يامحلا لا شدوا الجيب بالعفش

[العازمي]

يــعــلـــم الـجــمــيــع ان ســهــيـــل طـــلــــع
ويقول المثل ألا بين سهيل لاتأمن السيل والطلعات ولأمطار قربت بأذن اللة
وحبيـت اهديكـم قصيـده للشاعر عبداللة بن مصبح اتمنى ان تنول على رضاكم وستحسانكم.




يامحلا لاشــدوا الجـيب بـالعفــــــــــــش =شــاصي وكمل عزبته عند جــابـــــي

جديد والبودي نظيف(ن) من الخــــــــدش = واللون بيج وماركبوه الشبـــــابــــي

واريل جهاز وفـــوق صـــدامـــه الونش =وكشــاف والدربـيل ضمن الزهــابـــي

ومقفـــص(ن) يبرالــه افضــل من البورش= بمسجله شرطــــان شعـــر وحجـابـــي

وخوة نشــامــا مــاحسـبوا يوم للقــرش = كبــار العقــول قـلوبهــم مــاتهـابــــي

بارض(ن) يجفل صيدهــا همل الطـــــرش = والفقع صلع شــال عنــــه التــــرابـــي

حول العيـــلي والرحـى والمطــــــر رش= وقبله جلـى عنا كثيف الظبـــــابـــــي

يازين مجلاس(ن) علـى الأرض والفـــرش = عشب(ن) مع البطحـا صبـغ بـالثيـابــي

وجمع الحـطب من قبل مانرمي القـــش= فـرس(ن) تـوقـد والغظــا بـالتهــــابــي

وسواة فنجـال(ن) على الجمـر ينعــش = لاروحـت ريحـــــه خــاطري منه طــابي

مع حلوة(ن) للجوف تمــــــره مجـــرش = او سكــــــــرين واستوى بحــر آبــــي

وبمعدنن من صنـــــعت الهند مــاغـش= شـــايـه ربيــع وســكــره دوب ذابـــي

هاذي منــاة العمــــر والعين ترمــش = وبـاقـي المنـــايـا لوغــدت لســـرابــــي

وصلاة ربــي عــد مــايــنزل الطـــش= على محمــد ســــورتــــه بــالكتــــابــــي




وسلامتكم .

جابي: محطة بنزين بالقرب من طريف على بعد 80 كيلو شرقاً
العيلي : شعيب داخل محمية حرة الحرة
الرحى: تل يقع في محمية حرة الحرة

[راعي مرات]

الغالي000 العازمي


تسلم وربي على هذا الأختيار الجزل000للشاعر/عبداللة بن مصبح


وأنت ماشاء الله عليك أكيد راعي مقانيص ومتولع000


وتوقيعك جكيل لكن الأجمل منه صاحبه000حفظه الله00


تسلم لنا أخي 000ولاهنت

[تالي الاولين*]

.


صح لسانك يالعازمي

قصيدة متميزة وفي وقتها

وقافيتها صعبة وسخرتها

بيض الله وجهك



.

[ميراج]

صح لسانك ولسان الشاعر

اختيار موفق بيض الله وجهك
تحياتى

[بـلـيـهـان]

تسلم يالعازمي

صح لسانك ولسان الشاعر

والله يغيث البلاد والعباد ..

[سيف السيف1]

تسلم ومن قال
وخوة نشاما ماحسبوا يـوم للقـرش=كبـار العقـول قلوبـهـم ماتهـابـي

[العازمي]

الأخوان

مشرفنا الغالي راعي مرات

تالي الاولين*

ميراج

بـلـيـهـان

ابوفارس

يعطيكم العافية على المرور والمشاركة وتفاعلكم مع القصيدة .. تقبلو تحيات أخوكم العازمي

[>ابوعبيد<]

يسلمووو على القصيده الحوووه يالعازمي وماقصرت وعلى قوله اخونا راعي مراات شكلك متولع بالمقناااص :good: :) :BUTT1:

[العازمي]

مرحبا أبو عبيد
وخوة نشاما ماحسبوا يـوم iiللقـرش
كبـار العقـول قلوبـهـم iiماتهـابـي
ويازين مجلاس(ن) على الأرض والفرش
عشب(ن) مع البطحا صبـغ iiبالثيابـي
أنا أدور خوة النشاما اللي مثلك وشرواك أخوي أبو عبيد
ومافية أنسان يكرة البر وهدوء البر الحقيقة أنا مدمن بر:D لازم كل جمعة وخميس أضرب أبرة بر
على شان أصحى:good: تقبل تحيات أخوك العازمي

[دله وفنجال]

السلام عليكم ....



يامال العافية والسيل اخوي العازمي على هذه القصيدة واي والله ان النفس ماتنبسط الى لاشدو العفش بلجيب ومخوة ارجال مثلك وشرواك ...





اخوك دله وفنجال

[العازمي]

وسواة فنجال(ن) على الجمـر iiينعـش
لاروحت ريحه خاطـري منـه iiطابـي

مأبي ياخوي غير الدلة والفنجان ( وذا معها تميرة:D ياسلام)
عموماً أشكرك أخوي دلة وفنجال ومعليك زود ومن طيبك ياخوي
ونت سميت حالك دلة وفنجال يدل على كرمك وطيب أصلك بارك الله فيك وشكراً على المشاركة
... تقبل تحيات أخوك العازمي

[الربيع]

الغالي العازمي
وش جاك علينا الله يهديك بهالقصيده ترانا مبطين عن الربيع الطيب وشدة الجيب وعلوم البر الله يجيب الربيع والخير الله يجيب الربيع والخير الله يجيب الربيع والخير
تصدق يوم قريتها خنقتني العبره الله يفرحنا بالخير
وشكرا لاختيارك الجميل

[العازمي]

مرحبا بالربيع
أخوي الربيع هل تصدق في هذة اللحظة اللي أكتب فيها الساعة الثالثة صباحاً ليلة الجمعة التاريخ 20-21/8/1242هـ ا أن البروق علينا من كل جهة ومتأملين خير بأذن الله
هطلت علينا والحمدللة أمطار على القرى والهجر اللي حولنا اليوم ..
أشكرك يامن ننتظرة على نار ( الربيع ) على المشاركة... تقبل تحيات العازمي

[نقا هشال]

اخوي العازمي
يعطيك العافيه اختيار ممتاز

وفي وقته

صح لسان الشاعر

[صقر]

صح لسانك اخوي العازمي ولسان الشاعر بن مصبح

قصيدة رائعة ومعبرة عن تطلعات هواة المقناص والبر


بارك الله فيك..

[العازمي]

الأخوان
نقا هشال
صقر
أشكركم على المشاركة وكل عام وأنتم بخير بمناسبة قرب شهر رمضان المبارك
تقبلوا تحياتي

[alameed]

صح لسانك
مشكوووووووووووووور