سؤال لأهل الرياض

[النديم2007]

اولاً تحياتي للجميع..... ثم انوي اسافر للرياض نهاية الاسبوع واتمنى من اهل الرياض يدلوني على افضل محلات بيع لوازم الرحلات
جزيتم الجنة اخوكم : النديم 2007

[قاطع الفياض]

أخوي النديم الله يحيك بين أخوانك وترانا حضرين بالي أنت تبي أ ن بغية خوة أبشر باخوة والدليلة وأن بغية وصف أبشر بعد .. عندك مخرج 15وأنت نازل على طريق 100 عند أكثر من عشر محلات طب وتخير على رأسها (( برق الحياء ))
((( أخوك / قـاطـع الـفـيـاض )))

[ابو تمام]

ماقصر قاطع الفياض (( برق الحيا )) يمدحوووووووووونه بالحيل
مخرج 15

[النديم2007]

الاخ قاطع الفياض بيض الله وجهك (( خوتك تشترى يالحبيب وما قصرت ))..مشكورمشكور
الاخ ابو تمام مشكور على المرور لاعدمناك يا أبو تمام

[gogle]

زي ما تفضو الشباب الله يجزاهم خير

برق الحيا افضلهم


ميزته منتجات السنيدي متوفره عنده واسعاره مقاربه للسنيدي او نفسها ماني متأكد مبطي عنه

[عاشق السيل]

حياك الله في بلدك الثاني <<<<< مسوي سياسي !!!

بالنسبة لشرق الرياض ( لأني ساكن هنا ) أبدلك على اكثر من محل :
1 ـ برق الحيا بحي الروابي .
2 ـ البرية بحي الروابي .
3 ـ الرواق بحي الريان .
4 ـ اليوسف بحي الريان .
5 ـ المقناص بحي الروابي .
6 ـ العليان بحي الريان .

واللي تبيه بالضبط أنا مستعد اوصفه لك ،، وتقبل مروري ومشاركتي يالغالي .....

[ذئب اليل]

مزود على كلام الخوان بس حبيت أذكر المحلات الي في الغرابي ون شاء الله بتلقاطلبك

[النديم2007]

الاخوة اعضاء هذا المنتدى الرائع تحياتي لكم جميعا ثم اشكر الاخوة الذي ردوا على سؤالي عن محلات الرحلات بالرياض فقد افادوني كثيرا وللأسف لم اتمكن الامن زيارة محلين هما برق الحيا والمقناص وفي رأي ان برق الحيا افضل من المقناص ولكن للامانة فأنا لم اقضى في محل المقناص الوقت الكافي لتقييمه بشكل جيد
...... تحياتي للجميع

[جوالة]

وتحصل في الغرابي أيضا