رايكم يالصقاره

[Shadw]

السلام عليكم اولا

وسامحونا على الانقطاع لظروف خاصه

مارايكم يالصقارين بالصفاره اثناء الملواح هل هي تنفع الطير لاني اعرفلي خوي لي اجنبي يقول الصفاره تجذب الطير على الملواح لو كان بعيد عنك ومن اول ما يسمعها سيدا يروح فوق تحت ويقول مجربها وافضل من الصوت 100 مره ؟؟

وانتم شرايكم بكلامه هل هو صحيح ولا لا

والباب مفتوح لنقاش

[مارشال]

الكثير من الخواجات يستخدمون الصفارة في دعو الطير بدلا من الصياح والمزاعق

وهي عمليه مجربه ومضمونه بس لو تسويها هنا يضحكون عليك عريبيا.

بشرط ان الطير يلقا بعد التصفير ( علف ) لأن الطير عنده قوة الربط ...... شيء لشيء

[Shadw]

يا هلا اخوي مارشال
دامها مضمونه 100%
بنسويها وما علينا يضحكون ولا ما يضحكون تعرف العالم في تطور وانا شفت الحركه اليوم الصبح وعجبتني سرعة ادراك الطير للصوت ومجيئه لملواح بسرعه

[خشف.]

شيئ غريب تصفير؟؟؟؟

[جارح العين]

كلام سليم وصحيح وبالغرب مايصوتون لطير باصواتهم يصوتون بالصفاره الان صوتها اعلا واوضح

[عباااااادي]

طريقة جيدة بدال مايروح صوتك من الدعوhttp://www.mekshat.com/vb/ACDSee 9.0 GIF Image (http://ACDSee 9.0 GIF Image)

[أبو فيصل]

ممتازه و ذبذبات الصافره أقوى و أسرع لأذن الطير غير أنك ترتاح من الصياح.

أذكر مره مع أجانب قانصين ومن الوناسه قمت أصوفر (أيام الشباب) ولاّ طيرهم مار من عند أذني وأخلعني ويقول الشيبه (طبعآ شيبتهم) أنتو ماتعرفون أن التصفير عندنا يجذب الطير للعلف والملواح

فيه طريقه أخرى يمكن تجربها وهي الأصوات اللي يستخدمونها في الملاعب لجا قووووم على قولة المصريين هههههههه <<< أبو فيصل مستانس الله لا يغير علينا

[سنجااار]

اخوي الله يعطيك العافيه على الموضوع


والطريقه زينه بس الطير بتصيحله ويبي يشوف العلف


وبيجيك ولاهوب ضار تصيح خمس عشر مرات


والوناسه لا صرت تصيح لطيرك


اما الصفاره ماطرى علي استخدمها


تقبل خالص تحياتي

[Shadw]

يا هلا اخوي سنجار

والله ياخوي حنا ناس فينا بلغم واذا صحنا تقطعت حناجرنا فما لقينا الا افضل من هالطريقه المميزه حيث انه بعض الربع الي معاي قامو يستخدمون الصفارات بكثره بالملواح ولكن بالتعليف ينادونه بأسمه

[نبع الدموع]

الطريقة جربتها و كثير استخدمها ولاكن عيبها شئ واحد
اذا انك نسيت الصفيرة او ضاعت منك وش بتسوي؟؟