هل وصلنا لسن التقاعد عن الكشتات ؟

[Khalid AlGhamdi]

السلام عليكم ورحمة الله

لاحظت مع بعض الزملاء والاصدقاء خلال السنوات الاخيرة قلة اهتمامهم بطلعات البر وقلة طلعاتهم للبر

واذا حصل وطلعنا فان الغالبية لاتفضل البقاء اكثر من يوم واحد فقط

وكل منا له ظروفه ومشاغله اما في عمله او مع اسرته وابناءه

فهل معنى هذا اننا وصلنا لسن التقاعد ؟ http://myweb.saudi.net.sa/files/images/smilies/36_1_37[1].gif

اللي خلاني اكتب هالموضوع اني اليوم مع هالاجواء الزينة في الرياض اتصلت ببعض الاخوان حتى نرتب طلعة في عطلة هالاسبوع ولكن مالقيت ولاواحد http://myweb.saudi.net.sa/files/images/smilies/36_13_1[1].gif !! اللي منشغل واللي ماله شف واللي واللي ..

في الصيف ماقنصنا قالوا حر http://myweb.saudi.net.sa/files/images/smilies/36_1_47[1].gif .. وفي الشتا ماطلعنا قالوا برد http://myweb.saudi.net.sa/files/images/smilies/36_1_26[1].gif ..

اظن اني ابتقاعد وابي ابيع الجيب واشتري لي هوندا ولاكامري http://myweb.saudi.net.sa/files/images/smilies/36_7_14[1].gif والزم بيتي واحاول اغير الاهتمام مثلا اصير رسام http://myweb.saudi.net.sa/files/images/smilies/36_13_6[1].gif او غيره ..



احتمال بعد كم يوم تلقوني عارض قشي كله بخيمة البيع والشراء وانا اقول تجري الرياح بمالاتشتهي السفن ! http://myweb.saudi.net.sa/files/images/smilies/36_1_4[1].gif


ارجوا من الاخوة المشرفين تغيير اسمي الى مكشاتي متقاعد

[Ry905]

خلك متفائل

والربع واجد .. دور لك من الزملا او الاقارب أو الجيران .. أو حتى أعضاء مكشات .. وبتلقا اللي يسرك

[أبويوسف]

خلهــــاااااااااااااااااااا على ربك ...... سجل عندك مكشاتي متقاعد2

[Khalid AlGhamdi]

حياك الله اخوي 905 ، الله كريم

ابويوسف حياك الله ونبي نقترح على ادارة المنتدى يسوون خيمة للمتقاعدين

[أبويوسف]

ابويوسف حياك الله ونبي نقترح على ادارة المنتدى يسوون خيمة للمتقاعدين

وأنا معاك يابو معاذ بالفكرة هذي مؤيد :good: :good: 100%:good: :good:

[الأجردي]

بسم الله الرحمن الرحيم
كثير من الشلل يحصل لها مايحصل لكم من الأصابه بالشيخوخه
لذا من رايي اخوي/ AbuMu3ath ان يتم ضخ دماء جديده بالشله وأستقطاب عناصر جديده
والرسم ممدي عليه وان كان لازم خله بالصيف.
تقبل مرورأخوك/ الأجردي,,,,,,,,,,,,,,,,,,,,,

[برق بريده]

هههههههه مكشاتي متقاعد حلووووووووووووووه

[الرسن]

ابو معاذ
شف ذا الرابط يمكن يتحدث بطريقة اخرى عن ماذكرت:
http://www.mekshat.com/vb/showthread.php?t=112674

الظاهر ان الحال من بعضه لاتشكي لي فأبكي لك
لكن وش رايك نؤسس جمعية لمتقاعدي الكشتات البرية تصير انت الرئيس وانا نائبه
في البداية ماناخذ رسوم على الاشتراك وبعد مايكثر الاعضاء نفرض رسوم رمزية لزوم
الكشتات المدفوعة للمتقاعدين عن الكشتات البرية.
قل تم يارجال ترا الكل يربح في جمعيتنا والشرط اربعون.
معالسلامة

[Khalid AlGhamdi]

تتوقع الادارة يعطوننا وجه يابويوسف ؟

اخوي الاجردي حياك الله وذكرتني بتصريحات اهل الكورة

ياهلا ببرق بريده

الرسن تم :)

[ابو وجدان]

من جد.. هذا أغلب أحوال الناس اليوم..
لكن.. برضه أشوف إن للبر وطلعاته هواية متزايدة سواء من الشباب أو الشيبان..!

[ريم البراري]

لاتستسلم اخوي
دور لك ربع غيرهم ولا انصحك بالتقاعد علشان ماتصير زيهم:)
فتش حولك اكيد بتلاقي احد مازال متعلق بالكشتات:D على قولت الاخوات ضخ دماء جديدة في حياتك المكشاتية والا اكشت انت والاهل وترى الكشتات الخفيفة زينه :)
اعجبني موضوعك حبيت اسجل حضوري فيه بس وانا ضد خيمة التقاعد ممكن تسوي خيمة البحث عن خوي جديد:D

[ابوفهيدان]

اخوي ابو معاذ انا من زمان كنت اروح مع الربع ومن كم سنة قلت طلعاتنا وروحاتنا مرات يالله مقناص واحد بالسنة
انت دامك تحب الروحات وصامل بس اخوياك كلهم قالوا لك مانقدر تري السبب باخوياك حاول تشبك مع شلة قناصة شروا الاعضاء
وهذا ماحصل لي الحين خوي اللي يصمل معي واحد بس يكفيك عن عشرة كل ماقول له مشينا قال تو الناس من زمان بخاطري اطلع
ولما يسمع ان فيه احد صايد دق علي حزتها وقال زهب حالك وانا ماصدق خبر بس دقني سلف وامشي
النصيحة دور علي ناس تحب الطلعات جدا وتري العمر فاني اغنم شبابك

[ذيب البريه]

.......(اول شي تراي احس انك شايب ليه ماأدري)


والله يابومعاذ انك طماع..............


لــــيــــــش..................................... ..........


لأنك شايب.... وعود .....وبتاخذ زمانك وزمان غيرك....


خلاص ياخوك اترك البر للشباب ..لامتى وانت ناشبلهم ..بعدين البر يبيله نشاط وحيويه.


ماهومثلك تطلع ماغير متمدد ومتبطح وتأمر وتنهي على خلق الله بحكم سنك.....


انا اخوك بيع العزبه واشترلك حلال وقابله واترك هاشباب اللي مايقدرونك





بعد هالمزح اللي ماله داعي.....


انا اشوف انه كل شي مثل ماتقول له عمر ووسن


مثلا لوجاك رجال كبير في السن يطعس؟؟؟؟؟
بالله ماتنقد عليه....


اوجالك واحدأخر الليل يطرد بهالارانب ولا في عز القايله يطردله ضبان ويوم تشوفه ولا هاك العود اللي ضارب لحيته الشيب وماليه وجهه(تراه ماهو عيب وقار) بس خربها
والوجه رايح فيها من هموم الدنيا...ماقولك تنقده ولكن ماتحزنله.....


يمكن غيري كثير يشوفون انه مافيها شي
لاكن كثير يشوف العكس ..


هذا من ناحيه ....لكن من ناحيه ثانيه مع التقدم في السن تزيد المسؤليات والارتباطات اللي يمكن تقلل من الطلعات....والله اعلم



لكن ماقولك الا مثل ماقالوا ..... أما ان لهذا الفارس ان يترجل



تقبل مروري


اخوك


ذيب البريه

[المموه]

لا اعتقد ان احد يقدر يتقاعد عن البر والطلعات . لكن بيني وبينك البران انحاست . اللي حبسوه واللي صار محميه واللي قطعه السفلت وعمدان الكهرب . وين تروح , الواحد جاه احباط صار مايدري وين يطلع له لا والناس زادوا خبرك البزارين اللي اول مع ابوانهم صار معهم جيوب واجهزه ويزاحمونك بكل مكان . اظن التوجه للخارج افضل .

[جارح العين]

ترا في منتزهات فيها اشجار وربيع للمتقاعدين ههههه
والله حنا مانمل من الطلعه ولو بيدنا نطلع بالصيف لاكن الحين عندنا برد
ومانقدر نطلع.....
وانشاء الله تتمتع بالاجازه وتمل من الطلعات

[صيهد]

شرحك سرااااااا

[عطيب الصوت]

كلامك صحيح بس لاتقول تقاعد سمة اعتزال الكشتات كمحترف ويمكن تكشت كهاو فقط ان جازوا لك المجموعة اوالاجواءالمناخية اوغيرذلك شكرا لطرح الموضوع بهذ الاسلوب الجميل تحياتى للجميع

[بواردي الدلم]

هههههههه ههههههه

ابو معاذ كيف حالك
انا بعد ابعلن التقاعد ماعاد حولك احد يحب الطلعات واللي قاهرني صارت طلعاتنا قريبه من الديره في الخبي كانك تعرفه اخر شي سكروه من اسبوعين يعني احالوني للتقاعد غصب لذلك انا وافقت واببيع الموتر اللي بيشتري الله يرزقه شاريه مثل الهوندا والكامري اتمشى على زفلت بس

هاه احد يبيه تبيه يابو معاذ باث فايندر 2005 هاه وش قلت
طيب لؤلؤي ومكيف لمس وسيدي وبدون فتحه
هاه نقول مبروك