تعالو علمونا وش احسن شاهي جربته وكيف طريقك لظبط الشويهي

[شقران نجد]

السلام عليكم جميعاً ,,,,,,,
وحياكم الله ....
لكل منا طريقته الخاصه بالشاهي
بالنسبه للشاهي الأنواع شاهي ابو جبل (تلقيمه) او شاهي ورق الدااااار رهيب الشاهي هذا وهو يمني لون كرتونه ابيض وتلاقيه مع اليمنى اللي يبسطون او في الأسواق الشعبيه ورخيص ب8 ريال الله يديم الرخص:D
بالنسبه لي البريق المستخدم معدن الأصفر والطريقه اني احط السكر مع الماء من بدري قبل يطبخ الماء ثم احطه على الضو ثم اخليه لين يطبخ ولي طبخ ما اشيله اخليه يقلب حوالي اربع دقائق ثم اشيله عن النار والقمه الشاهي ثم اجنبه على النار لمدة خمس دقائق وهاتك يامزااااااااااااااااج .....


نسمع تجاربكم لعلنا نستفيد منها

[صوت الارض]

<<<<<<<< يمدحون الربيع اكس برس ابو فتله :)


مشكور اخوي على الموضوع

[raheema]

والله عجزت اضبط شاهي يقعد الراس تكفون

[الخادم]

وصفة حلوة بس نوعية الشاهي لك عليها

[آل مغيرة2011]

أحسن شاهي كانت تصلحه لي ( جدتي ) الله يغفر لها ويرحمها ..

شاهي ماذقت بعده مثله .

( المشكلة إني ماأخذت منها الوصفة )

[جلاد الصحراء]

غير ربيع لا تدور على العموم الشاهي يعتمد على
1-حلاوة الماء
2-نوع السكر وعليك بسكر دبي الخشن
3-طريقة الاعداد

[شقران نجد]

اخوي صوت الأرض لاهنت على المرور والتعليق ,,,,
اخوي رحيمه والله ياخوي طريقتي وطرحتها واتمنى تقعد راسك وننتظر طرق الشباب ونجرب ولا هنت على مرورك وتعليقك...

اخوي الخادم بارك الله فيك وفي تعليقك ولكن لماذا هذا البخل;) ;) في الرد نورنا بالشاهي المظبوط وانا اخوك ولا خايف نخلصه عليك ((حبينا نمزح وانا اخوك)):D :D

اخوي عبدالله 2005 غفر الله لجدتك واسكنها فسيح جنانه بس عندي سؤل من بعد جدتك ما شربت شاهي:D :D مالك طريقه للتصليح

اخوي جلاد لاهنت على المرور وياريت انك نورتنا بطريقة الأعداد الخاصه بك واشكرك على الأضافه

اخوكم
ابو نمر

[الفالحي]

عليك بالليبتون والا ربيع التلقيمة

[raheema]

طريقتي:
اسخن الماء ثم اضع السكر الخشن ثم اذا غلي مره اضع الشاهي ربيع تلقيمه ثم يقلب قلبه واحده وانزله ثم نشربه

[hawawi]

اغلي الما مع السكر .. ثم حط ربيع وخله الى اول فوره ولا مانع من تصب بياله وتردها فيه .. ثم وخره عن النار وخله خمس دقايق .. وذوق :)

[عاشق الخلاء]

السلام عليكم ورحمة الله وبركاته
اخي الساري شكرا على الطرح
اما طريقة لاتختلف عن طريقتك في اعداد الشاي بس فيه فرق بأني مااحط السكر حتى يغلي الماء وبعدين انزله واحط السكر وارجعه يغلي مره ثانيه وبعدها احط الشاي واخدره بجنب الجمر تقريبا بين الثلاث الى خمس دقائق وكل ماطول التخدير يصير اطعم .
الشاي المحبب لي ربيع تلقيمه ، والثاني ابو جبل ايضاً تلقيمه .
وتقبلوا مروري

[شقران نجد]

عليك بالليبتون والا ربيع التلقيمة

هلا وغلا بالفالحي ....

اخوي الليبتون من تالي لك وعليه ماله اي طعم .....

اما الربيع تلقيمه معك وبقوه ....

تحياتي لك

[شقران نجد]

طريقتي:
اسخن الماء ثم اضع السكر الخشن ثم اذا غلي مره اضع الشاهي ربيع تلقيمه ثم يقلب قلبه واحده وانزله ثم نشربه

طريقه حلوه اخوي رحيمه ولا قعدت راسك;)

لا هنت على الوصفه

[الرجم العالي]

والله عجزت اضبط شاهي يقعد الراس تكفون

هههههههه تقوله صادز .. لكن الأمر هين إن شاء الله .. أخوي أنتبه للأبريق ترى له دور كبير أذا إنك

ماتسوي الا بأبريق واحد معتاد عليه فغيره وناخوك وعليك بشاهي (( ربيع )) والطريقه عاديه وسهله جداً

سكر وماء ولبن <<<< ههههه أمزح .. سكر وماء ألين يغلي وبعدين حط الورق وخله لين يسقط وتمتع

بالشاهي اللذيذ .... نقطه مهمه أخوي الشاهي الكايف هو الي لما يسقط الورق يحتفظ بلونه حتى أخر بياله هو

الي عليه الكلام لذا عليك بمعرفة وزنية الورق .. بالتوفيق لك أخوي وشكراً لصاحب الموضوع ..

[عرقوب]

لو تجرب شاهي البنتليز .. بتشوف عجب .. تغير جذري واصبح اروع شاهي في السوق حاليا

جربه وراح تدعيلي ..

[فرخ الشاص]

ألف شكر لك أخوي صاحب الموضوع على إثارته ..

[pass2love]

الشاهي علي من يضبطه مهما كانت النوعيه

- احب الشاي التلقيمه
- ربيع وابو جبل تري نفس الشركه بنكهتين مختلفه وانا من رواد ابو جبل من زماااااااااااان
- لاكن فيه انواع من الشاهي الرخيص ممتازه وانواع مختلفه
- فيه نوع من ربيع ماهو مشهور كثير اسمه ربيع الدهبي تلقيمه جدا ممتاز

ويعيط العافيه علي موضوعك المزاج;)

[شقران نجد]

اغلي الما مع السكر .. ثم حط ربيع وخله الى اول فوره ولا مانع من تصب بياله وتردها فيه .. ثم وخره عن النار وخله خمس دقايق .. وذوق :)

لا هنت اخوي هواوي على الوصفه .....الواضح ان لك من اسمك نصيب كبير :D

جاري التجريب .......

[شقران نجد]

السلام عليكم ورحمة الله وبركاته
اخي الساري شكرا على الطرح
اما طريقة لاتختلف عن طريقتك في اعداد الشاي بس فيه فرق بأني مااحط السكر حتى يغلي الماء وبعدين انزله واحط السكر وارجعه يغلي مره ثانيه وبعدها احط الشاي واخدره بجنب الجمر تقريبا بين الثلاث الى خمس دقائق وكل ماطول التخدير يصير اطعم .
الشاي المحبب لي ربيع تلقيمه ، والثاني ابو جبل ايضاً تلقيمه .
وتقبلوا مروري

اووووووووووووووه ياعاشق الخلا شكلك كيف ;)

مشكور على مرورك اخوي

[شقران نجد]

هههههههه تقوله صادز .. لكن الأمر هين إن شاء الله .. أخوي أنتبه للأبريق ترى له دور كبير أذا إنك

ماتسوي الا بأبريق واحد معتاد عليه فغيره وناخوك وعليك بشاهي (( ربيع )) والطريقه عاديه وسهله جداً

سكر وماء ولبن <<<< ههههه أمزح .. سكر وماء ألين يغلي وبعدين حط الورق وخله لين يسقط وتمتع

بالشاهي اللذيذ .... نقطه مهمه أخوي الشاهي الكايف هو الي لما يسقط الورق يحتفظ بلونه حتى أخر بياله هو

الي عليه الكلام لذا عليك بمعرفة وزنية الورق .. بالتوفيق لك أخوي وشكراً لصاحب الموضوع ..

تصدق اول ماقريت لبن صدقت قلت يمكن جديده الطريقه ذي :D :D

الشكر لله ثم لتواجدك اخوي الرجم العالي

[عععبيد]

ربيع تلقيمة افضل شاهي في العالم بس لا تخليه ثقيل مرة ولا خفيف مرة الزين هو الوسط
وتري طريقة تخزين وحفظ الشاهي لها دور كبير جدا في احتفاظه بنكهته مثل علبة الشاهي ربيع (التنكة) تحفظ النكهه لوقت اطول من العلب الاخرى
هذا ما عندي وشكرا

[فتى التويم]

فيه طريقه حلوه قد سويتها

اللي هي اني قاعد عند المشب وهاك الضويه اللي مايحتاج

قلت فاضي ولاعندي شي خلني اتفلسف في الشاهي

المهم جبت بريق صغير وحطيت في مويه ألين النص

وحطيت سكر حق ابريق كامل

وخليته يقلب إلين انقطع قليبه

وبعدين زدته مويه وشوي شاهي(ماكثرت شاهي)

وخليته يقلب حوالي 4 دقايق

وصار شاهي كييييييييييييييييييييييييييييف

الشاهي اللي استخدمته شاهي ربيع معتق لقيته في المخزن ملفوز قمت وطلعته وخذت منه شوي

وصار شاهي حووووف



وسلامتكم

[Y A S S E R]

شآهي ربيـع وابو جبـل أفضل شي !!
بالنسبه للطريقه فـ هي

*ماء مغلي جيدا
*نضع السكر ويفوح جيدآ
* نضع الشاهي بدون تفويح
* 8 دقايق بالضبط ثم صب البياله


====

للملعلوميه اذا اردت قياس الشاهي مضبوط فـ لكل فنجالين وربع سكر يقابله فنجال شاهي

[سلطان المغيري]

احسن شاهي عندي وعند اغلبية الشباب الوقت الحالي هو شاهي الكبوس
وهذا شاهي يمني الصنع وانا افضل التلقيمه وميزة التلقيمه انه لايعقد ولا يروح مر مثل الربيع وغيره
وهذي صورة الكرتون من الخارج


http://www.raffe3.com/uploads/9a9a2e46cf.jpg (http://www.raffe3.com/)

وهذي صورة الشاهي وشكله وهو قريب من المطحون

http://www.raffe3.com/uploads/2dc71cc45c.jpg (http://www.raffe3.com/)


وهذي بيالة الشاهي ترد الروح مع نعناع المدنيه وياقلب لاتحزن

http://www.raffe3.com/uploads/60859408c2.jpg (http://www.raffe3.com/)]

[*الأمير*]

السلام وعليكم ورحمة الله وبركاته
باالنسبه لي ماأشرب اي شاهي لان الشاهي عندي يساوي مزاج ومزاج صعب جدآ وسوف اشرح كيفية تضبيط الشاهي عندي ولي باله ماهو وسيع ولا كييف شاهي ماهو متعب نفسه لاكن هذه الخلطه هديه مني إلا جميع الاخوان في منتدى مكشات اولآ طريقة الخلطه تضع ماء في قلن 5 لتر وتضع معه 250مل ماء ورد وزعفران نخب اول ايراني لمدة 6ساعات
الان كيفية عمل الشاهي تضع الكميه حسب الاشخاص الراغبين بشرب الشاهي بمقداربيالتين من الخلطه لكل شخص وتضع الماء داخل الغوري وتضعه على النار لمدة 10 دقائق ثم تأتي بغوري صين وتضع بداخله شاي المنيس وهذا النوع متوفر باالكويت ولاكن البديل المقارب له شاي الوزه السيلاني طبعآ النوعين فله وتقوم بوضعه داخل الغوري الصين بمقدار ملعقه متوسطه لكل بيالتين وتقوم بغسله بماء بارد وتسكب الماء منه وتضع الخلطه بعد ان تتم 10 دقائق ثم تضع الغوري الصين على نار هادئه وتضع بين الناروالغوري صفيح رقيق من الحديد او الغطاء الخاص بعلبة حليب النيدوا لمدة 5 دقائق وبعدها شوف الشاهي
واعتذر على الاطاله

[شقران نجد]

لو تجرب شاهي البنتليز .. بتشوف عجب .. تغير جذري واصبح اروع شاهي في السوق حاليا

جربه وراح تدعيلي ..

اخوي عرقوووووب بندعي لك قبل نذوووق الشاهي ان الله يوفقك ويرزقك قل امين .....

نجرب البنتليز يامعلم

تحياتي لك

[شقران نجد]

ألف شكر لك أخوي صاحب الموضوع على إثارته ..

هلا بك اخوي الغالي النترا .....

الشكر لله ثم لك وتسلم لي اخوي

[شقران نجد]

الشاهي علي من يضبطه مهما كانت النوعيه

- احب الشاي التلقيمه
- ربيع وابو جبل تري نفس الشركه بنكهتين مختلفه وانا من رواد ابو جبل من زماااااااااااان
- لاكن فيه انواع من الشاهي الرخيص ممتازه وانواع مختلفه
- فيه نوع من ربيع ماهو مشهور كثير اسمه ربيع الدهبي تلقيمه جدا ممتاز

ويعيط العافيه علي موضوعك المزاج;)

pass2love

يسلم لي المزاج كله ولا هنت على المعلومات الذهبيه

[شقران نجد]

ربيع تلقيمة افضل شاهي في العالم بس لا تخليه ثقيل مرة ولا خفيف مرة الزين هو الوسط
وتري طريقة تخزين وحفظ الشاهي لها دور كبير جدا في احتفاظه بنكهته مثل علبة الشاهي ربيع (التنكة) تحفظ النكهه لوقت اطول من العلب الاخرى
هذا ما عندي وشكرا

احسنت فعلاً طريقة تخزين الشاهي تلعب دور كبير اخوي عبيد,,,,

الف شكر لك

[rahl]

الشاهي مزاج
ولكن له طريقة

طريقتي المفضله

اذا غلى الماء وضعت السكر وحركت بالملعقة حتى يذوب يعنى الماء لايغلي وبه السكر ثمم اضع الشاهي الربيع تلقيمة
ولكن لابد انك تنقه الشاهي ببياله بماء دافي وتكب الماء براء لان ذلك يسويلك غسيل لورق الشاي لانه مغبر

وبالله التوفيق

[كرستال]

بسم الله الرحمن الرحيم
السلام عليكم ورحمة الله وبركاتة

بالنسبة لي جايب لكم طريقة جداً حلوة أخذتها من واحد من الشلة

وهي : أحط الشاهي في البريق قبل كل شي حسب تقديرك لحجم البريق
وبعدين أصب عليه الماء بشرط مايكون دافي يعني مايل للبروده وقبل ما يقلب الشاهي
تحط السكر وتحركة بملعقة وتخلية لمين يقلب .
جربوه وأحكموا عليه

أخوكم : كرستال

[شقران نجد]

;)
فيه طريقه حلوه قد سويتها

اللي هي اني قاعد عند المشب وهاك الضويه اللي مايحتاج

قلت فاضي ولاعندي شي خلني اتفلسف في الشاهي

المهم جبت بريق صغير وحطيت في مويه ألين النص

وحطيت سكر حق ابريق كامل

وخليته يقلب إلين انقطع قليبه

وبعدين زدته مويه وشوي شاهي(ماكثرت شاهي)

وخليته يقلب حوالي 4 دقايق

وصار شاهي كييييييييييييييييييييييييييييف

الشاهي اللي استخدمته شاهي ربيع معتق لقيته في المخزن ملفوز قمت وطلعته وخذت منه شوي

وصار شاهي حووووف



وسلامتكم

والله شهويتني ياراعي التويم وين الشب حقك ;) :D

لاهنت اخوي

[شقران نجد]

شآهي ربيـع وابو جبـل أفضل شي !!
بالنسبه للطريقه فـ هي

*ماء مغلي جيدا
*نضع السكر ويفوح جيدآ
* نضع الشاهي بدون تفويح
* 8 دقايق بالضبط ثم صب البياله


====

للملعلوميه اذا اردت قياس الشاهي مضبوط فـ لكل فنجالين وربع سكر يقابله فنجال شاهي


هلا والله بياسر وبطريقته ......

ياسر القدر الكاتم اللي في توقيعك وش بداخله:D :D

لاهنت على المرور والتعليق

[شقران نجد]

احسن شاهي عندي وعند اغلبية الشباب الوقت الحالي هو شاهي الكبوس

وهذا شاهي يمني الصنع وانا افضل التلقيمه وميزة التلقيمه انه لايعقد ولا يروح مر مثل الربيع وغيره
وهذي صورة الكرتون من الخارج



http://www.raffe3.com/uploads/9a9a2e46cf.jpg (http://www.raffe3.com/)


وهذي صورة الشاهي وشكله وهو قريب من المطحون


http://www.raffe3.com/uploads/2dc71cc45c.jpg (http://www.raffe3.com/)



وهذي بيالة الشاهي ترد الروح مع نعناع المدنيه وياقلب لاتحزن



http://www.raffe3.com/uploads/60859408c2.jpg (http://www.raffe3.com/)]


هلا بك اخوي سلطان ,,,,,,,,

اليوم رحت وخذيت من ذا الشاهي لقيته عند راعي محمصه يمني بصراحه ابداع ذا الشاهي وسعره معقول .....

لا هنت يالمغيري

[سولاف]

الشاهي المزاج هو شاهي باعشن (ابوجبل)
والبريق اي بريق عندك بس مايكون جديد يعني تسوون به الشاي منذ مبطي يعني من سنوات
الطريقه
*فوح الماء الى درجة الغليان
*ضع السكر ولازم يكون خشن مايكون ناعم واضبط المقاس بالنسبة للحلا
*بعدين خذلك ملي باصابعك وشوي اذا كان البريق يشيل سكر فنجالين قهوه وحطه واذا شفته تجمع الى اعلى ارفعه عن النار وخله دقايق هاثم صب لك فنجال واعد تقليبه مره واحده فقط وبالعافيه حاول اكثر من مره الى ان يضبط وراح تدعون لي وانا حاضرة للسؤال عن اي شي طبخ نجدي
ملاحظة /اذا تحب النعناع العادي لاتطبخه حطه بعد ماتشيله من على النار
والنعناع الحبق قلل ورق الشاهي علشان مايعقد ويصير مر
والزنجبيل قلل الشاهي وحط الزنجبيل بفنجان مقدار ملعقه وصب عليه ماء شوي وحركة بالملعقه لم يتجانس حتى لايتعقد بالبريق وبعدين صبه على الماء والسكر هاثم حط الشاهي ويفضل تقلل من الورق اوتحط ورق ليبتون علشان مايعقد

[صقر ورقان 1]

ان بغيت التلقيمه عليك بالربيع خل السكر يقلب حسب الرغبه لين يذوب مره في البراد وحط الشاي قلبتين على النار وطف عنه وخله يخدر في البراد شوي مابين خمس الى عشر دقايق واشرب وانت الحكم00

[شقران نجد]

السلام وعليكم ورحمة الله وبركاته
باالنسبه لي ماأشرب اي شاهي لان الشاهي عندي يساوي مزاج ومزاج صعب جدآ وسوف اشرح كيفية تضبيط الشاهي عندي ولي باله ماهو وسيع ولا كييف شاهي ماهو متعب نفسه لاكن هذه الخلطه هديه مني إلا جميع الاخوان في منتدى مكشات اولآ طريقة الخلطه تضع ماء في قلن 5 لتر وتضع معه 250مل ماء ورد وزعفران نخب اول ايراني لمدة 6ساعات
الان كيفية عمل الشاهي تضع الكميه حسب الاشخاص الراغبين بشرب الشاهي بمقداربيالتين من الخلطه لكل شخص وتضع الماء داخل الغوري وتضعه على النار لمدة 10 دقائق ثم تأتي بغوري صين وتضع بداخله شاي المنيس وهذا النوع متوفر باالكويت ولاكن البديل المقارب له شاي الوزه السيلاني طبعآ النوعين فله وتقوم بوضعه داخل الغوري الصين بمقدار ملعقه متوسطه لكل بيالتين وتقوم بغسله بماء بارد وتسكب الماء منه وتضع الخلطه بعد ان تتم 10 دقائق ثم تضع الغوري الصين على نار هادئه وتضع بين الناروالغوري صفيح رقيق من الحديد او الغطاء الخاص بعلبة حليب النيدوا لمدة 5 دقائق وبعدها شوف الشاهي
واعتذر على الاطاله

وعليكم السلام وحمة الله وبركاته ,,,,,,,حي الله اخوي الأمير....ياخوي مزاجك مزاااااج;) ;)

وبيني وبينك زي ما تفضلت تبي لها واحد مروووق وحنا هنا نبي وانا اخوك شاهي البر ولكن سوف اجرب هالطريقه بالبيت لان شكلها :good:

شاكر مرورك

[شقران نجد]

الشاهي مزاج
ولكن له طريقة

طريقتي المفضله

اذا غلى الماء وضعت السكر وحركت بالملعقة حتى يذوب يعنى الماء لايغلي وبه السكر ثمم اضع الشاهي الربيع تلقيمة
ولكن لابد انك تنقه الشاهي ببياله بماء دافي وتكب الماء براء لان ذلك يسويلك غسيل لورق الشاي لانه مغبر

وبالله التوفيق

هلا بأخوي رحال ,,,,,,
ولا هنت على التوضيح وبالفعل في ناس تغفل عن غسيل الشاهي

شاكر مرورك

[مزاجي رايق]

السلام عليكم ورحمة الله وبركاته:good:


أولاً : لا إله إلا الله >>> جزاك الله خير لما ذكرتنا ذكر الله
ثانياً: تعتبر هذي أول مشاركة لي في المنتدى
ثالثاً: جيت على الوتر الحساس اللي هو الشاهي وما أدراك ما الشاهي
أنا لي فلسفة في الشاهي وتصليحة لأنه هو يعتبر مزاج وكيف
لأن بعض الناس اذا صلحلك الشاهي((الله يرزقنا شكر نعمته)) تقول غسال مهوب شاهي(يعني شغل شغالات)
بعضهم يصلحه حالي مره مره مره كأنه( دبس) الدبس اللي يجي في قلة التمر اذا صارت مكنوزه

وبعضهم يصلح الشاهي خفييييف مره مره مره تقول كأنه مويه وسكر
وأنا صراحة لي طريقة معينه في تصليح الشاهي ما تختلف كثير عن بعض الأخوان اللي ذكروا طريقتهم

أنا الله يسلمكم ولا يهون الجالسين( لا هنت)
أجيب هذك البريق الأصفر حق المقاهي أو حق البوفيهات اللي على الخطوط السريعه
وبعدين الصب المويه في البريق (( لكن الوالد الله يطول عمره على الطاعة)) نبهني لطريقه معينه في المويه و قال اذا بغيت تعبي المويه في البريق أول ما تفتح البزبوز أصبر شوي وبعدين عبي البريق لان الوالد عنده حكمه في أن اول المويه اللي من البزبوز لا تستخمه في الشاهي, وفعلا سويتها ولقيت ان الشاهي صار اكثر طعم من أول
المهم بعد ما أعبي البريق للحد اللي انا أبيه واشبّه على النار أحط السكر على طول الين يغلي اذا غلى أقصر النار على أخف شي الين يركد نوعا ما وبعدين احط الشاهي( طبعا تلقيمه)وأحطه بيدي مهوب بملعقه اوشي ثاني:no2: , وأحاول اذا حطيت الشاهي ما أكبه مره وحده بالعكس أحاول أنثره شويه شوي علشان يكون متفرق الورق عن بعضه( طبعا الحركه ذي مني أنا لأن أحساسي ان الطريقه هذي حلوه تساعد على ان الشاهي يكون مضبوط)
واغليه على النار الهاديه لمدة من ثلاث الى اربع دقايق , طبعا اذا حطيت الشاهي اغطي البريق وما اخليه مكشوف <<<< طبعا بتسألوني ايش الحكمه من تغطية البريق اقولكم ما فيه حكمه ولا شي بس أحساس انها طريقه تخلي الشاهي رااااايق
في الحاله هذي يكون الشاهي لاهوب ثقيل ولا هوب خفيف يعني جاي في النصف

يعني شاهي راااايق

وعلى فكره المطلوب اول ما تشرب اول شربه من الشاهي لازم تطلع صوت الشربه علشان تحس انك مروووووق:D





مين يبيني أصبّله أول بياله؟

[شقران نجد]

بسم الله الرحمن الرحيم

السلام عليكم ورحمة الله وبركاتة


بالنسبة لي جايب لكم طريقة جداً حلوة أخذتها من واحد من الشلة


وهي : أحط الشاهي في البريق قبل كل شي حسب تقديرك لحجم البريق
وبعدين أصب عليه الماء بشرط مايكون دافي يعني مايل للبروده وقبل ما يقلب الشاهي
تحط السكر وتحركة بملعقة وتخلية لمين يقلب .
جربوه وأحكموا عليه



أخوكم : كرستال


هلابك اخوي كرستال ,,,,,

انت عكس طريقتي تماماَ لذلك بجرب هالطريقه واستفيد من تجاربكم ان شاء الله ....

لاهنت على مرورك

[شقران نجد]

الشاهي المزاج هو شاهي باعشن (ابوجبل)
والبريق اي بريق عندك بس مايكون جديد يعني تسوون به الشاي منذ مبطي يعني من سنوات
الطريقه
*فوح الماء الى درجة الغليان
*ضع السكر ولازم يكون خشن مايكون ناعم واضبط المقاس بالنسبة للحلا
*بعدين خذلك ملي باصابعك وشوي اذا كان البريق يشيل سكر فنجالين قهوه وحطه واذا شفته تجمع الى اعلى ارفعه عن النار وخله دقايق هاثم صب لك فنجال واعد تقليبه مره واحده فقط وبالعافيه حاول اكثر من مره الى ان يضبط وراح تدعون لي وانا حاضرة للسؤال عن اي شي طبخ نجدي
ملاحظة /اذا تحب النعناع العادي لاتطبخه حطه بعد ماتشيله من على النار
والنعناع الحبق قلل ورق الشاهي علشان مايعقد ويصير مر
والزنجبيل قلل الشاهي وحط الزنجبيل بفنجان مقدار ملعقه وصب عليه ماء شوي وحركة بالملعقه لم يتجانس حتى لايتعقد بالبريق وبعدين صبه على الماء والسكر هاثم حط الشاهي ويفضل تقلل من الورق اوتحط ورق ليبتون علشان مايعقد

كفو والله ياسولاف نبي نشغلك بألأسأله للطبخات النجديه ;) ;)

ذكرتني بالحبق بروح اشري اليوم ان شاء الله ....

تحياتي لمرورك

اخوك
ابونمر

[شقران نجد]

ان بغيت التلقيمه عليك بالربيع خل السكر يقلب حسب الرغبه لين يذوب مره في البراد وحط الشاي قلبتين على النار وطف عنه وخله يخدر في البراد شوي مابين خمس الى عشر دقايق واشرب وانت الحكم00

هلا بك صقر ورقان والربيع زي ما تفضلت من احود انواع الشاعي التلقيمه ولكن جرب ابو جبل وانت الحكم;)

اخوك
ابونمر

[شقران نجد]

السلام عليكم ورحمة الله وبركاته:good:


أولاً : لا إله إلا الله >>> جزاك الله خير لما ذكرتنا ذكر الله
ثانياً: تعتبر هذي أول مشاركة لي في المنتدى
ثالثاً: جيت على الوتر الحساس اللي هو الشاهي وما أدراك ما الشاهي
أنا لي فلسفة في الشاهي وتصليحة لأنه هو يعتبر مزاج وكيف
لأن بعض الناس اذا صلحلك الشاهي((الله يرزقنا شكر نعمته)) تقول غسال مهوب شاهي(يعني شغل شغالات)
بعضهم يصلحه حالي مره مره مره كأنه( دبس) الدبس اللي يجي في قلة التمر اذا صارت مكنوزه

وبعضهم يصلح الشاهي خفييييف مره مره مره تقول كأنه مويه وسكر
وأنا صراحة لي طريقة معينه في تصليح الشاهي ما تختلف كثير عن بعض الأخوان اللي ذكروا طريقتهم

أنا الله يسلمكم ولا يهون الجالسين( لا هنت)
أجيب هذك البريق الأصفر حق المقاهي أو حق البوفيهات اللي على الخطوط السريعه
وبعدين الصب المويه في البريق (( لكن الوالد الله يطول عمره على الطاعة)) نبهني لطريقه معينه في المويه و قال اذا بغيت تعبي المويه في البريق أول ما تفتح البزبوز أصبر شوي وبعدين عبي البريق لان الوالد عنده حكمه في أن اول المويه اللي من البزبوز لا تستخمه في الشاهي, وفعلا سويتها ولقيت ان الشاهي صار اكثر طعم من أول
المهم بعد ما أعبي البريق للحد اللي انا أبيه واشبّه على النار أحط السكر على طول الين يغلي اذا غلى أقصر النار على أخف شي الين يركد نوعا ما وبعدين احط الشاهي( طبعا تلقيمه)وأحطه بيدي مهوب بملعقه اوشي ثاني:no2: , وأحاول اذا حطيت الشاهي ما أكبه مره وحده بالعكس أحاول أنثره شويه شوي علشان يكون متفرق الورق عن بعضه( طبعا الحركه ذي مني أنا لأن أحساسي ان الطريقه هذي حلوه تساعد على ان الشاهي يكون مضبوط)
واغليه على النار الهاديه لمدة من ثلاث الى اربع دقايق , طبعا اذا حطيت الشاهي اغطي البريق وما اخليه مكشوف <<<< طبعا بتسألوني ايش الحكمه من تغطية البريق اقولكم ما فيه حكمه ولا شي بس أحساس انها طريقه تخلي الشاهي رااااايق
في الحاله هذي يكون الشاهي لاهوب ثقيل ولا هوب خفيف يعني جاي في النصف

يعني شاهي راااايق

وعلى فكره المطلوب اول ما تشرب اول شربه من الشاهي لازم تطلع صوت الشربه علشان تحس انك مروووووق:D





مين يبيني أصبّله أول بياله؟

وعليكم السلام ورحمة الله وبركاته ....

ياهلابك يامزاجي رايق بين اخوانك وباين من وصفتك وطريقتك بالشرب ان لك من اسمك النصيب الكبير ;) ;) .....

على فكره اذا كنت لحالك طلع صوت الشربه كل مره مو اول مره يعني عش عالمك الخاص:D :D

هات البريق كله مو بياله وبس واكرمك الله على هالعزيمه ولا هنت على المرور

اخوك
ابونمر

[northstar46]

السلام عليكم جميعاً ,,,,,,,



وحياكم الله ....
لكل منا طريقته الخاصه بالشاهي
بالنسبه للشاهي الأنواع شاهي ابو جبل (تلقيمه) او شاهي ورق الدااااار رهيب الشاهي هذا وهو يمني لون كرتونه ابيض وتلاقيه مع اليمنى اللي يبسطون او في الأسواق الشعبيه ورخيص ب8 ريال الله يديم الرخص:D
بالنسبه لي البريق المستخدم معدن الأصفر والطريقه اني احط السكر مع الماء من بدري قبل يطبخ الماء ثم احطه على الضو ثم اخليه لين يطبخ ولي طبخ ما اشيله اخليه يقلب حوالي اربع دقائق ثم اشيله عن النار والقمه الشاهي ثم اجنبه على النار لمدة خمس دقائق وهاتك يامزااااااااااااااااج .....



نسمع تجاربكم لعلنا نستفيد منها

دون شك هذه أفضل طريقة لعمل الشاهي وانا معك بشده شرط ان يكون الشاهي ثقيل أحمر وسكره قليل وانا مع ابو جبل

[سولاف]

ابشر اخوي ابو نمر وان بغيت تجيك الطبخة جاهزة بس تاكله اذا انت قريب حولنا ابسال ورق الحبق صغير ولاكبير لان احسن ورق الورق الصغير مانفخه الكيماوي والنعناع العادي ازين شي اللي عوده ازرق اوبنفسجي اطعم للشاهي وللسلطات اللي عوده اخضر
ولاوصيك بشاهي الزعتر الاخضر الورق للكحه وللربو وهو موسع للشعب الهوائية ويخفف ضيقة الصدر من الكحة او الكتمه

[أبو مخا]

:D أهلين فيه طريقة للشاهي أسويه من فترة وكل ما ذاقه أحد أعجبته ,,,


أول شيء أحمي ماء (مصفى)
ودام الماء يفوح:hot: , أغسل شاهي ربيع الذهبي تلقيمة :good2: حسب المزاج مع شاهي أخضر تلقيمة شيء بسيط بماء حار
>>> بالنسبة لنوعية الشاهي جربت كثير من أنواع الشاهي وبالأخير رجعت لشاهي ربيع الذهبي تلقيمة بالمرتبة الأولى وبالمرتبة الثانية شاهي ربيع تلقيمة العادي ,,,
بعد ما أغسل الشاهي أحطه بالماء الحار وأقصر النار عليه بحيث يكون على نار هادية جدا
بعد عشر دقايق تقريبا أحط السكر حسب الرغبة ,,,,
وأحط عليه حبة مسمار (قرنفل)
وأخليه يقلب على النار شوي ،،،، بعدين يقدم للشبيبه :heart:

[شقران نجد]

دون شك هذه أفضل طريقة لعمل الشاهي وانا معك بشده شرط ان يكون الشاهي ثقيل أحمر وسكره قليل وانا مع ابو جبل

بالظبط اخوي نورث ستار الأعتدال في السكر مطلوووب .....

لا هنت على المرور

[شقران نجد]

ابشر اخوي ابو نمر وان بغيت تجيك الطبخة جاهزة بس تاكله اذا انت قريب حولنا ابسال ورق الحبق صغير ولاكبير لان احسن ورق الورق الصغير مانفخه الكيماوي والنعناع العادي ازين شي اللي عوده ازرق اوبنفسجي اطعم للشاهي وللسلطات اللي عوده اخضر
ولاوصيك بشاهي الزعتر الاخضر الورق للكحه وللربو وهو موسع للشعب الهوائية ويخفف ضيقة الصدر من الكحة او الكتمه

لا هنت يالغالي واحرجتني والله بطيب ردك يالقرم واللي يدل على معدنك الأصيل ......ويشرفني اني اكون قريب حولك ولي الشرف الكبير ......

ويامال العافيه على النصائح الذهبيه

اخوك ابونمر

[ابوحنان111]

تبي الشاهي اين كان نوعة احكرة على حمض وشف الطعم

[شقران نجد]

:D أهلين فيه طريقة للشاهي أسويه من فترة وكل ما ذاقه أحد أعجبته ,,,


أول شيء أحمي ماء (مصفى)
ودام الماء يفوح:hot: , أغسل شاهي ربيع الذهبي تلقيمة :good2: حسب المزاج مع شاهي أخضر تلقيمة شيء بسيط بماء حار
>>> بالنسبة لنوعية الشاهي جربت كثير من أنواع الشاهي وبالأخير رجعت لشاهي ربيع الذهبي تلقيمة بالمرتبة الأولى وبالمرتبة الثانية شاهي ربيع تلقيمة العادي ,,,
بعد ما أغسل الشاهي أحطه بالماء الحار وأقصر النار عليه بحيث يكون على نار هادية جدا
بعد عشر دقايق تقريبا أحط السكر حسب الرغبة ,,,,
وأحط عليه حبة مسمار (قرنفل)

وأخليه يقلب على النار شوي ،،،، بعدين يقدم للشبيبه :heart:


هلا والله بشيخ الشبيبه :D :D

والله ياومخا اضافات جديده وعجيبه لابد من تجريبها ان شاء الله :good: :good:

بس لا تنبكيني اكيد القرفه تظبط مع الشاهي بتفلسف على الشباب بطريقتك;) ;)

اخوك
ابونمر

[almgwar]

انا من عشاق الشاى ومن امهر صناع الشاي والقهوة بشهادة الكثير ولاكن مرة بالدوام قال احد الاصدقاء انا ابي اسوي الشاى عشان نشربة بعد الفطور كل الربع قالو تكفى لاتسوية حنا متعودين على شاى ابو راشد هو اللى يجيب راسنا عقب الحنة ارخصولة الربع وسو شاى عجيب لذيذ جداجدا يا اخوان وهو يصلح فقط على شاى الوزة الخشن او شاى الربيع ولاكن نكهتة عالية جدا على ورق الوزو المهم مالكم بالطويل ابي اعلمكم كيف عمل الشاى الطريقة سهلة جدا مثلن عندك ابريق الشاى اللى متعود تعمل فيه ياخذ فنجال شاى عشان يضبط انت لا تحط فنجال شاى حط 3ارباع الكمية من عيارك يعني فنجال الا ربع وخل الماء يغلى بدون سكر وضع الورق وخلة يغلى الى ان يصبح لون الشاى مثل ماتبي وبعدين اضيف السكر ولاتخليه يغلى حيل اقل من دقيقة واشرب وادعيلي

[ابوحماد]

وين نحصل شاهي الوزة الاصلي

[almgwar]

وين نحصل شاهي الوزة الاصلي
الكويت فيها
http://www.icoop.com/shamiya/merchantimages/thumbnailImage/251.jpg

[ابو وطبان]

دون شك هذه أفضل طريقة لعمل الشاهي وانا معك بشده شرط ان يكون الشاهي ثقيل أحمر وسكره قليل وانا مع ابو جبل
انا معك هذه افضل طريقه لعمل الشاهي لكن بشرط عدم وضعه على النار بعد حط الورق وافضل شاهي هو لبتنون فله ( ناعم)

[أبو صندوق]

أخي الكريم : sayari77
وعليكم السلام ورحمة الله وبركاته
عندي وصفة تعلمتها أيام الدراسة الجامعية في المدينة النبوية وهي تجربة فريدة لكنها غريبة جربوها كنوع من التغيير ولن تندموا ..
المقادير :
توليفة شاي تلقيمة ( ورق ) مجمعة من شاي شاكر وربيع وأبو جبل ..
تشكيلة من منتجات المدينة
نعناع (عود قصير أحمر) وأفضلها شديد الخضرة
حبق (عود قصير)
دوش
ورد
فل
عطرة
نوامي (ورق الليمون)
الطريقة :
سخن الماء النقي حتى يغلي ثم ضع عليه السكر وقلبه وانتظر حتى يغلي ثم أنزله عن النار وضع عليه الشاي وقليل من كل صنف من (النعناع ـ الدوش ـ الحبق ـ الورد ـ زهرة فل واحدة ـ قطعة صغيرة من العطرة ـ نوامي).

قلبه بالملعقة واتركه يخدر وحبذا لو وضعته على نار هادئة جداً ولا تجعله يغلي ..
ثم اشرب وسمعنا سيمفونية الكيف ( أحححححححححححححححح ) بعد كل شفطة ..

[شخاط]

طريقتي في عمل الشاهي
اخلي المويه تغلي حتي تتقطه قلبها
احط سكر حسب الرغبه علي بريق الغضار
واخلي البريق يغلي مع السكر والمويه
ابعد البريق عن النار واخلي المويه تركد لمده دقيقتين تقريبا
احط الشاهي المغسول طبعا تلقيمه
اخلي الشاهي يتفلفل لمده بسيطه من خمس الي عشر دقايق
وقابلني بعدها اذا بقي بياله
وبلهنا والعافيه :d

[راعي البرهـ]

اخواني الاعزاء الشاهي لابد من وظعه في كاس وصب عليه ماء دافي ورجه قليل ثم سكب الماء خارجا وبعد غليان الماء نزل الابريق ثم ضع الشاهي اللي في الكاس وخله خمس دقايق ثم تقهو وشف الطعم.

[شقران نجد]

تبي الشاهي اين كان نوعة احكرة على حمض وشف الطعم
لاهنت اخوي ابو حنان ومشكور على المرور

[شقران نجد]

انا من عشاق الشاى ومن امهر صناع الشاي والقهوة بشهادة الكثير ولاكن مرة بالدوام قال احد الاصدقاء انا ابي اسوي الشاى عشان نشربة بعد الفطور كل الربع قالو تكفى لاتسوية حنا متعودين على شاى ابو راشد هو اللى يجيب راسنا عقب الحنة ارخصولة الربع وسو شاى عجيب لذيذ جداجدا يا اخوان وهو يصلح فقط على شاى الوزة الخشن او شاى الربيع ولاكن نكهتة عالية جدا على ورق الوزو المهم مالكم بالطويل ابي اعلمكم كيف عمل الشاى الطريقة سهلة جدا مثلن عندك ابريق الشاى اللى متعود تعمل فيه ياخذ فنجال شاى عشان يضبط انت لا تحط فنجال شاى حط 3ارباع الكمية من عيارك يعني فنجال الا ربع وخل الماء يغلى بدون سكر وضع الورق وخلة يغلى الى ان يصبح لون الشاى مثل ماتبي وبعدين اضيف السكر ولاتخليه يغلى حيل اقل من دقيقة واشرب وادعيلي
اخوي almgwar كفو والله يابو راشد ومشكووور على التوضيح .....
اخوك
ابونمر

[شقران نجد]

وين نحصل شاهي الوزة الاصلي

ابو حماد لابغيت تجيب جب معك بالله ياخوي مفقود الشاهي ذا من زمااااان .....

اخوك
ابونمر

[شقران نجد]

انا معك هذه افضل طريقه لعمل الشاهي لكن بشرط عدم وضعه على النار بعد حط الورق وافضل شاهي هو لبتنون فله ( ناعم)

تسلم لي يابن وطبان وهو زي ما ذكرت لا تحطه على النار مباشره ولكن جنبه عنها على قولة الشيبان افهق البريز شوي:D ;)

[شقران نجد]

أخي الكريم : sayari77

وعليكم السلام ورحمة الله وبركاته
عندي وصفة تعلمتها أيام الدراسة الجامعية في المدينة النبوية وهي تجربة فريدة لكنها غريبة جربوها كنوع من التغيير ولن تندموا ..
المقادير :
توليفة شاي تلقيمة ( ورق ) مجمعة من شاي شاكر وربيع وأبو جبل ..
تشكيلة من منتجات المدينة
نعناع (عود قصير أحمر) وأفضلها شديد الخضرة
حبق (عود قصير)
دوش
ورد
فل
عطرة
نوامي (ورق الليمون)
الطريقة :
سخن الماء النقي حتى يغلي ثم ضع عليه السكر وقلبه وانتظر حتى يغلي ثم أنزله عن النار وضع عليه الشاي وقليل من كل صنف من (النعناع ـ الدوش ـ الحبق ـ الورد ـ زهرة فل واحدة ـ قطعة صغيرة من العطرة ـ نوامي).


قلبه بالملعقة واتركه يخدر وحبذا لو وضعته على نار هادئة جداً ولا تجعله يغلي ..
ثم اشرب وسمعنا سيمفونية الكيف ( أحححححححححححححححح ) بعد كل شفطة ..


هلا والله يابو محمد وربي تعلمت منكم طرق جميله جداَ انت ووباقي الأخوان واحلى شي السمفونيه :D ;) وعلى فكره هيي من اسرار الأستمتاع بالشهاهي لكن اذا صرت وحداني ولا مع ربع تمون عليهم:p ;)

اخوك
ابونمر

[ابوعبدالهادي]

(http://mekshat.com/vb/member.php?u=64917)al-sayari77 (http://mekshat.com/vb/member.php?u=64917) (http://mekshat.com/vb/member.php?u=64917)

شاهي أبو جبل على الجمر مافية أخوه

[ابوحماد]

في الكويت

نحصل الشاهي أبو وزة

أضرب 550 كيلو مابين الرياض و الكويت

عشان شاهي وزة

طيب ممكن نحصله في الرياض

[شقران نجد]

طريقتي في عمل الشاهي
اخلي المويه تغلي حتي تتقطه قلبها
احط سكر حسب الرغبه علي بريق الغضار
واخلي البريق يغلي مع السكر والمويه
ابعد البريق عن النار واخلي المويه تركد لمده دقيقتين تقريبا
احط الشاهي المغسول طبعا تلقيمه
اخلي الشاهي يتفلفل لمده بسيطه من خمس الي عشر دقايق
وقابلني بعدها اذا بقي بياله
وبلهنا والعافيه :d

هلا بشخاط وطريقه جميله ,,,,,,,,,,,,

لا هنت على المرور

[شقران نجد]

اخواني الاعزاء الشاهي لابد من وظعه في كاس وصب عليه ماء دافي ورجه قليل ثم سكب الماء خارجا وبعد غليان الماء نزل الابريق ثم ضع الشاهي اللي في الكاس وخله خمس دقايق ثم تقهو وشف الطعم.

هلا براعي البره ......

اخوي زي ما تفضلت لابد من الحركه ذي لان الشاهي يجي عليه غبار ومثله مثل الرز لا بد تغسله ولا هنت على التنبيه .....:good: :good:

[شقران نجد]

شاهي أبو جبل على الجمر مافية أخوه

ابو عبد الهادي يا هلا ومية هلا ....

وش خليت وانا اخوك على قولة القايل ابو جبل ما فيه حيله .....

لاهنت اخوي

[شقران نجد]

في الكويت

نحصل الشاهي أبو وزة

أضرب 550 كيلو مابين الرياض و الكويت

عشان شاهي وزة

طيب ممكن نحصله في الرياض

يا هلا بابو حماد ....

هي ما تجي كذا اخو قلبي ,,,, يعني طلعين للصمان كاشتين انت وربع لك ولا للنعيريه كملو مناك والفو على الربع بالكويت وتكون حج وقضيان حاجه وتمشي ولا وصى احد بيروح لأن الله حق انا فاقد الشاهي هذا من فتره طويله وتصدق يابو حماد ولا يهون من يقرا اني اعرف واحد يسافر للصين يجيب شاهي اخضر من هناك وله استخدام خااااص ولكن الله منعم عليه لكن كيفه كيف .....

لا هنت ابو حماد

[كرستال]

بسم الله الرحمن الرحيم
السلام عليكم ورحمة الله وبركاتة

كيف حالك أخوي ( al-sayari77 (http://www.mekshat.com/vb/member.php?u=64917) )

أخبرك تبي تجرب طريقتي بتصليح الشاهي
ايش صار عليها نجحت معك ( بدون مجاملة )

أخوك = كرستال

[شقران نجد]

بسم الله الرحمن الرحيم

السلام عليكم ورحمة الله وبركاتة


كيف حالك أخوي ( al-sayari77 (http://www.mekshat.com/vb/member.php?u=64917) )


أخبرك تبي تجرب طريقتي بتصليح الشاهي
ايش صار عليها نجحت معك ( بدون مجاملة )


أخوك = كرستال



هلا والله بكرستال هلا بالقصيم واهله ......

الله الله جربت الطريقه وانا اخوك وطلعة راااايقه وبدون مجامله هذا الصحيح والله لكن المشكله ان الشاهي صار ثقيل شوي .....

اخوك
ابونمر

[كرستال]

بسم الله الرحمن الرحيم
السلام عليكم ورحمة الله وبركاتة

هلا بك أخوي ( al-sayari77 (http://www.mekshat.com/vb/member.php?u=64917) )

نادر ماتنجح المحاولة من أول مرة

المحاولة الثانية خفف ورق الشاهي

وشكراً

أخوك = كرستال

[شقران نجد]

بسم الله الرحمن الرحيم
السلام عليكم ورحمة الله وبركاتة

هلا بك أخوي ( al-sayari77 (http://www.mekshat.com/vb/member.php?u=64917) )

نادر ماتنجح المحاولة من أول مرة

المحاولة الثانية خفف ورق الشاهي

وشكراً

أخوك = كرستال


وعليكم السلام ورحمة الله وبركاته ياهلا أخوي كرستال .....

اخوي تدري اني اشغلت الشباب في الخيمه كل يوم مطبق عليهم طريقه :D :D والربع في الخيمه يقولون وش علمك الأيام هذي:cool: :cool:

اخوك
ابونمر

[ابن ضعيان]

ما بعد الشاي المخدر
بعد أول طبخة للماء في الإبريق
نضع ورق الشاي( هنا كل له ذوقه إذا أراده خفيفا وضع القليل من الورق وإذا أراده ثقيلا أكثر من الورق ) في المخدار ثم نسكب الماء المغلي فيه
ثم على نار هادئة حتى يقلب أول قلبه ثم نضعه على جنب لمدة دقيقة أو دقيقتين ثم بالهناء والشفاء

[الاحمد12]

مافيه مثل الربيع

[شقران نجد]

اخوي ابن ضعيان

اخوي الاحمد

لاهنتو على التواصل والتواجد

اخوكم
ابونمر