كبدة الحاشي واصولها

[سولاف]

انا والله الي احبه كبدة الحاشي الصغير اللي الاجتك مابها ريحه
طريقتها طول الله اعماركم :
تجيب الكبدة وتقطعها بحجم راس الاصبع او اكبر شوي وبعدين تحطها في مقلايه حواف المقلاة مرتفعة ماهي زي حقة البيض المقالي اللي لها غطا (تيفال) وبعدين تقطع لها راس بصا مايكون تقطيع وسط وتحطه فوقها وبعدين الثوم والحبحر هاثم البزار والملح الخشن احذر الناعم:no2: (لانه ينزل الماء منها قبل الطبخ) وبعدين حط مقدار نصف فنجال زيت وحركها مع بعض ثم ارفعها على النار وخلك واقف عندها لاتبعد عنها وقلبها لمدة سبع دقايق او لما يتغير اللون وثم ارفعها من النار ولايهمك اذا فيها شوي دم راح تستوي من الحرارة وجبلك الخبيزات الحارة وبالهناء والعافيه

[hawawi]

يعطيك العافيه والصحه.

لو مدعم بالصور كان كلام ثاي :)

[سولاف]

والله ماعرف احط الصور علمون وابشرو

[yed.me7mas]

سولاف بيض الله وجهك >>>>> والكبدة قيد التنفيذ هههههه

[عاشق السيل]

أختي سولاف ،،

بيض الله وجهك وآه ثم آه لو فيه صور !!

أول شي صوري اللي تبينه بالجوال وبعدين نزلي الصور بجهاز الكمبيوتر وبعدين افتحي صفحة لمكشات واكتبي موضوعك وإذا بغيتي تحطين صورة افتحي صفحة ثانية للأنترنت وادخلي على هذا الرابط :

http://www.x88x.com/

وسوي رفع للصورة اللي تبينها وبعدين انسخي الرابط اللي يطلع بعد الرفع وارجعي لصفحة مكشات وألصقي الرابط في مكانه المناسب ،، وكرري هالطريقة مع كل صورة وبعدين راح تطلع الصور بعد ماتنتهين من الموضوع ،،

هذا والله اعلم وعساك بالتوفيق وتقبلي مروري .....

[ah666med]

بارك الله فيك

[عقام جدة]

يعيطك العافية

[عاشق السيل]

أختي سولاف ،،

بشري عساك عرفتي لتنزيل الصور ؟؟!!!

[سولاف]

مشكور اخوي عاشق لسيل على الحرص
وجربتها (في موضوعي الفريك بالفطور مايحب الشريك) اذا ماعليك امر شف الموضوع وشف لي وش الخلل
رزقك الله حرص اولادك على برك

[عاشق السيل]

مريت على موضوع الفريك ،،

وأتمنى أن أكون أديت الواجب في الشرح المتواضع في الموضوعين ،،،،

رزقك الله الذرية الصالحة وجزاك الجنة ووالديك والمسلمين ،، آمين .....

[سولاف]

الله يجزاك كل خير استفدت والله من الدرس لو اني داخلة دورة مافهت مثل هذا تخبر دورات هالايام شهادات فقط دون اتقان
ياملا السيل اللي يبرد كبدك ويمتع ناظريك حتى ترضى

[شقران نجد]

سولاف قايل ميدك من قبل ما فيك حيله ,,,,,,

ابداع× ابداع وعقبها الشاهي الموصوف اللي انت خابر ;) ;)

لاهنت

[سولاف]

السياري 77
مشكور اخوي على المرور