عندي سؤال صغير حق الصقاره

[عاشق الدحروج]

الله يعطيكم العافيه

انا لاني راعي حباري ولا راعي طيور انا راعي شوزن ورمي وطرد بس اعرف شوي بسوالف الصقاره والطيور

السؤال :
شلون اعرف جره الحباره جديد ولا قديمه اذا شفتها بس وردو على بسرع وقت ولي عافيكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بو الخرب]

السلام عليكم اخوى عاشق الدحروج
جرة الحباره الجديده تبين اول شى تكون غزيره يعنى تكون داشه فى الارض شويه هذا اذا كانت القاع ناعمه
فيها سافى رمل يعنى وثانى شى تكون الجره فيها من وره رمل متكود طبعا شويه يكون ماحاشها الهواء فتكون جديده يعنى توه تدرج .............. والجره القديمه تكون شبه ممسوحه وبعدين تكون واضحه تقريبا فى مكان ومكان لا .................. جرة الكروان نفس الشى بس اصغر طبعا والخرب تكون جرته اكبر.
والله يرزقك انشاء الله حباره تفرح قلبك وتخليك ما تنام من الوناسه.

[@ عاشق البر @]

اخوي عاشق الدحروج
وانا عندي رد بعد
اذا شفت الجره شوف عليها اثر الله يعزك الخنافس او اي اثر مثل السياره او احد قاص الجره
ويمكن الجره جديده بس توها مطروحه شوف فيه سياره قاصتها او لا والله يوفقك


اخوك : @ عاشق البر @

[المري]

بو الخرب وعاشق البر


ماقصرو في الرد على استفسارك وماقول الا الله يعطيهم العافية...



اخوك / المري

[الفارسي]

شكراً وما قصرت اخوي

[سنجاري]

الاخ العزيز عاشق الدحروج .

قصاص جرة الحبارى اهم شي يعرف احوال الجو . مطر بتمطر سرعة الرياح ونوع الرمل وكلها توافيق. لان العوامل كثيره في سرعة اخفاء الجرة . وهو شيء صعب يكتب يجرب احسن.

والله الموفق .