المساعد الشخصي الرقمي

مشاهدة النسخة كاملة : ......وش الحل......


ابو صقر992
25/01/2008, 06:06 PM
السلام عليكم اعضاء ومشرفين عند يسلقه ابا اشبيها وهي الى الان مااجعلت وش الحل عشان تجعل واشبيها ومشكورين
قناص الجزيره
25/01/2008, 06:18 PM
شف اخوي السلقه اذا ماعندها ذيخ تاخذ فتره طويله تصك سنه مااجعرت او اكثر بس اذا عندها ذيخ تجعر لازم تجيب الها ذيخ او انك ونت بكرامه اذا احد عنده جعري خله يشمها وتشمه بس وراح تجعل ودها للذيخ
ذيب عتيبه
25/01/2008, 06:31 PM
السلام عليكم اعضاء ومشرفين عند يسلقه ابا اشبيها وهي الى الان مااجعلت وش الحل عشان تجعل واشبيها ومشكورين




وعليكم السلام ورحمه الله وبركآته ..


حيآك الله يابو صقـر في خيمه الصيد بالسلق بين أخوآنك ..


بالنسبه لسؤآلك الله يطول في عمـرك ففيه كم طريقه أنك (تجبر) السلقه أنها تجعل .. ومن ضمنها أنك تجيب لك ذيخ وتخليه مع السلقه .. وأسبوع أنشاء الله بالكثير وبتجعل .. وهذي قالها لك ((قناص الجزيره ))


الطريقه الثانيه .. انك تروح للبيطري يعطيها أبره للأجعال . . والابره هذي مفعولها طيب .. ونتآئجها طيبه .. أنك تجبر السلقه تجعل في الحآل ..


هذا اللي أقدر أفيدك به ..


ويامرحبا
قناص الجزيره
25/01/2008, 07:24 PM
الابره الي قالها الاخ الفاضل ذيب لاتستعملها تراها خطره مره تتعب السلقه تخليها تطرش وترتفع الحراره عندها وماتنفع جبلها ذيخ وبس
ذيب عتيبه
25/01/2008, 10:07 PM
الابره الي قالها الاخ الفاضل ذيب لاتستعملها تراها خطره مره تتعب السلقه تخليها تطرش وترتفع الحراره عندها وماتنفع جبلها ذيخ وبس




حياك الله (يابن برقا) ويامرحبا


بالنسبه لتعليقك الله يطول في عمرك .. فأنا مانيب دآل الرجال على شي يضره ..


أنا مجربها ولالقيت لها أي آثآر جآنبيه ... ومن هالتجربه حكيت للرجال هالطريقه ..


والله يوفق الجميع ويحميها ..



وحياك الله مره أخرى (يابن برقا)
سلطان العوني
26/01/2008, 12:14 AM
كلام اخوي ذيب عتيبه سليم

لكن فيه نقطه ودي انبهه عليها

السلقه اللي ما عمرها اجعلت ولا عمرها ولدت تضرها هالابره

لكن السلقه اللي سبق وولدت او اجعلت من غير ما تلقح ما راح تأثر عليها بأذن الله


وانصحك بالابره الهولنديه وبس

وغيرها لاتقبل ابد
لان بعض الاطباء البيطرين وخصوصآ اللي شغالين بالصيدليات ما يفهون بهالاشايء بس نياق وغنم خبررتهم


والله يسهل عليك
ابو وجدان
26/01/2008, 07:00 AM
دورة التبويض ( الجعال ) في الكلاب والقطط مره كل ستة أشهر .. والإبره تخلي الدوره تتلخبط .
( مافيه مثل الجعال الطبيعي ) بعدين ليش مستعجل ؟
القحطاني505
26/01/2008, 12:54 PM
حطها مع ذيخ فتره ويجعلها او اخذ لها ابره ولاهنت يالغلاااا
صياد حوران
26/01/2008, 06:06 PM
اخي الكريم نصيحه اخويه انا ما استعملت ابره ولاشي اطعمها مزبوط وتجعل لوحدها بس كثر الاكل
ابو صقر992
27/01/2008, 01:24 PM
ماقصرتوا ياشباب والله لايهينكم واشهد انكم كفيتوا وفيتوا ولاهنتم
الأكيدر
27/01/2008, 06:03 PM
ماقصرو الاخوان 000
خشف.
27/01/2008, 06:10 PM
ماقصرو اعضاء الخيمه........
رياح السعيره
03/02/2008, 07:31 PM
أعتقد فادوك

أهل الخيمه