-------- لماذا يكذب القانص !!؟

[قلب ذيب]

أسعد الله اوقاتكم بكل خير .
تواجه احد معارفك منكف من المقناص !
تسأله : كم صدتوا من حبارى ؟ صدنا ثلاثين وهم صايدين عشر !
. . . صدنا خمس !! وهو ماصادوا وحده !!
كم صاد طيرك يافلان ؟ صاد اربع . وهو ماصاد وحده !!
طيب ليش يكذب القانص تلك الكذبات البيضاء ؟!!

[قلب شاهين]

الكذب سواء كان قانص او لا لا يعتبر من الرجولة ،،

والكذابين كثيرين وصدقني الكذاب ماراح يتوفق بصيده ولا بطيوره ،،

بس الحين أغلب الناس ماتخاف الله وش نسوي بعد !؟

تحياتي / قلب شاهين ،،

[المنصوري-قطر]

علشان يظهون انهم هم صادو اكثر عدد وتصير هالسالفه بين المجالس

والله فلان الفلاني مشاء الله عليه صاد ثلاثين

وايد ترا الي يكذبون

[المري]

الله يجيرنا وياك من الكذب..

هذا من حب الظهور..

وتسلم يابو ماجد..

اخوك -المري

[مران]

الله يجيرنا وياك من الكذب..

هذا من حب الظهور..

وتسلم يابو ماجد..

اخوك -المري
عز الله ان بومعيض صادق
ناس يحيون الظهور بحساب الكذب
الله يجيرنا من الكذب

[مران]

الله يجيرنا وياك من الكذب..

هذا من حب الظهور..

وتسلم يابو ماجد..

اخوك -المري
عز الله ان بومعيض صادق
ناس تحب الظهور بحساب الكذب
الله يجيرنا من الكذب

[رحال عمان]

امورنا كلها صارت بالرياء والكذب نسأل الله الهداية

[ksa_1]

اخوي قلب الذيب

طيب وش رايك باللى لاصاد ونشدوه وين المكان يافلان

غدافيهم اذا هو شمال وداهم جنوب

وش رايك انت والاعضاء هل هذا كذب نفس اللى تتكلم عنهم ولا لا

[هلالي888]

السلام عليكم يا اخوي الكذب مراض سوامن الصقاراو غيره والله لا يبلنافيه

[بـــن خــتروش]

السلام عليكم
أول شي ما نعم جميع الصقاقير فيه ناس رجال صادقين مايذكرون إلا الصحيح أما بالنسه للي يزيدون في حساب الصيد بالمقناص فهو للسمعه ولا يبا يطلع مفلس والله يهديهم وبخصوص مكان المقناص من قلة المقناص وتفادي الأحراج وكلمة (خذني معاك) لقله من الناس وأكد قله وأكثر الصقاقير عزيزين نفس
أما من يزيد في عدد صيد طيره إذا ذكر طيره فهذا كذاب ومنافق الله يكفينا شره (إذا حدث كذب)

[الاشعل 316]

والله اللي يكذب ما يكذب علينا يكذب على الله

صحيح يمكن في ناس تقنص في السنه وحده وتقول الحمدلله هذي كفت ووفت

وفي ناس ما قنصم شي واذا جلس بمجلس اذا قالوا يا فلان كم قنصت

قال خمس والا ست حباري هذا الكذاب

واللي تشوفهُ قنص صحيح وحده اذا قالوا كم قنص قال وحد اقول ان هذا الرجال الي قنص وحده هذا اللي فيه سلوم

الرياجيل حتى انا السنه ما قنصت حباري شبعت من اثرها بس ما شفتها شوف العين ولا قنصتها واقول

الحمدلله وعلينا بالعوض واذا ما قنصناها السنه السنه الجايه ان شاء الله

بيض الله وجهك يا قلب ذيب على هالموضوع

[مبارك 1]

انا رايي ان الكذب حبله قصير

وليس كل الرجال سواء واللي يكذب ضعيف نفس

[راعي الناوي]

والله ( الكذب ) من الضعف تلقى الواحد كل يوم يروح لشباب ويلقاهم صايدين وحده وثنتين ويبي يشاركهم في البطولات تلقاه يقول صدت وحده وهو ماصاد شي ،لكن الله يجيرنا منه ولايحدنا عليه شاكرلك موضوعك الجميل

[سنجااار]

الكذب مافيه خير مدري وش الي يحدهم على الكذب

[راكان 11]

الصدق منجاة
والكذب مهوات:no2: :no2: :no2:

[الغريري]

الكذب ليس من الرجولة بشيء ....

الحمد لله الذي رزقني بأصحاب وأخوان لا يمكن أن تتخيّل أحدهم يحدثك بحديث كاذب ......

ولا أتخيّل نفسي استمر بصحبة رجل كاذب ....

ولا فرق بين الكذب الأبيض والفوشي ... والبرتقالي ... الكذب كذب ......


الشرع أجاز الكذب في حدود ضيّقة جدا ومنها الإصلاح أو أثناء الحرب لمصلحة المسلمين ...

وحتى الكذب على الزوجة ... لا يجوز الكذب لأخذ حق من حقوقها أو ظلمها .. وإنما يجوز للمصلحة فقط ...

حمانا الله وإياكم وطهر السنتنا من الكذب وقلوبنا من النفاق

[أبو رداد]

الله يحيك يبوماجد
فعلا هذه الحاله موجوده عند البعض ... الله يصلحهم
ويقنعون انفسهم بمصطلح (كذبه بيضه) ...
قال الرسول صلى الله عليه وسلم (لا يزال الرجل يكذب، ويتحرى الكذب حتى يكتب عند الله كذابا) .

[نبع الدموع]

اخوي قلب ذيب الله يعطيك الف الف عافية على هالموضوع الحساس انا عندي
مداخلة او ملاحظة بسيطة و خصوصا من بعض القناصين هداهم الله, من اول
كان القناص و الصقار تحديدا معروف بالصبر و الرجولة و يحمل صفات اكثر
من ذلك لا يحملها الا الصقار ولاكن في هالزمن بداء يختلط الحابل و النابل مثل
ما يقولون و دخل في هالهواية او هالعلم من خذاها مهنة و الاكثر منهم من
خذاها زعاطة. و هالحين تشوف علوم ما قد سمعنابها من قبل مثل الكذب و
الكذب ان هوا كذب و صييد طيرة اكثر من صيدة الحقيقي يبي يشهر طيرة ان
كان له نية ببيع الطير و يبي يرفع قيمتة او يبي يحصلة سالفة و يبرز نفسة و
طيرة بين ربعة ولا يبيهم يفهمون انة ما يعرف يقنص فهذا مريض نفسي لانة
هوا ما درى ان كل شئ رزق من عند الله اولا و اخيرا و كم من قناص
يشهدلة العرب قعد سنين ما طرح ولا شئ و هوا مابة عيب غير ان الله
سبحانة وتعالى ما رزقة و كم من غشيم الله رزقة بالطير الي يسولفون فية
سنين

اما الي يقول انة طارح اقل من الي طرحة فبعضهم يخاف العين و منهم من ما
يبي احد يسالة وين مركازة (وين يقنص) و هاذولي بعد مالهم عذر لان في
كلمة رحم الله من بداء يقولها و هي (نصيبه او المقسوم) وتغنية عن الكذب.

[شاهين2007]

اتوقع من الاحباط
يكون متوقع انه بيصيد لكن ليس كل مايتمناه المرء يدركه
لكن هذا مهب حجه للكذب

[بوخالد الكعبي]

والله يالغالي كلامك صحيح كثير من اللى يبالغون من الناس في الامور هذه
ولكن استحى يارجل انت لا تكذب علي بل تكذب على الله

واحنا والله الحمد والشكر 15 سياره واوقات نصير 20 سياره وحذيه الصيد 3 فقط وناس ماجاها الدور السنه الله يعوض السنه الجايه

ونسال الله التوفيق وان يهدي الكذاب الى رشده

والله يوفق في الكراون في اخر الوقت

[شبراق]

والله هذا الموضوع (الكذب) يبله علاج وعلاجه لا تاخذ الكلام الا من واحد تعرفه زين (ثقه) خاصه بعدد الصيد او بفعل طير
ونصيحه لكل صقار لا تنقل كلام عن صيد او فعل طير الا من واحد ثقه

والله يرحمنى برحمة

[عتيج الصوف]

لا تبوق لا تخاف ... قول الصج وانا اخوك و المرجلة بالافعال لا بالاقوال الجذب

[جارح العين]

لاحول ولا قوه الا بالله
والله الكذابين مليانين بمجتمعنا ليته يكذب بعدين يقول امزيع ويعترف لا يمشي كذبته

[خيال الصبحا]

مشكور يابو ماجد

[قلب ذيب]

شكرا لمروركم الاخوي .
فعلا الكذب حبله قصير , لكن هناك كذب يمكن قبوله وهناك كذب يؤدي بقائله الى التهلكه !
اجارنا الله وياكم من خوة الكذابين والمغرورين والانانيين واصحاب الحسد .

[ردار]

والله ياخوك الكذب هو ياكذب علي نفسه الين هو مسكين يفكر انه يضحك علي الناس وهو يضحك علي نفسه والصيد توفيق من الله سبحانه مع تحياتي ردار

[صااحب الامتيا]

ذا ماهو كذب هذي (صقارة) تبية يعلم بالمكان ماتاخذ ثاني يوم الا هو مليان كلن يدور على فالة والصيد وفقة

[عقام جدة]

الله يهدي الجميع

[ثلاثي الابعاد]

السلام عليكم ورحمة الله وبركاته
اصبح هناك الكثير من الدخلاء على الكثير من الهوايات وهؤلاء الدخلاء لايستمرون بممارسة الهوايه او لايصلون الى مستوى المحترفين لذلك يقومون بقصد او من غير قصد باستعراض بعض امكانياتهم باضافة الكثير من ( البهارات ) على صولاتهم وجولاتهم بتلك الهواية اي كانت وذلك كما تطرق بعض الاخوان الى ايضاح ذلك .
اذكر قبل ثلاث سنوات كنت قادما من ام رقيبة قطوع متجها الى شويه عبر احدعروق الدهناء واثناء الطريق وبالقرب من خط الرفيعة الرياض قبل ان اصل اليه بعشر كيلو متر تقريبا شاهدت كراوين وتوقفت بعد ماتجاوزت الخط باتجاه شويه للاسترخاء وشرب القهوة وحضر الينا شخص يبدو انه من دول الخليج ومعه طيره واخوياه اشوفهم بالجهة المقابله لنا وصار يسال ماشفتوا صيد فبحسن نية ذكرت له مكان الكراوين التي رأيتها ووصفت له وصفا جيدا مكانها وحراوي وجهتها الا انه قال بطريقة بداية ( اصدر صوت بفمه) يقصد علامة استغراب وتعجب كراوين ؟ وليش تركتوها ثم سلم وغادرنا ولاحظت انه توجه لاخوياه ومن ثم اخذوا اتجاه اخر غير الذي وصفته لهم .
وهذا قد يكون اشارة الى ان الذي يكذب لايستطيع ان يصدق الاخرين .والله اعلم
وللمعلومية انا لا افهم بالصيد ولا يستهويني كثيرا ويصادف ان اشاهد الكثير من مايطرب له الصياد وفي اماكن متفرقة اثناء تجولي بالصحراء .

[الرهوه]

لان الشغله كلها طهبله

[mkmk_b]

هذا نقص بشخصية الصقار ويبي يكمله بالمفاخر نسأل الله السلامة.