عندي قميري في الفريزر من رمضان يصلح والا ما يصلح

[الحضري]

السلام عليكم ورحمة الله وبركاته


كيف حالكم يالربع .. عساكم بخير وان شاء الله انكم بخير

علمي سلامتكم

عندي قمري مجمّد في الفريزر من رمضان اللي راح وحبيت انشدكم هو صالح للاكل والا ماينفعشي :confused:

وماهي اطول مدة للتخزين عساني ما انحرم منكم يارب


ترى الكمية محدودة لا تقولون ارسل لنا :j



في حفظ الله

[الرجم العالي]

الا والله يصلح ... بس مهو نفس الطعم بأول الصيد .. وعليك بالعافيه ..

بالنسبه مدة التخزين الظاهر مايضره لو طول :confused: وماعليك الا العافيه :) إن شاء الله ..

[waleed_458]

كل ماكان التجميد سريع ازدات مدة الحفظ

[مسافر1]

أخوي الحضري
الظاهر إنه ما يصلح
لكن علمني وين ترميه فيه
وإلا أصبر لك اسبوعين لي روحة للمدينة نطلع للبيضاء
ونضبط الكبسة عليه
يصلح ولو له أكثر من ذلك فقط الطعم يتغير قليلاً

[ولد الساحل]

وعليكم السلام ورحمة الله وبركاته
شف يالحبيبب يعتمد على شى اساسى وهو اذا كان مصيود رمى
او مشبوك يعنى صيد شبك
اذا مرمى يتغير طعمه اما اذا مشبوك ومذبوح طعمه كانك توك صايدة

[كاتم الشكوى]

ما ني قايل ارسل لنا لكن علمني وين مكانك
والا إعزمنا
بألف صحة وهنا
قمري ما شاء الله بهالبرد على طول صحة

[NAWAF90]

ماعليك يارجال كله بالعافية ، مدام مابه مواد حافظة مايضر مدة التجميد بس اللون والطعم يختلف

[ولد وايل]

اخي الكريم ودك يصير مثل الطازه وراح تدعي لي .... الطريقه وهي انك تخليه يذوب لحاله بدون اي شي لامويه ولا غيره ثم تغسله بماء وملح غسله سريعه وتطبخه وبالعافيه واذا ودك تعزمنا نتشرف ((خخخخخخ امزح))

[ناصر التميمي]

اخوي ودي اسالك؟؟؟؟؟؟؟؟؟؟
فيه احد بخلي قمري بالفريزر
انا من ارميه وتطيح انتفه وعلى طول اطبخه
عليك بالعافيه كله انشالله ماتشوف غير الخير......

[مطر مكة]

بالعافية ان شاء الله
ومادام القمري مجمد مايضره ان شاء الله

[abdulrhmank]

اخي الكريم ودك يصير مثل الطازه وراح تدعي لي .... الطريقه وهي انك تخليه يذوب لحاله بدون اي شي لامويه ولا غيره ثم تغسله بماء وملح غسله سريعه وتطبخه وبالعافيه واذا ودك تعزمنا نتشرف ((خخخخخخ امزح))

[الحضري]

الا والله يصلح ... بس مهو نفس الطعم بأول الصيد .. وعليك بالعافيه ..

بالنسبه مدة التخزين الظاهر مايضره لو طول :confused: وماعليك الا العافيه :) إن شاء الله ..



الله يرحم والديك .. يالرجم العالي لاهنت على المداخلة الطيبة

وبالنسة لمدة التخزين اللي اعرفه ان الدجاج المجمد .. مدة صلاحيته سنة كاملة وما ادري هل القمري مثله والا يختلف


شكرا مره ثانية

[الحضري]

كل ماكان التجميد سريع ازدات مدة الحفظ



كيف يعني بصراحة ما فهمت عليك يابعدي :j

[ملاعب الريح]

كانه ما يصلح لك تراه يصلح لي:d


لا لا ما يضره ونخوك وخصوصاً كانك ما نتفته يحتفظ بالطعم أكثر ولا يضره مدة التخزين بإذن الله دامه بالفريزر................



أخوك ملاعبـــ

[الحضري]

أخوي الحضري
الظاهر إنه ما يصلح
لكن علمني وين ترميه فيه
وإلا أصبر لك اسبوعين لي روحة للمدينة نطلع للبيضاء
ونضبط الكبسة عليه
يصلح ولو له أكثر من ذلك فقط الطعم يتغير قليلاً

هلا والله يامسافر اما عاد ارميه يارجال قول غيرها :D


عاد تدري دامك بتجي الله يحييك بس عطني خبر يابعدي .. ترى الاجواء في المدينة هاليومين من ابدع ما يكون


عشت ولاهنت

[االديحاني]

رمضان قريب كل ولاتشاور وارسلي وحده بالتلكس او بالفاكس

[ابرق العزاف]

مايصلح ولا تقربه نصيحه مضر بالصحه ماينفعشي خالص
بس مطلوب هاته ارميه انا اوديه برى وارميه بعيد

عاوز اخدمك ياخي :D

[الحضري]

وعليكم السلام ورحمة الله وبركاته

شف يالحبيبب يعتمد على شى اساسى وهو اذا كان مصيود رمى
او مشبوك يعنى صيد شبك

اذا مرمى يتغير طعمه اما اذا مشبوك ومذبوح طعمه كانك توك صايدة


لا والله يا بعدي الا مرمي بعضخ بشوزن وبعضه بخرازة

والتخزين من المقناص على الفريزر على طول ... :) شكرا على ابداء رايك

[الحضري]

ما ني قايل ارسل لنا لكن علمني وين مكانك



والا إعزمنا
بألف صحة وهنا


قمري ما شاء الله بهالبرد على طول صحة

مكاني عند راس جرتي :j

لا والله ابعزمك ياغالي ... عزيمه وتحيه وتهقا انه ينفع مع البرد :D


لاهنت

[الحضري]

ماعليك يارجال كله بالعافية ، مدام مابه مواد حافظة مايضر مدة التجميد بس اللون والطعم يختلف

لا والله مافيه مواد حافظة الا الفريزر :)

مشكور ياعزيزي

[الضاري]

أخوي الحضري
الظاهر إنه ما يصلح
لكن علمني وين ترميه فيه
وإلا أصبر لك اسبوعين لي روحة للمدينة نطلع للبيضاء
ونضبط الكبسة عليه
يصلح ولو له أكثر من ذلك فقط الطعم يتغير قليلاً

:D :good:
------------------

[الحضري]

اخي الكريم ودك يصير مثل الطازه وراح تدعي لي .... الطريقه وهي انك تخليه يذوب لحاله بدون اي شي لامويه ولا غيره ثم تغسله بماء وملح غسله سريعه وتطبخه وبالعافيه واذا ودك تعزمنا نتشرف ((خخخخخخ امزح))

ولد وايل خيره ياولد ;)

ابشر ان شاء الله اني رايح اسوي نفس طريقتك واعطيكم الخبر اليقين بعد التجربة

مشكور على المعلومة الجديدة علي والمفيدة

[ابو درع]

اقترح عليك .. انلا تأكله فقد يضر بصحتك ، خاصة ونت تسمع عن فلونزا الطيور

بل يجب عليك اتلافه ..









بس قبل كل شي قلي انا اكفيك المهمه واتلفه عنك .. محشوم

[الحضري]

اخوي ودي اسالك؟؟؟؟؟؟؟؟؟؟
فيه احد بخلي قمري بالفريزر
انا من ارميه وتطيح انتفه وعلى طول اطبخه
عليك بالعافيه كله انشالله ماتشوف غير الخير......

هلا وغلا اخوي خشوم السحاب


طال عمرك عاد امر الله وشق القربه وخليناه في الفريزر :D الله يعافيك يارب وتصيد الموسم الجاي وتجرب التجميد

[الحضري]

بالعافية ان شاء الله
ومادام القمري مجمد مايضره ان شاء الله

الله يعافيك يارب ولاهنت على الرد الطيب ياطيب

[saad8794]

اخوي الحضري ... من واقع تجارب فإن أحيانا الله واحياك الى السنة الجاية وصدت فعندي لك نصيحة :
أولاً : لاتخليه بريشه بعد ماتصيده أكثر من ساعتين إذا كنت بتجمده
ثانياً : إذا نتفته وزعه على عدة أكياس وحطة في الثلاجة اللي معك الى أن توصل البيت ومن ثم تحطه في الفريزر ... لأن الصيد بالذات يتغير طعمه إذا خليته بريشه لمدة طويله ويطلع في طعمه ( زخمه ) يعني طعم غير جيد ... والحفظ المباشر يخليه يحتفظ بشيء من الطعم الطازج
مثال ذلك ...

http://www.mekshat.com/pix/upload02/images59/mk30025_9999.jpg

[ابونايف الروقي]

لا تاكله ترا بيضر صحتك .. انا اجيك اخذه منك ههههههههه وانا ارميه في (( الكاتم )) ..

توكل على الله الدجاج يجي من فرنسا له سته شهور مذبوح ويجلس في الفريزر ست شهور وحنا نطب فيه شاورما ومشوي .. توكل على الله ولا يردك الا الكاااتم .

ههههههههههه

[طير ماوان]

اخوي الحضري ... من واقع تجارب فإن أحيانا الله واحياك الى السنة الجاية وصدت فعندي لك نصيحة :
أولاً : لاتخليه بريشه بعد ماتصيده أكثر من ساعتين إذا كنت بتجمده
ثانياً : إذا نتفته وزعه على عدة أكياس وحطة في الثلاجة اللي معك الى أن توصل البيت ومن ثم تحطه في الفريزر ... لأن الصيد بالذات يتغير طعمه إذا خليته بريشه لمدة طويله ويطلع في طعمه ( زخمه ) يعني طعم غير جيد ... والحفظ المباشر يخليه يحتفظ بشيء من الطعم الطازج
مثال ذلك ...

http://www.mekshat.com/pix/upload02/images59/mk30025_9999.jpg



كلام سليم مئة بالمئة أنت :good: ياسعد
أنا أسوي نفس الطريقة وأحتفظ فيه إلى سنة وأكثر ولايكون هناك اختلاف كبير بالطعم
ونقطة هامة لاحظتها على الكثير من الصيادين
أنهم يتركون الصيد بكرتون أو عند الدعسة لفترة طويلة
حتى أن بعظهم يتركه من الصبح إلى العصر بدون تبريد وهذا يعتبر منتهي
وغير صالح للحفظ والتجميد ويجب ان يؤكل في نفس اليوم
أما إذا كنت اخوي الحضري خايف من أكلهن عندي لك طريقة آمنة وممتازة
نطبخهن أنا وإياك وأنا آكلهن قبلك علشان تتاكد ان مافيهن شي
بس طبعا لازم آكلهن كلهن لأني خايف عليك من الأخيرة تصير غير :D


سلامي لك اخوي الحضري