لاهل الدوادمي وطرافها من يعرفها يا جماعة

[ذيب مجيرة]

الاخ راعي مراااات

افزع لي و لك الاجر والدعاء

ابي منك خدمة انت واهل الشعر ورواته وخاصة اهل الدوادمي

ابي قايل ها الابيات او تكملتها


تنومسي يا مزون الخير واصخي به=حقٍ حقوقٍ على داورد وهضابه



هذا اولها

واحفظ اثنين منها وهي اطول


من مدلهمٍ عظيم الشان مزجي به=لواقحٍ مع نسام الصيف صبابه

تمسي على الضال صافقٍ مداعيبه= وتهمي جنوبٍ على حمرور وهضابه


وشكر مقدمن

[ابو نجود]

ابشر يا الذيب مالك الا من يبحث لك عنها ويجيب لك قايلها..... وانا سبق ان سمعتها او قصيدة مشابهة لها لكن لا اذكر قائلها...
اخوك ابو نجود

[راعي مرات]

الغالي000 ذيب مجيرة

صدقني أنني مثل ما قال أخي / أبو نجود قد سمعتها أو أبيات مشابهه

وهي وأنا لست متأكد / يعني أضن أنها / للشاعر أبن مهنا ولكن لست متأكد وسأستقصى الموضوع لعلعني أجدها000

تسلم أيها الغالي0000

[ذيب مجيرة]

ابو نجود

الله يسلمك ياالطيب

كل من نشدته قال سامعها بس مني هي له واهم شئ باقيها

مع اسلامه

[دغيم]

الغالي ذيب مجيره
القصيده التي تسأل عنها هي مؤكد لاحد شعار الدوادمي بس المشكله معظم شعراء الدوادمي ليس لهم دواوين مكتوبه فقط من صدور الرواة وهم قليين هذا الايام لاكن لك علينا أبداء الجهد والباقي على الله. أصبرشوي.

[سعدون]

السلام عليكم

ياذيب مجيره: حسب ماسمعته من بعض كبار السن والحافظين لها أنها للشاعر:إبن مهنا(مهنا بن ابراهيم بن مهنا)والملقب ب(العوج)وهو يحسب من فطاحلة الشعراءوفي آل مهنا من يشهد لهم بقوة الشعر ,وحسب ماذكر أن آل مهنا عموماً من سكان صفاقه0
والعهده على الراوي0


وكما قال الأخوان أنها لم تدون,فقط مجرد تداول للقصيده دون حفظها وتثبيتها 0
أما تكملتها فلم أتمكن من الحصول عليها0



تحياتي لكم

[ذيب مجيرة]

هلا والله بسعدون

لاهنت يا ابو سعديه

اولا القصيدة انا سألت الشاعرمهنا عبد العزيز المهنا وقال انها ما هيب لي سألته شخصيا قبل سنه تقريبا قي عيد الفطر اللي فات

وهو مهنا عبد العزيز المهنا وليس ابراهيم

والمهنا ليسو من صفاقة صفاقه اهلها بني عمهم ال هملان وهم من ال صالح
والمهنا من اهل القراين وظهرو منها لشقراء وبعضهم راح للدوادمي
والا اصلهم من القراين بالوشم وما زال لهم فيها مواريث وربع

المعنى القصيدة ما هيب لبن مهنا

شكرن ياسعدن ولاهنت

[سعدون]

السلام عليكم


ياذيب مجيره: أنا ذكرت لك من ناس ولم أتحقق من الشعراء أنفسهم
وإذا كان لديك معرفه زود على اللي ذكر لي فأنت أعرف مني
أنا مجرد مجتهد حاولت إستطاعتي
وأنت تعرف وكالة(يقولون)

تسلم ولاهنت يالطيب

أرجو المعذره لعدم تمكني




تحياتي لكم

[ذيب مجيرة]

سعدو شكرن لك اخوي

ولا قصرت والله اني شفقن عليها لاني ها الايام متولعن بالبر

واشيل اولها دايم وودي بكمالتها 00


دغيم
ابو نجود

راعي مرات

وينكم ياهل الوادمي

عجلو عليه00

[داورد]

القصيدة اشهر من نار على علم وراح ادور لك على القائل لاكن لازم تصبر علينا.


وتقبل تحيتي ..



........................................( داورد) .................................................



(الاجعل الحيا مايخطيك ياجمران -------الاجعلة كل عام تساقيك الوداديني )

[ابو نجود]

اخوي الذيب............ سألت عن هذه القصيدة بعض الرواة وكبار السن من اهالي الدوادمي فقالوا انهم جميعا لم يسمعوا بها وهذا يعني احد رأيين..
انها لشاعر قديم او شاعرة قديمة كما قال لي احد من سألتهم انها تشبه قصائد شاعرة قديمة تدعى شلشا البقمية وهي راعية اغنام سكنت الدوادمي قبل اكثر من سبعين سنة،ولها قصائد معروفة في مدح الدوادمي واهلها..
او لشاعر حديث وهذه القصيدة لم تنشر الا في نطاق ضيق..
والعذر والسموحة على القصور....
اخوك ابو نجود

[ذيب مجيرة]

بعدي يا داورد

وبيض الله وجهك يالطيب

[ذيب مجيرة]

اخوي ابو نجود

مساك الله بالخير وجزاك الله خير على جهدك يا ولد

وانت قلت انها لشاعر قديم من اهل الدوادمي وهذي مشكلة لان شعار الدوادمي اللي عليهم العلم حسب معرفتي باهل الدوادمي توفو كلهم

وقصيد شلشا البقمية ما هوب يم هالطرق ابد لانها راعية 0000 والراعي ما يجيب ها الكلمات ( تهمي لواقح نسام تنومسي مزجي به )
هالكلمات ما تجيبهن راعيه 0000 والا لا
بعدين انا اخبر قصيد شلشا الله يرحمها وعندي لها كم قصيدة وهذا ما هوب طرقها


الا ما هيب لبن جريس 00 ليتني اعرفه كان انشده ما تعرفه يابو نجود تكفا
والا لبن سرحان
والا للدريبي عبد الله
والله اني ما خليت عنها شئ لاكن حيل الله اقوى

ابو نجود من في الدوادمي راويه ويحفظ قصيد اهلها الاولين يا خوك علمني لاهنت لو برسالة خاصة


سا محوني يالربع على الحاحي بس انا ملحنها لحن واغنيها على الربابة وراكبه معي الى ابعد شئ وودي اسجلها كاملة

تكفون لاتذخرون

[ابو نجود]

اخوي الذيب..ليتك تذكر لنا بعض قصائد شلشا والتي تمدح بها الدوادمي واهلها لاني ما لقيت احد يحفظ قصايدها كاملة...
اما ابن جريس ابا اسال عنه وعن هذه القصيدة وان كنت اعتقد انه لايعرفها لانه من اهل الشعراء..وكذلك عن عبد الله الدريبي رحمه الله ورحم موتى الملسمين..
اخوك ابو نجود

[ذيب مجيرة]

هلا ابونجود

ياليت والله بس قصيدها اللي عندي ما يصلح للنشر وفيه اسماء ناس متوفين 00 بعضهم تمدحهم وبعضهم تهزبهم

ولا ودي ادخل في متاااهات معكم يا اهل الدوادمي 00 اقصد الحظرمنكم

اخوي الزامل فيهم شعار
سمعت انها يمكن تكون لواحد من الزامل وانا والله ما اعرف فيه شاعر وانا مدري يا خوك 00

[ابو نجود]

اخوي ذيب مجيرة انا اعرف اغلب مواضيع قصايدها ولا ابي اللي في مذمة لاحد بل ابي القصايد اللي تمدح فيها الديرة واهلها بس...
اما الشاعر اللي تقصده من الزامل فهو محمد بن زامل مشهوربلقبه (الرشوف)ولااعتقد ان هناك احد من اهل الدوادمي لايعرف الرشوف فهو اشهر شعار الدوادمي على الاطلاق دون قصور بباقي الشعار وقصائده معروفة ومشهورة،ولوكانت هذه القصيدة من قصائده لعرفت على الفور....لذا لااعتقد انها من قصائده..
اخوك ابو نجود

[ذيب مجيرة]

بو نجود

ابك الرشوف من الزامل والله ان دوبي عرفت

ابك انا احسبه باهلي 000

اجل مسيحيب هو الياهلي صح

قصيد شلشا اللي عندي ما يصلح للنشر ابد وانا عندي لها خمس مقاطع كل مقطع يجي له حول ثمانية ابيات

اذا تبيها بصفة شخصية ابشر

اما هنيا فاسمح لي

وابشر القصيدة عرفت لي واحد يحفظها كلها تقريبا وهي حول العشرة لاكنه ما عرف راعيها 00
وانا احتري تلفونه على احر من الرمضا بالقاظ

سلم لي على شخصك

[ذيب مجيرة]

ابو نجود

داورد

الهيثم

راعي مرات

دغيم

سعدون

وينكم يالنشامى 00 ما عاد جاء لكم حس تكفون يالعيال انا على خبركم رفيقي اللي احسبة حافظها ما عندة الا اللي عندي وزيادة شطر واحد بس

لا تنسوووووووووووووني تكفون العيد قرب والشيلات والطروق تزين