ياشباب من عنده علم عن دافور بريموس السويدي

[aljde40]

السلام عليكم ورحمة الله وبركاته وبعد :
الله لايهينكم يامكشاتية ياكرام , من عنده خبر عن الدافور البريموس السويدي وين القاه أفيدون جزاكم االه خيرا .

[أفق]

عند البرية مخرج 14 حرف تي لف يمين تجيك اشارة لف يمين تلقا المحل على يمينك بعد مسافة قليلة
وحاضرين للطيبين

[الدبل الثقيل]

وعليكم السلام ورحمة الله وبركاته.... قرأت قبل فترة طويله في منتديات مكشات ان البريمس الأصلي السويدي متوفر في الكويت .

[هداج الرياض]

انا دورته العام ولقيته عند محل بمخرج13قدام ورشة الجميح بس للا سف نسيت اسمه المحل كبير .
اويمكن تلقاه عند ساكو على حد علمي
اما حقين الادوات البريه دورت عندهم مالقيت .

[fayez188]

موجود عند برق الحيا ب 209ريال تلفون 014455666

[abo fasil]

في اسواق العويس تلقي العين فقط في المحلات الي علي ش العليا

[مريتو]

السلام عليكم أنا عند دوافير بريموس سويدي جدد انكانك تبي دق علي

السعر150
المقاس 5 رطل
لا ومع الراس البريموس
جـ 0558202122

[الوافي جدااا]

في جده عند بادحمان في الهنداوية

[ولد وايل]

مايفرق الهندي عن السويدي ومن قال يفرق بالبريموس هذا يتوهم

[ثورة الشك]

ويش الفرق ياشباب وياليت صوره

[صحيح]

عند محل البرية مثل ما قال أخوي أفق.
بس مغلينه عشانه منقطع من السوق حسب كلام راعي المحل.
صحيح

[مخاوي قناص]

السلام عليكم يااخوان العلم ماهي على الدبه العلم على الراس الراس اهم شي خذ لك دبه اي نوع المهم مقاس كبير وخذ راس ابرموس هندي فك الماما وادخل عود ثقاب وبرمه في الماما يخرج شيش صغير جدا يعمل الشيش كمرشد للغاز حنا مانبيه خله يولي وركب الراس وشوف النار الي تبرد كبدك وتسوي طبخك اخوك مخاوي قناص

[البيـــــراوي]

اخوي اذا كنت تسال عن الراس حق الدافور
فانا رحت لبرق الحيا ولقيت عده انواع وباسعار مختلفه
شي صيني وشي هندي
المهم يوم شاورت قالوا الهندي هو الي ممتاز
وشرينا واحد بـ 65 من محل بالغرابي
وتقبل تحيات البيراوي

[علي عليوه]

شف لك يوم من أيام الاسبوع غير الويك إند

يعني غير الخميس والجمعة بس مسوي اعرف حركات

وازرق زرقة خطافية لحراج ابن قاسم وخذ لك واحد كامل بس مستعمل

انا العام الماضي اخذت واحد بـ 30 ريال

[ami1948]

الأخ الكريم بريموس السويدى يظهر إنه لم يعد يصنع فى السويد ؛ والموجود فى السوق أشياء مقلده وأحسنها الهندى ووكيله با دحمان فى شارع السباله بالر ياض كامل دبه عاديه ماهيب كبيره بمأه وعشرين ريال أما الأنواع الأخرى أنصحك بعدم شرائها لأن الموضوع مهم وبعض الردى تلقاه خربان وهو جديد أسأل الله أن يحمى الجميع .

[الساهر2003]

اشكر الجميع ورد اخوي ولد وايل صحيح جدا
وبصراحة استخدم البريمس الهندي اكثر من3 سنوات والسويدي اكثر من 7 سنوات ولا فيه فرق ابد ابد
وللمعلومية الشركة نفسها يوجد لها مصنع في الهند ويصنع بنفس الجوده ويصدر لنا لارتفاع سعر السويدي
مع اطيب تحية للجميع

[sul574]

إذا كنت بالرياض تلقاه بشارع السبالة

[هلا بريدة]

يارجال الفرق واضح مابين!!!! الهندي والسويدي لا وزن ولا جوده !!!!!
الرق بالبلف و الإبرة وتدفق الغاز !!
ورأيي المتواضع تروح للحراج ...... وتشريلك مستعمل بريموس أصلي وإذا كانت البوية طايرة حاول تعيدها من جديد ولا رايح يكلفك ولا نص قيمة الجديد الهندي
وسلامتكم

[الساهر2003]

يارجال الفرق واضح مابين!!!! الهندي والسويدي لا وزن ولا جوده !!!!!
الرق بالبلف و الإبرة وتدفق الغاز !!
ورأيي المتواضع تروح للحراج ...... وتشريلك مستعمل بريموس أصلي وإذا كانت البوية طايرة حاول تعيدها من جديد ولا رايح يكلفك ولا نص قيمة الجديد الهندي
وسلامتكم


اخوي الاثنين عندي وكلها وارد بادحمان وكلها بريمس هندي وسويدي ومافيها اي فرق في الشعله وكلها شد بلد وممتازه

[الحقنة]

أنا أمس لقيت بريموس سويدي عند محل البرية مخرج 14 مثل ما قالوا الأخوان جزاهم الله خير..!!

وشريت من عندهم دبة (10 رطل ) مع الراس بـــ (350) ريــــــــــــال ينطح ريـــــــــــال..!!!

وعلى كلام صاحب المحل أنه جايبهم من الكويت ...!!

واللي يبي ابريق ستيل كوري تراه موجود عندهم بعد كبير ووسط بـــ (60) ريال

[الدبل الثقيل]

وين محل البرية بالظبط ؟

[الشنه]

وش فرق الدبه هنديه ولا ايطاليه ولا بريموس سويديه
خذ الرخيصه بس
والعين خذ هندي ولا ايطالي
والله ما تفرق

[abd-107]

يا إخوان الدبه كما قال أخونا ما تفرق لكن الفرق بالدافور البريموس المقصود اللي عليه العلم القديم اللي يجي لونه برتقالي وتحتيه أصفر هذا يشرى بسعر عالي حقيقه بسبب جودته وصغر حجمه (مثل الشنطه الدبلوماسيه) والميزه اللي حقيقه به مهب بغيره إنه ما يطفى إذا قصرت عليه ناره وحده ومامات ممتازه ولا تتلف

[fayez188]

اريد ان اسألكم عن اسعار علب تعبئة البريموس 230 gm و450gm بكم صار سعرها ؟



لانني اتصلت بمحل برق الحيا طريق المية بالرياض قالوا ان اسعارKOVEA نزلت 4 ريال للكبيرة و6 ريال للصغيرة علبة 450gmكانت 16 صارت 12 ريال _ وعلبة 230 gm صارت ب6 ريال



http://dehraan.com/up/uploads/34a66982e8.jpg (http://dehraan.com/up/)

[سندباد الشمال]

السلام عليكم الدافور موجود عند سوق الزل المقابلين له المحل موجود فية سعودي