استفسار عن عمى الابل

[ابو ضويحي]

السلام عليكم ورحمة الله وبركاته واسعد الله جميع اوقاتكم باالخير..... علمي سلامتكم عندي مفروده تردى شوفها فتره وبعدين عميت الله يدفع البلاء عن الجميع شافها البيطري وعطانا لها مرهم ومضاد حيوي ولا فاد وشافها راعي تجربه من الربع وقال هدا ظلف اظنه قال كدا المهم قطع من اسفل حجاجها الاعلى من داخل عينها لحمة سوداء مستطيله ولا فاد البكره الى هالحين على حالها من صيف قلت اعرض الموضوع هنا يمكن يحصل لها فرج وسامحوني على الاطاله والله يبلغنا واياكم خير الامطار التاليه ويزيدها ويبارك فيها

[جرير]

والله يابوضويحي
ماني خبير الله يستر علي بكرتك
لكن ان كانت غاليه عليك شف لك طبيب جيد
الشغله مايبيلها تجارب بعض العلاجات تزيد المرض ولا تزيله
وانت مادري وين موقعك
لكن فيه دكاتره جيدين خاصه بالرياض

[ابو ضويحي]

شكرا يا ابو احمد على النصيحه وعلى مرورك الكريم لكن ضنك لو مريت على احد ها البطريين بالرياض من غير ما يشوف البكره ممكن يفيدني ,ومن الي تنصحوني اروح له منهم علما انني بعيد عن الرض شوي ولكم جزيل الشكر.

[جرير]

وبالمناسبه ذكر لي احد الاخوان انه حصل معه ان انعمت ثلاث
فاستشار احد كبار السن فنصحه بالكي
بان يحلق علي العين ويقول انه بعد اسبوع شافاها الله ....
تحياتي

[خشف.]

الله يشفيها ان شاء الله ...................
واعضاء مكشات ما يقصرون ان شاء الله

[ابو وجدان]

والله إن ماعندي خبرة..
بس منك ومن تجارب الأخوان نستفيد..