لمن لهم خبره بالروسيه طول 30 فليتفضل مشكورا

[مقلع الرمث]

اخواني اعضاء المنتدى
السلام عليكم ورحمه الله وبركاته
معي روسيه ياشباب وهبلتبي ماتصيد يالله شين اقريب بالحيل وقالي واحد الظاهر لها وزنه للغاز حقه وانا والله خويكم غشيم مااعرف شي
وسمعت عن محل يبيع وصله بالرياض بالعليا
امل من عنده خبره او عنده وصف المحل يحط رقم المحل ولا يرسله لي على الخاص
بارك الله فيكم
اخوكم مقلع الرمث

[الأقرع]

وعليكم السلام ورحمة الله وبركاته

والله يا اخوي مقلع الرمث انا ما عندي علم بالحيل عن الروسية لكن اللى اعرفه ان الغاز ما له دخل في قوة الرمي او تحسين اداء الرمي اللى اعرفه انه خاص بتنظيم دخول الفشق وخروجها وهذا اللى انا اعرفه يعني اذا تبي ترمي بضغط عالي لازم تغير وزنة الغاز او ترمي بضغط ضعيف لازم تغير وزنة الغاز واذا ما كان عندك خلفية عن طريقة وزنة الغاز لا تجيه ووزنة البلد تجي وسط تقريباً يعني ترمي بضغط 32 جرام الى تقريباً 40 جرام وانا ما ني متأكد من هـ النقطة بالذات بس انت اسأل وتبي تلقى جواب ان شاء الله .

وان شاء الله الاخوان يفيدونك اكثر .

لكن اذا كنت تبي الصيد عليك بالوصلة الزينه في ناس كثير يمدحون الوصلة التركية جربها وان شاء الله تزين امورك.

هذا اللى عندي واللى انا اعرفه

والمحل يمكن يكون الهدف

والشباب ما راح يقصرون معاك

اتمنى اني اكون افدك لو بشي قليل

تحياتي واعذرنا على القصور

[هاوي صيد]

وعليكم السلام ورحمه الله وبركاته
اخوي مقلع الرمث
المشكله اللي عندك انا اعاني منها وكثير يعانون منها ناس قالوا ركب وصله 660اسبيشل ويتغير عليك مرماها وركبتها ولاحسيت بالفرق الواضح والبيكال بندق فااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااشل للاسف الفشق اللي راح كله عليها نص صندوق رميت فيها والله اخيس بندق مرت علي بحياتي واللي قاطع قلبي اني مرحها قبل اجربها هذا اللي قاطعن قلبي

[مقلع الرمث]

اخوي الاقرع مشكور وماقصرت وبالنسبه للهدف وين موقعه لو سمحت واسم الشارع ورقم تلفونه لو تفضلت
اخوي هاوي صيد والله انا واحد مكلمني على الخاص يقول عنده اسبيشل 660 وانا والله ماادري وشي الاسبيشل يقول جديده كم تسواله وهل الفرق مد ولا تفرش لا نه ذابحتن هي بالفرش ولا تمد بس واحد من الربع يذكر عن واحد معه روسيه يقول للفرق ممتازه وانا اقول متى تلقى فرق اقميري لكن وش السوات لعل احد يعلمنا طريق نشوفله حل يكون من اهل الخبره يااااهل الروسيات الشوازل الحقوا علينا ولا عفطنا مواصيرهن انا واخوي هاوي صيد

[TIGER]

مقلع الرمث لازم تنظف كل خمسين أو ستين رمية
نظفها وتحس بالفرق بإذن الله
وإذا كنت بالقصيم أبشر بسعدك
ولا تعدى فشق ضغط 36/6
ولا تغير المنظم خله على حله

وأتمنى إك تستفيد أخوي

[هاوي صيد]

اخوي مقلع الرمث
انا بالرياض اذا حبيت تاخذ الوصله وتجربها ماعندي مانع عشان اثبت لك كلامي والبيكال خرطي ونصيحه لاحد يمدح بندق ماجربها

[مقلع الرمث]

اخوي هاوي وين مكانك انا بالرياض حط رقم جوالك ادق عليك انشاء الله

[هاوي صيد]

اخوي مقلع الرمث ارسل لي رساله خاصه برقمك ونا ادق عليك

[خشف.]

ما قصرو اعضاء الخيمه..........

[محب الرمنغتون]

الأخ هاوي صيد

اشوفك متحامل بالحيل على البيكال , ترى الخيل من خيالها , وانا وغيري عندنا روسيات ولا نشتكي منها ابد
بندق رائعة وعملية ومتينة 0 العذروب أخاف انه مهوب بالبندق , العذروب بالصيدة الى ما تعرف تموت 0

[مقلع الرمث]

الأخ هاوي صيد

اشوفك متحامل بالحيل على البيكال , ترى الخيل من خيالها , وانا وغيري عندنا روسيات ولا نشتكي منها ابد
بندق رائعة وعملية ومتينة 0 العذروب أخاف انه مهوب بالبندق , العذروب بالصيدة الى ما تعرف تموت 0
كفوا والله بالمطلاع:D اقول بما انك تمدح الروسيه ليش هي تفرش واجد مع ان ماصورته 30 والقريب يالله تجيبه وهل هي تزم او الغاز يبي وزن ووش نوع الفشق الي ترمي فيه ورقمه وترمي بعد كم تقريبا عن الطير هذا يفيدنا لاني جربت ام خمس بلجيكيه صراحه مااايحتااج وحده بوحده الطير سواء كان اطيار بعيد قريب واقع تجيبه ولا شي بس الروسيه تفرش فرش غريب جدااا :confused: امل منك الافاده بما انك اول واحد يمدح الروسيه ومشكور

[ابوفهد007]

الروسيه بندق ممتازه لكن عذروبها توصيلاتها رقم واحد هه تمشي الحال والباقي احذفها طول يدك خذلك التركيه بس ظيقه بالحيل وتسوق بعيد وفيه الي يرهمونها بالقصيم طولها 4 انش خارج الماصوره يمدحونه بالحيل وانا ماجربتها ولا شفتها يذكرونها بـ 450 وفي نوع ارخص منه ترهيم خطره يقولون تنفجر واتمنى اني افدتك والي تبيه انا حاظر

[مقلع الرمث]

اخوي ابو فهد وشي التركيه ممكن توضح وين تصلح 4 انش الي تقول عليها باي مكان بالقصيم

[هاوي صيد]

اتمنا من الاخوان اللي جربوا الروسيه البيكال بالوصله او من دون الوصله اللي يتكلمون عنها ويقولون ماحصل معهم بالظبط لاني جربت الوصله رقم 660الضيقه ولا شفت نتيجه خلونا نتبادل الخبرات فيها لازم نوصل لحل يرضي اصحاب البيكال المتورطين فيها اللي مثلي وسلامتكم

[هاوي صيد]

اخوي محب الرمنغتون اتشرف بمرورك بس انا اقول الكلام هذا ونا اخوك من واقع تجربه وجربت البيكال ال28وال30مالقيت فرق بينهن هل المشكله من الغاز هل المشكله من الماصوره هل المشكله مني انا مع العلم اني جربت الفشق ونفس المسافه ببندق براوونج القديمه ام شجره والله مافيه مقارنه البيكال دمار والبراووننج ماتخطي

[محب الرمنغتون]

حي الله جميع الاخوان
أخي هاوي صيد أنت بارك الله فيك تقول انك استخدمت الوصلة الامريكية سبشل 660 , وقبل الأسترسال بالكتابة نريد اخي الكريم تعريف الجماعة بهذه الوصلة , ارجو منك حتى يكون النقاش مميز أن ترفق صورة لهذه الوصلة التي انت تستخدمها لتعم الفائدة 00 اذا ما كان عليك تكليف 00 وللحديث بقية ان شاء الله 0

[هاوي صيد]

حياك الله اخوي محب الرمنغتون بحاول اصورها اليوم واحطها لكم بس المشكله مااعرف طريقه وضعها بالمنتدا المكتوب علا الوصله بالانجليزي TKY وبعدين بخط صغيرtrulocktc12gatky.660hevi_shotapproved

[محب الرمنغتون]

كلامك صحيح
بس اذا ما عليك كلافة نبي الصورة حتى نثري الموضوع أكثر 00

[جو الصمان]

هههههههههههههههه
والله انك صادق اخاف الصيده ما عرفت تموت
والبيكال سوقها مهبووووووووووووووووول جدا انا عندي هي وامريكيه ماتذري معها

[بندر10]

ماتنفع , ماتنفع , ماتنفع , ماتنفع ( صدقوني ياناس ماتنفع )
لا بوصلت الوكالة F وقالو رهمله من بريده 4 انش ولا انفعت ورحت جبتله من الكويت وصلة 660 وبرضوه مانفعت يعني ولالالالالالالالالالالالالالالابريال ولا تقولون الخيل من خيالها ( والله يوم معي ام سيلان الصيده طيار والا موقع انه بأذن الله مايروح نيه وذبحتبه حتى الكرك الاقرع والله من زين الرمي )
واللي يبيه فيبر مع وصلها ووصلة 660 وهي 30 انش مرخصه يعلمن وفوقه حبت خشم

[عاشق4500]

ياشباب صلو على النبي انا جربت لبيكال 30 فيبر تراها زينه
ولا احد يحكم على البندق من اول دسته او نص صندوق
واذا رميت اول ماتشري اي بندق جرب في جدار وشف الفشق الزين الي ينفعلها
واذا كان الكلام على الروسيه فهي بندق رائعه وسعرها مناسب بس لا تقارن
بالسوبر او البرتا
وايضا البيكال تراها تزم وكل ماكان الصيد بعيد نزل الماصوره شوي

وعذرا على الاطاله
تقبل مروري

[مدور الخيرة]

أخوي مقلع الرمث والاخوان جميعا

هذي صورة للوصلة 660 وفيها وصلتين الاوله قصيره والثانيه طويله وطبعا الطويله هي الجديده

http://www.m5zn.com/uploads/d441a6165c.JPG (http://www.afra7.net/vb/)



ولكن لاتنسون هذي وصيه مني لكم اذا استخدمتوا الوصله هذي :

لازم تخلي تصويبك تحت الصيده شوي لانها تزم بالوصله هذي , لكن تسوق سوق فوق الخيال

واللي ماهو مقتنع بسوقها يجرب الوصله هذي على اي شي يصلح للتجربه مثل جدار او خزان ما قديم او باب قديم ويشوف الفرق ويقدر يشوف هي تزم او لا


وبالنسبه للي يرمي طيار يخلي الوصله رقم واحد وطبعا لا يستخدم الا فشق زين , اذا كان ضغط 32 يكون 7,5 او ضغط 36 اي رقم 6 او 7,5 بالنسبه للطيور


وترى الوصله هذي الطويله انا جربتها بفشق قوي ضغط 66 رقم صفر وسوت شي ماتقدر تسويه لا البلجيك ولا غيره , طبعا كانت تجربة للوصله ونجحت بتحمل هذا الضغط والرقم


الروسيه مانقول انها افضل سلاح , لكن بالنسبه للسعر والفعل انا اشوفه مقنعه وممتازه وخصوصا بعد الوصله هذي للي يبي يرمي بعيد

لكن المشكله ان بعض الشباب يبي يرمي مثل رمي البلجيك , وترى البلجيك القديمه لا البرتا ولا البنلي ولا الرمنقتون يقدر يسقن مثل سوقه , بالنسبه للسوق بس , اما الجهاز وغيره فهن افضل بعيد

[هاوي صيد]

يعطيك العافيه اخوي مدور الخير والوصله اللي جربتها وعندي هي مثل اللي في الصوره علا اليسار بس البندق اللي عندي ماتزم بالعكس الحلبي ينزل مايرتفع مدري البندق اللي عندي فيها خلل مصنعي او الكاكا الازرق ماينفع لها اللي ه 6.36 مدري وش الحل مع العلم البيكال فيها ميزه طول بيت النار الداخلي ياخذ اي مقاس من انواع الفشق يعني اي نوع تلقاه ارم فيه ماتقول لا

[مدور الخيرة]

هلا بك اخوي هاوي صيد

اللي عندي بيكل 30 فيبر موديل (2007) ويجي على الجنب مكتوب بس رقمين (07 ) والالفين وسته ( 06 )

والفشق يختلف والكاكا الجديد الكثير من الناس يشتكي منه , انا جربتها برمنقتون 32 7,5 وزمت معي شوي , وجربتها ببراوننق 32 7,5 ونفس الشي مع العلم ان النوعين هذولي من افضل انواع الفشق يعني مثل ماتقول ( المرسيدس والبي ام ) من السيارات <<< خوش تمثيل

مع العلم اني رميت حمام بري طيار بعيد والله شوي بس بوصلة رقم واحد وطاحت مع اني توقعت انها بعيده لاني شفتها فجأه اقول تقريبا بعدها عني ( 35 متر ) والفشق 32 7,5

[يازين البر]

الأخ هاوي صيد

اشوفك متحامل بالحيل على البيكال , ترى الخيل من خيالها , وانا وغيري عندنا روسيات ولا نشتكي منها ابد
بندق رائعة وعملية ومتينة 0 العذروب أخاف انه مهوب بالبندق , العذروب بالصيدة الى ما تعرف تموت 0


ههههههههههه

ضحكتني وأنا فيني النوم

الظاهر انكم ترمون علب ببسي :D

والله اني أكره النقاش اللي مافيه فايدة بس إذا جا واحد يمدح الروسية (الخرطية - البربوسية - الزبالة) يكرم من يقرأ

يتغير الأمر وأقول له مع احتراااااااااامي

ان هالبندق أكبر مهزلة شفتها بحياتي أتوقع انها بنقالية مهيب روسية

والله خسااااااااااارة اللي يحط فيها ريال واحد وأكثر اللي يشترونها بل كلهم علشانها رخيصة بسسسسسسسس

ولايبون يشترون البنلي وإلا البريتا علشان يوفرون 4 آلاف أو 5 آلاف (وأنا كنت واحد من الضحايا لهالبندق المروحة) ما دروا انهم يوم شروا هالمروحة خسروا كل ريال دفعوه فيها

وجابوا لأنفسهم الضغط والسكر والجلطة ( وتراني صادق اللي يبي هالبندق تصيد بالغصب بيجيه جلطة:) )

لأن هالبندق دواها التعفيط مثل ما قال أخونا مقلع الرمث

ونصيييييييييييييييييحة مجرب ومحب أخوي مقلع الرمث لا تتعب نفسك مع هالبندق الفاااااشلة لا وصلة ولاغيرها بتنفعك معها

والله لو تركب ماصورة كهرب طولها 20 متر ماراح تستفيد مهوب وصلة طولها 5 إنش وإلا 6 إنش خرطي ولعب على الناس

وترا يوم أكلمك قبل اسبوع عن موترك السفاري كنت طالع أنا وخويي نرمي وكان معي اكستريما2 وهو معه الفاشلة بيكال الروسية

قسم بالله انه حالت الروسية ورا وقال والله ما عاد أرمي بها جابت له الصمرقع

وأنا بعد الاكستريما مرتاااااح لولا هاليسرة البسيطة اللي حلها بسيط

مع احترامي للجميع وآسف ان كنت أخطأت على أحد

[يازين البر]

لكن المشكله ان بعض الشباب يبي يرمي مثل رمي البلجيك , وترى البلجيك القديمه لا البرتا ولا البنلي ولا الرمنقتون يقدر يسقن مثل سوقه , بالنسبه للسوق بس , اما الجهاز وغيره فهن افضل بعيد


يا رجال مانبيها ترمي زي البلجيك (أصلا أنا ماكد رميت بالبلجيك) نبيها توزع الحلبي زي البنادق السنعة

أن من خلال تجربتي لها اكتشفت انها أخيس بندق في توزيع الحلبي كل حلبية في جهة والصيدة بجهة

والله العظيم اني رامي فيها جرجسة وحدة (مفرد جرجس:) ) من النوع الكبير

وحدة يعني مهوب فرق لا وموقعة على الأرض وقريبة وبرقم 6 36ومركب وصلة 5 إنش :confused:


رميتها 5 فشقات ولا جها ولا جرح :) بغيت أصيح:mad:

الحلبي يجي حوالينها مع كل مكان وهي ما يجيها ولا شي

يقطع أبو البندق اللي زي كذا :)

[يازين البر]

اخوي ابو فهد وشي التركيه ممكن توضح وين تصلح 4 انش الي تقول عليها باي مكان بالقصيم


لاااااااااااااااا تتعب عمرك اللي تصلح بالقصيم أنا مجربها شاريها بـ 400 ريال حسوووووووفة ما تنفع ولا بريال

البندق مافيها طب الله يعينك عليها

[يازين البر]

ماتنفع , ماتنفع , ماتنفع , ماتنفع ( صدقوني ياناس ماتنفع )
لا بوصلت الوكالة F وقالو رهمله من بريده 4 انش ولا انفعت ورحت جبتله من الكويت وصلة 660 وبرضوه مانفعت يعني ولالالالالالالالالالالالالالالابريال ولا تقولون الخيل من خيالها ( والله يوم معي ام سيلان الصيده طيار والا موقع انه بأذن الله مايروح نيه وذبحتبه حتى الكرك الاقرع والله من زين الرمي )
واللي يبيه فيبر مع وصلها ووصلة 660 وهي 30 انش مرخصه يعلمن وفوقه حبت خشم


أقول :

الله يعظم أجرك ذكرتني بأيام البيكال الله لا يردها

نفس الحالة :)

[يازين البر]

أبقول شي وبدون مجاملة ولا أخص به أحد أبد

فيه ناس تمدح البيكال وتطيرها لأنهم إما يبيعونها ويتكسبون من وراها

أو لأنهم يبيعون وصلاتها يجيبونها من الكويت بـ 300 ريال تقريبا ويبيعونها بـ 500ريال (أنا لاقيها بالكويت بـ25 دينار)

وأنا قابلت واحد من هالناس للأسف يمدح فيها علشان الفلوس بس وإلا هو بندقة بنلي

فأقولهم خافوا الله ولا تلعبون على العالم علشان الفلوس

وترا والله ما أقصد أحد بعينه

[مقلع الرمث]

اقول يااخوان فيه واحد عرض علي نفس الي بالصور وصله 660 الطويله وجديده ويمدحها ويقول انها تسوق سوق طيب وشرايكم اشريها وااجرب مع العلم اني محبط مره من البارود

[هواوي9]

مع احترامي ليازين البر انا عندي روسيه بيكال 30 انش لها تقريبا سنه و3 شهور ورميت فيها اكثر من 7 صناديق رصاص جميع انواع الرصاص كاكا الازرق خرطي ار سي يعني لك عليه الاسود ابو غزال ماينفع احسن رصاص لها شدت كاكا سبورت الاخضر رحت للساحل ايام القميري والله اني مااخطي ويومية صيدي تقريبا 60 ال70 قميريه ومرتاح منها وارمي طيار وواقع بس لازم اذا بغيت ترمي فيها تحطها تحت الصيده يعني تجلس الصيده على الماصوره وجرب وشف
انا اول ماشريتها ضيقت صدري لكن الحين والله عرفت طبها وارمي فيها وانا مرتااااااااااح

[يازين البر]

مع احترامي ليازين البر انا عندي روسيه بيكال 30 انش لها تقريبا سنه و3 شهور ورميت فيها اكثر من 7 صناديق رصاص جميع انواع الرصاص كاكا الازرق خرطي ار سي يعني لك عليه الاسود ابو غزال ماينفع احسن رصاص لها شدت كاكا سبورت الاخضر رحت للساحل ايام القميري والله اني مااخطي ويومية صيدي تقريبا 60 ال70 قميريه ومرتاح منها وارمي طيار وواقع بس لازم اذا بغيت ترمي فيها تحطها تحت الصيده يعني تجلس الصيده على الماصوره وجرب وشف
انا اول ماشريتها ضيقت صدري لكن الحين والله عرفت طبها وارمي فيها وانا مرتااااااااااح


الله يطعمك خيرها ويكفيك شرها:)

[sal7]

لا يسمح بالاستفسارات الخارجه عن الموضوع المخصص لها

و لك خالص أحترامي

جميع أستفسارات mp-153 البيكال هنا ...............!! (http://www.mekshat.com/vb/showthread.php?t=69818) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=69818) 2 (http://www.mekshat.com/vb/showthread.php?t=69818&page=2) 3 (http://www.mekshat.com/vb/showthread.php?t=69818&page=3) 4 (http://www.mekshat.com/vb/showthread.php?t=69818&page=4) 5 (http://www.mekshat.com/vb/showthread.php?t=69818&page=5) ... الصفحة الأخيرة (http://www.mekshat.com/vb/showthread.php?t=69818&page=43))
P52