وش احسن دفاية

[عزيزو]

السلام عليكم ورحمة الله
وش احسن دفاية ومحتار في دفاية القاز وابي احد يفيدني عن المجربين الدفاية القاز

ولكم من جزيل الشكر.

[دلة ملقمة]

سيمنس دفاية الزيت الاصلية اذا لقيتها

[صالح...]

ياباني أصلي تلقاهن عند باخشوين على طريق العليا .

[القصبي]

فية دفاية قاز تراها تدفيك وتموتك من الحر بس فية عيب لة ريحة قاز والشي الثاني هل لك استعداد تمسك سرا مع اللي ماسكين سرا علشان يشترون القاز في المحطات مساكين كل صباح اشوف سرا طولة كيلو
والشي الثاني دفاية زيت زينة بس لازم تكون مسكر الباب لانها شلون تدفي غرفة مفتوحة الباب كلما دفت جاها برد ؟؟؟
ان كان في راسك تشتريها اشتر سمينس على قول الرجال اللي فوقي في الرد وان مالقيتها دور ايطالية او المانية 220 كهربها نصيحة لاتاخذ 110 موب زين السلك حقها يحتر بسرعة اما ال 220 فهو بارد وسبحان الله بارد وارخص في الفاتورة كيف؟؟ عجزت افهم كهرب قوي ورخص في الفاتورة
انا عندي 3 دفايات زيت المانية وايطالية بس ال 110 يحتر سلكها انا نصحتك لوجة الله

وفية دفاية بس ديزل بس المشكلة ماتنفع لنا تنفع للحرارة تحت الصفر تحصلها في سوريا على الديزل يسمون الديزل عندهم مازوت تعرف كم سعرها الدفاية مع حديدها اللي يطلع للبرى الغرفة علشان يطلع الدخان سعرها ب 94 ريال يعني بالله عليك لو تنباع هنا بكم تساوي اتوقع 500 ريال او اكثر

وسلامتك

[saad.saud]

مثل ماقال أخوي القصبي واذا بغيت كهرباء أفضلهاocarina ياباني لك وللزمن 220 فولت

[القصبي]

نصيحة لوجة الله اي جهاز تشترية لاتشتري الا 220
الله يهدي ابوي ماحط في البيت الا 110 يوم جاء عمرة 70 سنة قال اثري غلطان بدري ابوي الله يهديك يقول اني على غلط معليش

[عاشق السيل]

وعليكم السلام ورحمة الله وبركاته ،،

إذا لقيت دفاية غاز اشترها ولا تشاور تراها من أفضل الدفايات ،،

مميزاتها : تدفئة قوية جدا ، مافيها أي رائحة ، ممكن تسوي عليها الشاهي أو تطبخ الغداء لو حبيت ، استهلاك غاز ضئيل جدا ، دائرية الشكل يعني كل اللي حولها يستفيدون منها ،،

أما عيوبها : تحتاج تمديد لي للغاز ، فيها خطورة على الأطفال ،،

والله يوفقك لكل خير وتقبل مروري يالغالي ....

[NissaN 1990]

أحسن الدفايات من ناحية العملية والتدفئة والرخص في السعر هي (الصوبا) حقت السوريين تشتغل على ديزل بس ما يطلع ريحت ديزل ولا لها دخان لأنهاء لها خرطوش يطلع الدخان برا وسعرها بالرياض 200 ريال فقط بس تدفي لو درجت البرودة تحت الصفر

[Khalid AlGhamdi]

انحش عن دفاية القاز ، بالشمال ماسنخدم غيرها من اول والحين قلعناها كلها وجبنا زيت وكهرب
بس وشو عقبه ، عقب ماكلنا صار بنا ربو الله يعافي الجميع .
وسبق انقلبت من احد الصغار والكاز حار مشت فيه النار كنه بنزين وبغى البيت كله يشب لكن الله ستر.

[سفاري نجد]

تبغى دفاية قاز يابانيه أصليه تحصلها بأسواق العويس عند محلات صالح براك الدخيل وعنده حجم أصغر كوري وعنده بعد دفايات زيت ألمانيه أصليه جربتها .

ودفايات جداريه لغرف الأطفال بس صراحة أنصح بدفايه الزيت آمن لانها إذا دفت المكان تطفي فيها ترومستات ،،،

ميزة الدفايه القاز اليابانيه خزانها كبير وفيها فلتر عشان ريحة القاز وتشعلها بقداح مدمج معها ببطاريه يشتغل رهيبه لبيوت الشعر ... من تجربه
القاز تبي لك جالون كبير ان شاء الله يكفيك الشتاء كله ... بس أنتبه لا يكون مغشوش !!! مخلط
الدفايه القاز زي المكيف الصحراوي تبي مكان مفتوح !

[عزيزو]

يعطيكم العافية على الردود والمشاركات من خلال التجارب

[مسامرالليل]

الله يهديكم جميعا قولو امين , طيب حطو صور للدفايات , الله لايهينكم
علشان اللى مايبي يشترى يتفرج :d

[القصبي]

مايحتاج صور لان دفاية القار معروفة ودفاية الكهرب معروفة ودفاية ديزل عندي مصورها في جوالي بس صعبة احطها هنا لانها فيديو وبحاول ابحث عنهاااااااا في الشيخ قوقل هههه

[القصبي]

http://www.aljaml.com/files/%D8%B5%D9%88%D8%A8%D9%8A%D8%A7%D8%AA2.jpgهذي يخوي دفاية الصوبيا او السوبيا سورية تموت حر اعوذ بالله وعلى الديزل الله يديم الرخص في سوريا ب 70 ريال وفي الرياض ب 200 ريال

[maasns]

D B K
Mede in Germany

[مشعل العيسى]

نصيحة لوجة الله اي جهاز تشترية لاتشتري الا 220
الله يهدي ابوي ماحط في البيت الا 110 يوم جاء عمرة 70 سنة قال اثري غلطان بدري ابوي الله يهديك يقول اني على غلط معليش

اخوي القصبي ....عندنا وعندك خير .... يا حبي لابوك لانه اعترف انه غلطان ... مشكلك من اللي ما اعترف حتى الان ...

بس تبي الصراحه ياحبي لهم لو يحطون الكهرب عشره ....


وانا عندي دفايه زيت 110 وكنها ما تشتغل زي قلتها ... بس حاطها منظر ووجاهه ...


الله يوفقك يا لقصبي دنيا واخره ...

[ابورشيد]

اخوي القصبي جزاك الله خير وين القي دفاية الديزل السوريه؟

[راعي عدوان]

احسن دفاية كاز حسب تجربتي دفاية اسمها سنتر مان يابانية <مايدفي الا حضن مريوشة العين*وليا عطشنا شربنا ;) من ثناياها>

[صحيح]

صراحة انا أقول خذ طفاية قاز بس خذ يابانيه اصلي وارد الزهراني.
وأدعلي ترى لونها أحمر والكورية أبيض ومقاسين صغير كبير أنحش عن الكوري مع انها تمشي الحال.
صحيح.

[القصبي]

اخوي القصبي جزاك الله خير وين القي دفاية الديزل السوريه؟
هلا اخوي والله في الرياض مااعرف محلات اللي يبيعونها فيها
اما خويي شاريها من سوريا ب 70 ريال ومعها حدايد طولها 6 متر ب 24 ريال يعني يصير المجموع ب 94 ريال تصدق الغرفة 9 متر في 4 ومشغليتها على اقصر شي شوي ونموت حر اعوذ بالله الظاهر ماتنفع الا للي جوة ثلوج زي الشام وروسيا

[مشعل العيسى]

http://www.uae4ever.com/up/uploads/c03b3646bf.jpg (http://www.uae4ever.com/up/)

[abade12]

ياحبي لكم يا أهل مكشات
متميزين في كل شيء :D

بحثت في قوقل عن دفايات القاز وطلع لي هذا الموضع

قلت ارفعه ممكن تستفيدون منه في هذا البرد :D

[abo_fahd]

شباب كم سعر الدفاية الزيتية DBK الالمانية 12 ريشة

[لبيه يا منادي]

سعرها 480 أخوي إذا بتشتري زيتية لا تأخذ الا DBK نصحية وانتبه يوجد صينية باسم BDK
تقبل مشاركتي

[أبو هشام راشد]

كلما زاد الواط فيها كلما كانت التدفئة فيها أكبر
2500 w1500 < w

[ابورشيد]

لقيت الدفايه حقت السوريين تشتغل على القاز والديزل علي طريق الرياض القصيم بعد معبر الجمال بحوالي 5 كيلو عند الخيام اللي يمين ب 250 ريال

[atamami]

اخوي القصبي ....عندنا وعندك خير .... يا حبي لابوك لانه اعترف انه غلطان ... مشكلك من اللي ما اعترف حتى الان ...

بس تبي الصراحه ياحبي لهم لو يحطون الكهرب عشره ....


وانا عندي دفايه زيت 110 وكنها ما تشتغل زي قلتها ... بس حاطها منظر ووجاهه ...


الله يوفقك يا لقصبي دنيا واخره ...
ههههههههههههه
حلووووووووووووووووه (((( بس حاطها منظر ووجاهه ...))) اعجبتني

[هبوب الصبا]

عرفنا دفاية القاز وجربناها ممتازة لكن جديدة ذي دفايات الديزل

[برد الليل]

فيه دفايات زيت ممتازة جدا جدا
ألمانية ووكيلها باسويدان اللي في شارع الكهرب بالملز
اسمها هيلين .... بصراحة انا وكثير من الأقارب مجربينها وممتاااااازه

وبالنسبه لدفايات الديزل اللي من سوريا ... ممتازة لكن تحتاج لتوصيلات ( شكمان ) حتى الدخان يطلع برا
في سوريا التوصيلات تكون عندهم جاهزة من الأساس
والدفاية قووووية جدا وتحتاج مكان كبير وثلوج
أذكر كنت في سوريا أيام الشتاء وكانت الدنيا برا بيضاء من الثلج ومن جوا الدنيا صيف من هالدفاية