عندي شاهين خلويه كل ما افرعها تحاول تقطع سبوقها شل حل

[_الجرودي_]

السلام عليكم عندي شاهين كل مافرغها في الغرفه تقعد تقطع في اسبوقها شل حل الله لايهينكم

[قلب ذيب]

ارحب .
طبعا الشيهانه الخلويه تحاول تقطع سبوقها لعدم تعودها على السبوق .
1 - حط لها سبوق ( شيهانه ) ادقاق واستدارتهن على ساق الطير صغيره .
2 - استخدم لها برق ابولجام ( سير يغطي بوز الطير ) ولايترك له مجال يعض سبوقه !
وبالتوفيق .

[شواهين]

1 امسح على السبوق مميان ولا شناذر
2 بيعه وانا شراي هههههههه

[الاشعل 316]

ان شاء الله الاخوان ما قصروا واتبع النصايح

وان شاء الله تبي تشوفها احسن من قلبل

اخوك ابو سطام

[_الجرودي_]

يعطيكم العافيه وما قصرتوا وشكرا لكم جميعا

[الاشعل 316]

الجرود هل هو انت والا لا

[_الجرودي_]

لا يالاشعل

[الفارسي18]

وعليكم السلام ورحمه الله وبركاته
حط علي السبوق مره بعد ماتنقعها باالمي وتذوب خذ المره وافرك السبوق
وانشاالله تنفع

[أبو فيصل]

ما شاء الله طلعت خبرة الصقاقير ...

بس الشاهين الخلوي معروف بكثر الكفخ ونتف السبوق وكثير منها يقطع سبوقه ... ما يلاّم يبي يفارق الصقار و داره (الشاهين الخلوي خائن و صعب المراس و لا يصلح للصقار الغير متمرس)

[نبع الدموع]

كنت احط سلك نحاس داخل السبق و كانت تنفع هالطريقة و تعيف الطير في قطع السبوق
لاكن ان كان فكرة المرة تنفع يكون احسن (ما قد جربتها).

[شبراق]

حط فلفل حار على السبوع بعد تذويبه بالماء

[_الجرودي_]

يعطيكم العافيه

[خشف.]

ما قصرو اعضاء الخيمه...............

[axl_806]

ادهن السبوق بالفازلين وذر عليه ملح كثير كذا الطير كل ما حاول يعض السبوق يستطعم الملح تركه حتى يتعود انه مايقطعه وخلاص يبطل العاده