نداء إلى أهل الخبرة في الإبل... اقربوا لا هنتوا

[صقر الحراملة]

السلام عليكم و رحمة الله و بركاته

أسعد الله أوقاتكم

أنا عندي مشكلة صغيرة وودي انكم تفيدوني حسب خبرتكم

عندي وحدة من النياق أصابها الهزال مع أني لم أنقص من أكلها بل بالعكس ازيده مع العلم اني ما اعطيها الا برسيم و قصب

الهزال كل ماله يزيد عن أول و الحين هي جلد على عظم ولا ادري وش الحل

رحت للبيطري و اعطاني حبة في حجم السبابة تقريباً و قال عطها اياها و لحق الحبة بموية

لكن احس ان هالبيطري من جنبها لانه ماخذها خبرة و لم يدرسها دراسة و جربته قبل كذا في امراض ثانية و مافادني

أرجو من اللي عنده علم يفيدني و أكون له شاكر و مقدر

[بن جلال]

كلام الدكتور صحيح
شوف اخوي لو الناقه جسمها يضعف كاملا مو بس رجولها وعيونها تدمع او تحس انها مو فاتحتها كلها
ترى فيها دود
العلاج حبتين كل اسبوع - لونها بيضه فرنسيه- لو كانت خلفا وخر ولدها عنها
وسامحنا على تقصيرنا

[عوضين]

السلام عليكم

اول شى اتوقع والله العالم انى اللى عند ناقتك دود فى بطنها فيه حبووب للدود يجب انك تستشير دكتور بيطرى فاهم غير الاول اذا مافيه عطها خمس فصووص ثوم مع اللقمه وترى الثوم ينفع للدود وعندك الحلبه المطحوونه للهزال جيدة جدا لكن لاتكثر ملعقه صغيرة حلبه مطحونه مع اللقمه ( اللقمه عبارة عن عجينه مدسوسه بطحين ناشف بحجم الكف) كل يوم وانشاء الله تطيب و تسمن ناقتك ثانى شى حاول تنظف او تغير الشبك او المراح حق ابلك ويبى لك تشترى حبووب من البيطرى لقتل لتطهير وتعقيم المكان اللى فيه شبك الابل ثالث شى اذا كنت بالمنطقه الشرقيه وخاصه بالجبيل عندك الدكتور عاطف بالجبيل البلد يمدحونه وربى يوفقكك ويشافى ناقتك اخوى


اخوك عوضين

[خشف.]

ان شاء الله ما يقصرون اعضاء الخيمه.....

[صقر الحراملة]

كلام الدكتور صحيح
شوف اخوي لو الناقه جسمها يضعف كاملا مو بس رجولها وعيونها تدمع او تحس انها مو فاتحتها كلها
ترى فيها دود
العلاج حبتين كل اسبوع - لونها بيضه فرنسيه- لو كانت خلفا وخر ولدها عنها
وسامحنا على تقصيرنا

الله لا يهينك يابن جلال عز الله ما قصرت

و الحبة اللي عطاني اياها البيطري لونها احمر لكني باشوف بيطري ثاني و أسأله عن الحبة الفرنسية

جزاك الله خير

[صقر الحراملة]

السلام عليكم

اول شى اتوقع والله العالم انى اللى عند ناقتك دود فى بطنها فيه حبووب للدود يجب انك تستشير دكتور بيطرى فاهم غير الاول اذا مافيه عطها خمس فصووص ثوم مع اللقمه وترى الثوم ينفع للدود وعندك الحلبه المطحوونه للهزال جيدة جدا لكن لاتكثر ملعقه صغيرة حلبه مطحونه مع اللقمه ( اللقمه عبارة عن عجينه مدسوسه بطحين ناشف بحجم الكف) كل يوم وانشاء الله تطيب و تسمن ناقتك ثانى شى حاول تنظف او تغير الشبك او المراح حق ابلك ويبى لك تشترى حبووب من البيطرى لقتل لتطهير وتعقيم المكان اللى فيه شبك الابل ثالث شى اذا كنت بالمنطقه الشرقيه وخاصه بالجبيل عندك الدكتور عاطف بالجبيل البلد يمدحونه وربى يوفقكك ويشافى ناقتك اخوى


اخوك عوضين


وعليكم السلام و رحمة الله و بركاته

ان شاء الله اني استشير بيطري ثاني و باجرب طريقتك حقت الثوم و عسى الله يعطيني خيرها

بالنسبة للنظافة و الله يا عوضين اني احرص على العامل ينظف المراح دايماً و ان شاء الله باشتري الدوا المطهر اللي قلت لي عليه

للاسف مانيب من المنطقة الشرقية

الله يعطيك العافية و يجزاك خير يا عوضين

[صقر الحراملة]

ان شاء الله ما يقصرون اعضاء الخيمه.....

خشف...
شكراً لك على مرورك

[mnahi]

السلام عليكم 0000 اخوي انا صار لحدى الخلفات اللي عندي نفس كلامك وعالجتها بوضع رشاد داخل كور من التمر بعد اسبوع تحسنت حال الخلفه والله يطرح البركه

[مهلي]

جرب الثوم وخذ من عند البيطري بودرة اسمها سوبر فيتامين وانشاء الله تسلم لك

[صقر الحراملة]

السلام عليكم 0000 اخوي انا صار لحدى الخلفات اللي عندي نفس كلامك وعالجتها بوضع رشاد داخل كور من التمر بعد اسبوع تحسنت حال الخلفه والله يطرح البركه


الله يعطيك العافية يا مناحي ما قصرت

[صقر الحراملة]

جرب الثوم وخذ من عند البيطري بودرة اسمها سوبر فيتامين وانشاء الله تسلم لك

إن شاء الله اني باجرب الثوم و البودرة

جعلك سالم والله لا يهينك على المشاركة يا مهلي

[مطرح البعارين]

اعتقد ان لديها نقص فيتامينات والله اعلم

[سلفر]

السلام عليكم ورحمة الله وبركاته

اخي صادق الوفا انت ماوضحت لنا عن حالت الناقة غير الضعف
عندي بعض الاسئلة اللي قد تفيد الاخوان في وصف العلاج

شلون اكل الناقة ؟
هل الناقة عيونها تدمع بكثرة ؟
هل الناقة تطيل في البركة او تبرك على جنب؟
هل الناقة خلفة؟
تقبل تحياتي

[ساري سالم]

السلام عليكم ورحمة الله وبركاته
جرب الكي رقمه علة الراس بين الأذاني ورقمه تحت بيم أخر الفكين ونصف راس ثوم يدق خفيف ويوضع بلقمة تمر كل يوم مر واحده لمد شهر

[صقر الحراملة]

اعتقد ان لديها نقص فيتامينات والله اعلم

شكراً على مشاركتك أخوي مطرح البعارين

أكيد عندها نقص فيتامينات بس كيف نعوض هذا النقص؟!

[صقر الحراملة]

السلام عليكم ورحمة الله وبركاته




اخي صادق الوفا انت ماوضحت لنا عن حالت الناقة غير الضعف
عندي بعض الاسئلة اللي قد تفيد الاخوان في وصف العلاج


شلون اكل الناقة ؟
هل الناقة عيونها تدمع بكثرة ؟
هل الناقة تطيل في البركة او تبرك على جنب؟
هل الناقة خلفة؟


تقبل تحياتي



هلا بك أخوي سلفر
فعلاً أسئلتك لها علاقة مباشرة بالموضوع
أكل الناقة طيب و ما تغير عن أول ماشاء الله
عيونها مثل ماهي أول ما تدمع بكثرة
أما عن وقت البركة فهو أيضاً لم يتغير وهي لا تبرك على جنب
و الناقة ليست خلفة

لا هنت على مشاركتك يالغالي

[صقر الحراملة]

السلام عليكم ورحمة الله وبركاته
جرب الكي رقمه علة الراس بين الأذاني ورقمه تحت بيم أخر الفكين ونصف راس ثوم يدق خفيف ويوضع بلقمة تمر كل يوم مر واحده لمد شهر

و عليكم السلام و رحمة الله و بركاته
حياك الله أخوي ساري سالم

باجرب الثوم الحين و الكي باخليه آخر شيء و عسى الله يكتب لها الشفاء

ما قصرت على مشاركتك الثمينة

تحياتي

[سلفر]

شكرا اخي صادق الوفا

انا انصحك تعطيها ابرة اهيام وابرة جرب فرنسية في اللحم وبعد 15 يوم كرر ابرة الجرب مرة ثانية وتكون الجرعة الثانية بعد 15 يوم يتمام يعني لا تطوف على 15 يوم
تقبل تحياتي

[صقر الحراملة]

شكرا اخي صادق الوفا



انا انصحك تعطيها ابرة اهيام وابرة جرب فرنسية في اللحم وبعد 15 يوم كرر ابرة الجرب مرة ثانية وتكون الجرعة الثانية بعد 15 يوم يتمام يعني لا تطوف على 15 يوم

تقبل تحياتي



جزاك الله خير أخوي سلفر على متابعتك و اهتمامك بالموضوع

أما بالنسبة لابرة الجرب فأنا سبق و أعطيتها قبل عشرة أيام جرعة و أمس كررت الجرعة :)

شاكر و مقدر لك نصائحك الثمينة

[رويسان]

السلام عليكم الله يشفي لك الناقه والناقه الله العالم ان فيها هيام تفقدها من عند الرجلين ومن عند الجرجور ومن عند البطن من اسفل فيها ورام وعطها ابرت هيام وبعد فتره اي فمك سوبر وكرره بعد ثمانيه ايام ونشالله ماتشوف شر

[sare]

ممكن تكون مسطوحه برك الناقه ودس يدك في خشمها أذا بارد فهي مسطوحه ودور حد يكويها

[صقر الحراملة]

السلام عليكم الله يشفي لك الناقه والناقه الله العالم ان فيها هيام تفقدها من عند الرجلين ومن عند الجرجور ومن عند البطن من اسفل فيها ورام وعطها ابرت هيام وبعد فتره اي فمك سوبر وكرره بعد ثمانيه ايام ونشالله ماتشوف شر

و عليكم السلام و رحمة الله و بركاته
حياك الله يا رويسان
ما اعتقد ان اللي فيها هيام لأن أكلها ما قل و لا تغير عن أول الحمدلله و لا فيها أورام و لا تدمع عيونها بكثرة

أما دوا الآي فمك سوبر فأنا أعطيتها 20 سم مقسمة على جرعتين بين الجرعة و الجرعة أسبوع والله ييسر اللي فيه الخير

لا هنت على مشاركتك الله يجزاك خير :)

[صقر الحراملة]

ممكن تكون مسطوحه برك الناقه ودس يدك في خشمها أذا بارد فهي مسطوحه ودور حد يكويها

إن شاء الله اني باشوف لها

الله يعطيك العافية يا ساري ولا هنت على مشاركتك :)