لاهل العرف من الصقارة

[نبع الدموع]

السلام عليكم و رحمة الله وبركاتة

صبحكم / مساكم الله بالخير و الرضى

اخواني الاعزاء لي فترة بسيطة في منتداكم الرائع و الانسان مهما تعلم
يظل جاهل و يشوف اشياء تظل معها علامات الاستفهام تدور حولة
لين انه يجد الجواب الصحيح و من خلال هالخيمة شفت كثير و اشياء
اول مرة اشوفها في حياتي او انها ادخلت الهوجاس بداخلي و ياليت
اجد عند اهل العرف الجواب. خلال سنواتي (15) الي قضيتها في
المقناص (شبك الطيور) عرفت ان الجير هوا الطير الهجين مهما كان
نوعة و اقصد بالهجين انة التفريخ ولاكن اشوف كلمة جير وحش!!

شلون جير (تفريخ) وحش؟ هل المقصود انة طير هجين من الطبيعة؟

و اذا كان هجين طبيعة وشلون بعض الاخوان يقولون جير صافي
مثلا حر مع حر او شيهانة مع شيهانة اقصد انة طير حر او شيهانة
او بيور ما عليها خلاف اجل وشهولة يقال عليها جير؟؟

ثانيا اشوف مسطلح سفن اب عن بعض الطيور وش هالسفن اب؟؟
للاسف اشوف هالاسم ولا قد شفت صورة على اساسها نعرف

:( لا يكون طير جاي في صفرية بس :j

اسفين على الاطالة و الله لا يهينكم

يا ليت الاخوان الي يعرفون الرد ان ما عليهم كلافة يطحون صور واضحة
لانا نبي الفرق

[الدكتور00]

صبحك الله بالخير ..



حياك الله بين ربعك ،،






سلمك الله انت حطيت يدك على موضوع يخلط فيه كثير من الصقاقير !! ويوم قلت كثير فأنا
أعني الكلمة بكل مراميها !




لكن خنا نوضح بعض ما وقع فيه اللبس .. عساه يرتفع عند الجميع .



** الطير عافاك الله ومن يسمع .. إما يكون : بـــيـــــــــــور ( نقي ) ، أو مــهجـــــــــــن .




البيور : نتاج نفس السلالة ، يعني حر من حر ، جير من جير ....
وله حالتين : يا يجيك وحش على بطنه ، ولا تفريخ مزارع .


التهجين : على اسمه ، وذا في أغلب إطلاقاته .. طير مزارع ،
لأن في حالات يعتقد بتهجينها خـلــويا .. مثل حر الألتاي .






فيه ملاحظة بسيطة .. الجير طير وفصيلة ، مثلها في الطيور مثل الحرار والشياهين ....
منه الوحش ومنه التفريخ ومنه التهجين .. لكن غلب استعماله على مسميات التهجين عامة ، كونه
طرف رئيس في أغلب الخلطات الناجحة !




هذا كل مافي الموضوع .. لكن تشوف وتسمع خلط وااجد على ألسنة الصقاقير .. هو
من الدارج .. مب يعني اقرارك على صحته !










عرفت ان الجير هوا الطير الهجين مهما كان
نوعة و اقصد بالهجين انة التفريخ ولاكن اشوف كلمة جير وحش!!


شلون جير (تفريخ) وحش؟ هل المقصود انة طير هجين من الطبيعة؟


التفريخ يعني البشر لهم واسطة وتدخل !! ولا ما تركب ثنينها .. تفريخ ووحش !!!!!




و اذا كان هجين طبيعة وشلون بعض الاخوان يقولون جير صافي
مثلا حر مع حر او شيهانة مع شيهانة اقصد انة طير حر او شيهانة
او بيور ما عليها خلاف اجل وشهولة يقال عليها جير؟؟



أقــول .. اقر اللي فوق .. << متعيجز




ثانيا اشوف مسطلح سفن اب عن بعض الطيور وش هالسفن اب؟؟


خلطة من خلطات التهجين .. أحد أبويه بيور والثاني تهجين ثري كوارتر (بيور مع تهجين ففتي ففتي ) .. وانت الصادق بعدين اسمه سفن ايت ، مدري من وين طلعت لك السفن اب ذي ههههه




:( لا يكون طير جاي في صفرية بس :j
.. ظنك ؟!!








وسلامتك ،،،،،،،،

[شبراق]

حياك الله اخوي نبع الدموع ابتشرف برد عليك المتوضع بس من دون صور
الجير ياخوي وانت ابخص من يجي وحش اصيل مثله مثل غيره من الاحرار والشياهين لكن ماله هجره على الخليج عشان كذا مهب معروف من قديم الزمان لكن الوقت الحالي اشتهر مثل ماتشوف ومن طيب الجير بدت مزارع التفريخ تاخذ وتفرخ من نسله وتهجن مثل ماتشوف
والاخوان انشاءالله مهب مقصرين وعذراً على القصور

[نبع الدموع]

صبحك الله بالخير ..




حياك الله بين ربعك ،،



الله يبقيك و يسلمك اخوي الدكتور و عز الله انك دكتور
و بيض الله وجهك على هالرد الكافي الوافي

لاكن عندي بعض الاستفسارات



سلمك الله انت حطيت يدك على موضوع يخلط فيه كثير من الصقاقير !! ويوم قلت كثير فأنا
أعني الكلمة بكل مراميها !




لكن خنا نوضح بعض ما وقع فيه اللبس .. عساه يرتفع عند الجميع .



** الطير عافاك الله ومن يسمع .. إما يكون : بـــيـــــــــــور ( نقي ) ، أو مــهجـــــــــــن .




البيور : نتاج نفس السلالة ، يعني حر من حر ، جير من جير ....
وله حالتين : يا يجيك وحش على بطنه ، ولا تفريخ مزارع .

سلمك الله البيور تعني الصافي و هوا ايضاء نوع من الطيور مثل الحر و الشياهين
و ماكرها امريكا :( وش ذي الحوسة

التهجين : على اسمه ، وذا في أغلب إطلاقاته .. طير مزارع ،
لأن في حالات يعتقد بتهجينها خـلــويا .. مثل حر الألتاي .






فيه ملاحظة بسيطة .. الجير طير وفصيلة ، مثلها في الطيور مثل الحرار والشياهين ....
منه الوحش ومنه التفريخ ومنه التهجين .. لكن غلب استعماله على مسميات التهجين عامة ، كونه
طرف رئيس في أغلب الخلطات الناجحة !

:( هاذي تحل بعض الحوسة الي انا فيها لاكن معظم الطيور الي اشوف مكتوب قدامها جير او جير حر او جير شاهين يا انها تكون لشياهين او لحرار
و فصيلة الجير هذي وين ماكرها و وش علومها؟؟؟



هذا كل مافي الموضوع .. لكن تشوف وتسمع خلط وااجد على ألسنة الصقاقير .. هو
من الدارج .. مب يعني اقرارك على صحته !






وسلامتك ،،،،،،،،




الله يسلمك و يبيض وجهك

[نبع الدموع]

اخوي شبراق الله يسلمك و الشرف لنا الله يبارك فيك و تسلم على هالمعلومة
الله لا يخلينا من مرورك.

لا هنت

[جارح العين]

والله انا مثلك اذا شفت جير قلت هذا جير لاكن مدي وشو تهجين ولا شي
والله هالجير معقدني ولا قادر افهمه
(السفن اب -مشروب غازي يباع بالبقاله بريال)هذا الي اعرفه عن السفن اب ههههه

تقبل مروري

[جيتك يابعد حيي]

هلا والله باخوي نبع الدموع
لست ملم بما فيه الكفايه بالنسبه لموضوع الجير وخصوصآ الوحش وذلك يحتاج دعم بالصور لكي تستفيد
اما بالنسبه لسفن أب وهو موضوع طرحه اخوي ابو رداد قبل فتره بسيطه عن المشروب الغازي السفن ومفعوله على الطير اذا ماقدر يصرف علفه والمعذره عن عدم استطاعتي ادراج رابط الموضوع وسوف تجده بالصفحه الثانيه,
وتقبل مروري

[براوننق]

والله ان السئله معقده

[خشف.]

والله ان السئله معقده
ان شاء الله ما يقصرون اعضاء الخيمه.؟..

[طارق الحربي]

استاذنا الدكتور ماقصر ولا يهونون الاخوان

بالنسبه لاستفساراتك الثانيه وانا ماني خبير مره

الجير طير ماكره سيبيريا وهو من الطيور اللي ماتهاجر يعني مستوطنه ولا يعيش عندنا بالحر الا بعنايه خاصه جدا فتجدهم يهجنونه مع حر او شيهانه او وكري عشان يجمع بين صفات الثنين السبق والحجم من الجير وتحمل الحراره من البقيه

والمقصد من كلمة بيور هو ان الناس بدأت تطلق على الطيور المهجنه كلمه جير وهو فالاصل فصيله من الصقور ففرقوا بينها بكلمه بيور اي صافي مثل ماذكر استاذنا الدكتور

الجير اما يهجن مع حر بعدة نسب منها 50\50 وغيرها او يهجن مع شيهانه بحريه او جبليه او وكري لذلك تجد ان الرابط المشترك دائما هو الجير حيث ان تزاوج حر مع حر في الاسر ليس منه فائده كبيره كتهجين الجير مع فصيله اخرى للتمتع بمزايا الجير


هي مجرد وجهة نظر من شخص مبتدأ :)

[عتيج الصوف]

الله يعينك .. بس ما يقصرون الاخوان

[نبع الدموع]

والله انا مثلك اذا شفت جير قلت هذا جير لاكن مدي وشو تهجين ولا شي
والله هالجير معقدني ولا قادر افهمه
(السفن اب -مشروب غازي يباع بالبقاله بريال)هذا الي اعرفه عن السفن اب ههههه

تقبل مروري
اخوي جارح العين يعطيك العافية على مرورك ولا هنت و مثل ما قلت كلنا نتعلم و
من قال انة وصل للقمة في العلم تاكد انة جاهل

[نبع الدموع]

هلا والله باخوي نبع الدموع
لست ملم بما فيه الكفايه بالنسبه لموضوع الجير وخصوصآ الوحش وذلك يحتاج دعم بالصور لكي تستفيد
اما بالنسبه لسفن أب وهو موضوع طرحه اخوي ابو رداد قبل فتره بسيطه عن المشروب الغازي السفن ومفعوله على الطير اذا ماقدر يصرف علفه والمعذره عن عدم استطاعتي ادراج رابط الموضوع وسوف تجده بالصفحه الثانيه,
وتقبل مروري

هلابك اخوي صفوق و يشرفني مرورك و انا اقول بعد نحتاج ارفاق صوور
للطيور و بالنسبة للسفن اب او مثل ما قالوا سابقا سفن ايت فا ما اقصدبة
الي يخلي الطير يروبج انا اسمع عن نوع من الطيور ولا شفت له صورة للحين
:rolleyes:

[نبع الدموع]

الاخوان خشف و براوننق حياكم الله و تسلمون على هالمرور الجميل

[نبع الدموع]

استاذنا الدكتور ماقصر ولا يهونون الاخوان

بالنسبه لاستفساراتك الثانيه وانا ماني خبير مره

الجير طير ماكره سيبيريا وهو من الطيور اللي ماتهاجر يعني مستوطنه ولا يعيش عندنا بالحر الا بعنايه خاصه جدا فتجدهم يهجنونه مع حر او شيهانه او وكري عشان يجمع بين صفات الثنين السبق والحجم من الجير وتحمل الحراره من البقيه

والمقصد من كلمة بيور هو ان الناس بدأت تطلق على الطيور المهجنه كلمه جير وهو فالاصل فصيله من الصقور ففرقوا بينها بكلمه بيور اي صافي مثل ماذكر استاذنا الدكتور

الجير اما يهجن مع حر بعدة نسب منها 50\50 وغيرها او يهجن مع شيهانه بحريه او جبليه او وكري لذلك تجد ان الرابط المشترك دائما هو الجير حيث ان تزاوج حر مع حر في الاسر ليس منه فائده كبيره كتهجين الجير مع فصيله اخرى للتمتع بمزايا الجير


هي مجرد وجهة نظر من شخص مبتدأ :)

شرح ما قصرت علية و الله يعطيك الف عافية على هالمرور الجميل اخوي طارق

اجل وش يقال عن الطيور الي تنطرح في شمال امريكا (البيور) ؟؟

مع هالردود صرت اشوف نوعين ينقالهم بيور و هي السيبيري و
الامريكي و الي معروف اساسا باسم بالبيور!!:rolleyes:

[طارق الحربي]

والله الامريكي يابعدي ما اعرف عنه شي ياليت اذا تعرف عنه اي معلومات تعلمنا

لك تحياتي

[صقرنجد.]

ان شاء الله ما يقصرون اعضاء الخيمه...............

[نبع الدموع]

ما منهم قصور ولا هنت اخوي صقر نجد على مرورك.

[الدكتور00]

صبحك الله بالخير أخوي ..








اجل وش يقال عن الطيور الي تنطرح في شمال امريكا (البيور) ؟؟


طير اسمه البيور !! أفدنا من معلوماتك الله يعافيك .. عطنا عنه أي معلومة ، حبذا لو هي تفصيلية .



مع هالردود صرت اشوف نوعين ينقالهم بيور و هي السيبيري و
الامريكي و الي معروف اساسا باسم بالبيور!!:rolleyes:

طيب أنتظرك .. خنا ناصل لشي يفيد الجميع ..









أما عن الجير واعلومه .. فهي علوم السعد ونا أخوك ..
واحدها يسوى كثير الحرار وفروخ الشياهين !




سبقني أخوي طارق .. طبعا يستوطن المناطق القطبية الشمالية
عامة .. امتدادا من آسيا وصولا إلى أمريكا الشمالية مرورا بأوروبا ..
سيبيريا وجزر شمال أميريكا ،
في غالب أحواله ما يهاجر خلافا لحال الطيور !




خذ هالرابط وحن فالخدمة طال عمرك .


http://en.wikipedia.org/wiki/Gyrfalcon (http://en.wikipedia.org/wiki/Gyrfalcon)






وســــــلامــــتـــــــــــــك ،،،،

[نبع الدموع]

نخدمك في زواجك اخوي الدكتور و اذا انك متزوج نخدمك في التدبيلة
و اذا انك مكمل الاربع الشكوة لله بنخدمك في زواج عيالك << حالف
غير يزوجك :)

هالموقع وضحلي اللبث الي انا فية و حقيقة الجير الي انا اتكلم عنة
و الجير الاوروبي و السيبيري هم سلالة وحدة و صراحة موقع كايف

لا هنتم