوان كبير وصورة نادرة ومعبرة من قلب الحدث
وفعلاً درجات الحرارة المتدنية الإستثنائية هذه الأيام
أثرت حتى على الحديد وعلى البشر....
أهنيك أستاذي على الصورة والعنوان
دمت لنا أخاً عزيزاً وأستاذاً نفخر بحضوره

[بارق الفجر]

صورة معبرة جدا يابوياسر
والله يرحم الحال
حنا لنا ثلاثة أيام وسوق السباكين ماشي وما يلحقون على العالم
تقبل مروري

[*المنادي*]

انا اشهد انه احيل للتقاعد إجباراً
و بدون مقدمات ههههه

[التمَاري]

تسلم يابو ياسر على الصوره الرائعه

انت قلت في البيت بس وين في اي ديره؟:)

[أبو عابد1]

خل البزبوز يقول اللي يقول أهم شيء إنت يا أبو ياسر :D أما بزابيزنا في الغربية مالها عذر تصب وما تشوف الدرب :D الله يعطيك العافية يا أبو ياسر فعلاً صورة معبرة ونعوذ بالله من زمهرير جهنم بارك الله فيك

[عبدالله العمرو]

يارب سترك ...
يسعد مساك أبو ياسر ..
هذا الساعة 11 ؟؟؟
أجل الساعة 4 فجراً وش بيصير ؟؟؟
ما شاء الله تبارك الله يعني قدرت تفتح (( سنن الجلمبو )) ;)


ترى فيه اختراعات جديدة تدفّي :D

الله يكون بعون الجميع الحقيقة موجة صقيع شبه شاملة (شمالية نجدية )
اليوم لأول مرة في التاريخ يسجل عندنا -5 تحت الصفر :confused:
الله يرحم المسلمين ...

تحياتي لقلبك /

[* الــــفــر قــــد *]

صور معبرة أخي مكشات المشرف العام وفعلاًمن قلب الحدث

أقصد من قلب الصنبور والله يعينكم على البرد الشديد

[مكشات]

يعني حطيت الغلط على هالبزبوز المسيكين :D


أيه هين تبي تشوف غلاتك عندنا :p

هلاو الله بالغالين كلهم :D
على بالي أبقلد المحترفين بخيمة التصوير وأعطي عنوان لافت ، مادريت إن الدعوى تبي تروح لبعيد
لكن رب ضرة نافعة فقد عرفت غلاتي عند أحبابي ;) بارك الله فيكم جميعا والله لايحرمنا منكم

[ابو مشعل 1]

الله يرحم المسلمين برحمته ويغيثنا من فضله

الماء جمد بوسط سرندل الماكينه

مابالكم بالبزبوز المسيكين اللي بالحوش :)

بارك الله فيك مشرفنا العام ابو ياسر

[مكشات]

تسلم يابو ياسر على الصوره الرائعه





انت قلت في البيت بس وين في اي ديره؟:)

الله يسلمك ويبارك فيك
ديرتي بريدة وكل الجزيرة ديرتي ومسكني في طرفها الشرقي ،،، إقلط حياك الله :D

[حب الوطن]

اخي والمشرف العام ( مكشات ) صوره معبره وياالله يرحمناء برحمته واول مره

اشوف صوره زي والحمد الله عندنا في جده الجو معتدل الحمد الله الله يعينكم وصورة البزبوز ياهو مقطوم قطم


اخوك / حب الوطن

[الرائد2006]

يعطيك العافية ابوياسر على التوثيق المعبر

وبرد السنة ذي الأشد خلال الثلاثين سنة الماضية

[طيرحوران1]

:confused: نحمد الله ياخوان ها السنه يمكن البرد صابته العدواء من غلاء الاسعار

[برق جده]

هههههههههههه والله ادعي لكم الله يعينكم على البرد

[لهيب الشوق]

مشرفنا العام

مشكور على الصورة المعبرة


الله يعين على البرد

ويصرفه بالسيول إن شاء الله

[أبورهف]

مشرفنا العام
الغالي
اللهم ارحمنا برحمتك

نسأل الله أن يغيثنا الغيث ولا يجعلنا من القانطين

مشكور على الصورة والتوثيق الرائع

[فل اوبشن]

رائعة .......

[مطر مكة]

صورة معبرة
اعانكم الله على البرد

[نايف الحربي]

لا حول ولا قوة الا بالله

بارك الله فيك يامشرفنا العزيز

والله يكفينا شر هالبرد

[أعالي المزن]

السلام عليكم ورحمة الله وبركاته
الواحد يخاف بس يطيح بوزه من البرد هههههههه

[الهلالي]

هلا يبو ياسر ( الله يبارك في هالبزبوز اللي خلانا نشوفك ) والله يرحم المسلمين ويعوضهم
بالربيع الطيب , ومشكور على الصورة الرائعة .

[صوت الحق]

مسكين هالبزبوز ياابو ياسر راح فيها

جمدت عروقه فتوقف قلبه ففارق الحياة

كان جاي وهو يقول الله يعني على حرارة المياه والصوالي فانقلب به الحال

الله يرحمنا برحمته

شكرا لك على الطرح الجاذب مديرنا الغالي المحبوب

بارك الله فيك ووفقك لمايحب ويرضى

[الحر جساس]

ههههههههههههههههههههههههههههههه
الله يعين على البرد,,
ومشكور يامشرفنا العام ,,,,

[sarab99]

اللهم أغثنا يا رب العالمين والطف بإخواننا الفقراء
والمزارعين واصحاب الحلال

[صالح الربيعان "برق السناف"]

مادام المشرف العام لم يسلم من أضرار البرد أجل حنا المساكين وش نقول 00 الحقيقة يابو ياسر هذا البرد حالة نادرة جدا تجتاح المملكة ولعلها بداية تغير مناخي تكثر فيه الخيرات والأمطار وياسعدكم يامحلات السباكة

[بارود برنو]

سلمت يابو ياسر
http://www.mekshat.com/pix/upload/prof001/mk1_cold01.jpg

البزبوز ذاق البرد لين طق ...وانكسر
اجل كيف حنا الله يرحم حالنا
تحياتي لك يامكشات

[((أبو أسامة))]

أرحب بالكريم ابن الكرام


أخي وزميلي أبو ياسر



ولا شك بأن الكرام مثلك



تأبى مقتنياتهم إلا التجديد من كثرة الأضياف

خصوصا البزبوز


فكم اسقى من معينه الصافي كل لهفان



شكر الله لك هذا الموقع الشامخ



الذي أشببه بالمجلس الكبير فتحه ابو ياسر وقال خذوا راحتكم البيت بيتكم فليس احد أولى بالبيت من احد






محبك أبو أسامة

[خشم علي]

ابو ياسر ترى دم هالبزبوز برقبتك لو انك تاركه ينقط ما انكسرت رقبته من الثلج

[السمح]

ما يفل الحديد إلا النار والثلج ؟؟ هممممم
ما هوب الظاهر إلا والله الأيديات اللي قالت به وهو والم ما يبي له .. شكله ما هوب إيطالي .:j
*****
يعطيك العافية أبو ياسر على هالصورة الفريدة من جد .. شف وشلون الثلج جامد بالماصورة ، الله يرحمنا برحمته ، ويعم الدفا والخير قريباً ، واللي عند الله قريب .

تحياتي

[علووووم الحيا]

الله يعطيك العافيه

وانت لايمه .. الله يرحمنا ويخفف عنا هالبرد الشديد

[محمد النجدي]

يا ملا العافية

صوره معبرة عن حال الأجواء في هذه الأيام

دمت بخير

[أبن طيبة]

السلام عليكم ورحمة الله وبركاته

صورة رائعة ومعبرة عن الاجواء هذه الايام ونسأل الله أن يرحمنا وأن يرزقنا الغيث

ولكن أعجبن جدا الروح الموجودة بين الاعضاء والمشرفين والله يعطيكم العافية

وارجو قبولي معكم عضوا مشاركنا ولكم مني جزيل الشكرو التقدير

أبو عبدالعزيز

[جلاد الصحراء]

شكلك كاسر الحديد علشان تدور الثلج

ابو ياسر هالسنة الربيع بالامارات عقب الامطار بك خوه ادخل هالرابط وشف الربيع تحياتي لك

http://www.mekshat.com/vb/showthread.php?t=120159 (http://www.mekshat.com/vb/showthread.php?t=120159)

[نمر 33]

صورة معبرة يا أباياسر

[×ساري×]

الله يعين
شكرا ع الصوره المعبره

[الوتين]

هذه الموجه الفريده من نوعها اثرت على كل شيء
حتى الحديد جاوب .. اللهم الطف بنا
شكرا يـ ابوياسر على الصوره المعبره
تحياتي لك

[((( الحر)))]

ابشر بالعوض يابو ياسر


عندي لك بزبوز مذهب يقلون انه من عهد الحجاج بن يوسف.


ابوي الله يرحمة وارثه من جدي الي مات بعد ماركبه باسبوع :(


وابوي مات بعد ماركبه بثلاثة ايام:(


وانا بلش فيه اخاف اركبه قلت ياولد فرصه اهديه للغالين مثلك وشرواك :j


ولا تنسى انه مذههههههههههههب:D :p :)


وعلمني وشلون تبغاني ارسله لك
عن طريق
الدي اتش :)
او
الدي ان اي;)

وترى اجور النقل والشوائب والزكاة على حسابي

[الرجم العالي]

قالها بزبوزي : أعلن إعتذاري عن تكملة مشواري

انــا أول ماشفت العنوان قلت يارب منهو ذا بزبوزي هالعضو ماقد مر علي ههههههههههههه ..

بس أهون من الي الحقو على أول الموضوع :p ..

والبرد قطع قلوب البعارين ,,, :) حتى الحمير السود يلعن جدفها :p

والله يكفينا شر البرد .. والله يعطيك العافيه ..

[مكشات]

هذا البرد حالة نادرة جدا تجتاح المملكة ولعلها بداية تغير مناخي تكثر فيه الخيرات والأمطار
إن شاء الله إنه بداية تغير مناخي ، والله يطول بأعمارنا على طاعته ونلحق على الانهار والخيرات ونشوف أرضنا خضراء وربيعه دائم ..
وفرصة للي يتقاعد ويطامر من مكان لمكان :D

[مكشات]

مسكين هالبزبوز ياابو ياسر راح فيها



جمدت عروقه فتوقف قلبه ففارق الحياة


زين جت بالبزبوز ماجت فينا :D
ومشكور أبو عبد الرحمن على المشاركة الله يبارك فيك





شكر الله لك هذا الموقع الشامخ
الذي أشببه بالمجلس الكبير

هلاو غلا باخوي أبو سامة حياك الله
ومازان هالمجلس إلا بوجود اللي مثلك وشرواك ، عز الله إن الإلتقاء بكم في هذا المجلس ماله ثمن :good: .
والله يديم علينا النعمة ويجمعنا بجناته ..

[راع الصمان]

الله يكفينا شر زمهرير النار....

[مكشات]

ابو ياسر ترى دم هالبزبوز برقبتك لو انك تاركه ينقط ما انكسرت رقبته من الثلج
هلاو غلا أبوناصر حياك الله
ايه أخيرا طلعت بعض الخبرات ;)
ترانا مانستغني عن التوجيه بمثل هالحلات :no2:
إذا دم هالبزبوز برقبتي ، فكل البزابيز اللي تكسرت بالشمال وغير الشمال برقبتك :j
تبي تقول لي ليش ؟ أقول لك !
لو كتبت موضوع من سطرين بخيمة الأحوال الجوية ونصحتنا نخلي بزابيزنا تنقط قبل ماتتجمد المواسير كان ماصار اللي صار بمشيئة الله :)




ما يفل الحديد إلا النار والثلج ؟؟ هممممم


ما هوب الظاهر إلا والله الأيديات اللي قالت به وهو والم ما يبي له .. شكله ما هوب إيطالي .:j

ياحول ياهالإيديات ، متجمدة مافيها حيل :(
لكن وش اسوي بالحديد اللي صار بسكوت من هالثلج :confused:
وبعدين لاتقيس يدينك بيديني يابو تركي مايجوز :( ماشاء الله تبارك الله ;)

[مكشات]

ابشر بالعوض يابو ياسر


عندي لك بزبوز مذهب يقلون انه من عهد الحجاج بن يوسف.
ابوي الله يرحمة وارثه من جدي الي مات بعد ماركبه باسبوع :(
وابوي مات بعد ماركبه بثلاثة ايام:(
وانا بلش فيه اخاف اركبه قلت ياولد فرصه اهديه للغالين مثلك وشرواك :j
ولا تنسى انه مذههههههههههههب:D
وعلمني وشلون تبغاني ارسله لك .. عن طريق الدي اتش او الدي ان اي;)


وترى اجور النقل والشوائب والزكاة على حسابي

خوش غلا يابو محمد :eek: ماقصرت
ومادام أبوك الله يرحمه مات
وجدك مات
الدور ماهوب علي يالحبيب :no: الدور عليك :D
أنت ركبه من شان نشوف هو البلاء منهم والامن البزبوز :o
ولاترسله أنا ما أحب المذهبات :no2:
أنا أصلا هونت والشجر مات يعني ما احتاجه أبدددددددددددددد الله يسلمك

[مساير الليل]

ماشاء الله عليك يا أخوي مكشات كنك ثوب العيد مانشوفك ألا في المناسبات


الله يبارك في هالبزبوز ألي خلانا نشوفك:D

[مكشات]

ماشاء الله عليك يا أخوي مكشات كنك ثوب العيد مانشوفك ألا في المناسبات


الله يبارك في هالبزبوز ألي خلانا نشوفك:D

الله يبارك فيك
والله يستررررررر :D
إنتبه تراك ترفع وغيرك يكبس وانا مافيني شدة على بعض الكبسات :p
وبعدين تراي معكم باستمرار ، لكني برى الخيمة ..

يا بيي ما أحد يعاف الجلسة معكم حول الضو والقهوة وعلوم الرجال ، لكني مشغول بشد الطنابات :D

[نجم 1]

الله يرحمنا برحمته الله يعطيك الف عافيه أخوي مكشات على هذه الصوره المعبره

[النداوي HZ2AF]

الله يعين الحديد ما أحتمل البرد كيف الإنسان
وهذه فرصة للدعوة لتذكر أخواننا المحتاجين
وكل يجود بما يقدر لنخفف من معاناتهم

أخوك أبو عبدالله

[مكشات]

ولكن أعجبن جدا الروح الموجودة بين الاعضاء والمشرفين والله يعطيكم العافية
وارجو قبولي معكم عضوا مشاركنا ولكم مني جزيل الشكرو التقدير
أبو عبدالعزيز
هلا أبو عبد العزيز حياك الله بين اهلك وربعك
والعضو والمشرف كلهم إخوان ويكملون بعض والحمد لله على التفاهم والمحبة اللي بينهم ( عسى الله يديمها )
ويبقى مكشات للجميع لافضل لأحد على أحد ..

[ناصح]

فعلا هذا البرد اللي يقطم البزبوز

بدل المثل الشائع

برد يقطم المسمار

وشكرا لك
عنوان مشوق وصورة احترافيه أبلغ

نسأل الله أن يرحمنا برحمته