ممكن آستفسار؟

[صدر الشمالي]

السلام عليكم ورحمة الله وبركاته

مساكم الله بالخير فردن فردن


يالربع انا عندي سلووقي عمرهـ سنه وشوي السلووقي ماعليه يطرد ويهد لكن مشكلته مايعض الصيدهـ


يعني لاهديته على الجربوع اما يدعسه (ياطا عليه ) او يسبقه وهو يدنق راسسه عليه لكن مايعض مايمسسكه


ممكن حـل ..؟؟


الله لايهينكم


تقبل مروري

[القحطاني505]

والله امرك قريب لكن اتوقع بان الحل تجوعه وتخليه ياكله ويمكن يظبط معاك ولاهنت يالغلاااا

[يتيم بلا زايد]

مرحبا اخوي صدر الشمالي اول شي السلق الي عندك باين عليه قليل انك ما تقنصبه حاول تكثر مهداته على الجرابيع ولافضل يكون معه سلق متعلم في مسك اليرابيع وباين على السلق الي عندك طيب حيل وبدليل انه مايعض الفريسه وهذا شي جميل عندما تهده على ارنب يصيدها حيه و انصحك لاتستعجل عليه وهو تقريبا صغيرفي العمر ومثل ماقلت حاول اكثرمن مره تهده على الجرابيع وكثر اتكرار يعلم الشطار

[خشف.]

ان شاء الله يفيدونك اعضاء الخيمه اكثر........

[سلطان العوني]

اخوي صدر شمالي

حاول تربطه وتهد سلق متعلمه على الجرابيع وتخليه يطالع بدون ما يهد
وبتلاحظ عليه انه يصوي يبي يطرد وبهالحركه تفتنه بالصيد وتخليه حار على اي صيده

وكرر هالعمليه معه بأكثر من طلعه وبتلاحظه يضبط معك

ولو تدربه على ارنب مزرعه يكون احسن
لأن بعض السلق ما ينطرب على الجربوع لكن الارنب تفتنه غصب بحجمها

وان شاء الله يضبط معك

نصيحه لا تهده على حصني او تفه ( القط البري )
لان هالنوعين تقاوم وتعض السلوقي
واذا انعض وهو بهالحاله مستحيل يطرد الصيده ويعضها

[صياد حوران]

اخوي الصدر الشمالي الحل بسيط كثير بس تطلع القنص خذ سلق يكون جارح معك وبس تصيد ( ارنب او جربوع ) السلق الثاني لازم يتعلم ويدق الصيده مره مرتين يكون تعلم

[صدر الشمالي]

والله امرك قريب لكن اتوقع بان الحل تجوعه وتخليه ياكله ويمكن يظبط معاك ولاهنت يالغلاااا



مشكوور آخوي بارك الله فيك لكن سالفة التجويع يمكن تعود السلوقي على آكل صيدهـ

[صدر الشمالي]

مرحبا اخوي صدر الشمالي اول شي السلق الي عندك باين عليه قليل انك ما تقنصبه حاول تكثر مهداته على الجرابيع ولافضل يكون معه سلق متعلم في مسك اليرابيع وباين على السلق الي عندك طيب حيل وبدليل انه مايعض الفريسه وهذا شي جميل عندما تهده على ارنب يصيدها حيه و انصحك لاتستعجل عليه وهو تقريبا صغيرفي العمر ومثل ماقلت حاول اكثرمن مره تهده على الجرابيع وكثر اتكرار يعلم الشطار


مشكوور اخووي لاهنت وكلامك صحيح السلوقي قليل اطلعه لكن بالنسبه لسلق متعلم اخته موجودهـ واطلعهم مع بعض وهي تصيد وتمسك وهو يشوف لكن مرهـ هديته على جربوع ومسكه مع ذيله وكأنه مايدري وش يسوي فكه وجت اخته وعضته بسرعه وجابته لي بار الله فيك آخوي يتيم بيض الله وجهك

جزاك الله خير

[صدر الشمالي]

ان شاء الله يفيدونك اعضاء الخيمه اكثر........

مشكوور على المرور لاهنت والاعضاء علمهم غانم

[صدر الشمالي]

اخوي صدر شمالي

حاول تربطه وتهد سلق متعلمه على الجرابيع وتخليه يطالع بدون ما يهد
وبتلاحظ عليه انه يصوي يبي يطرد وبهالحركه تفتنه بالصيد وتخليه حار على اي صيده

وكرر هالعمليه معه بأكثر من طلعه وبتلاحظه يضبط معك

ولو تدربه على ارنب مزرعه يكون احسن
لأن بعض السلق ما ينطرب على الجربوع لكن الارنب تفتنه غصب بحجمها

وان شاء الله يضبط معك

نصيحه لا تهده على حصني او تفه ( القط البري )
لان هالنوعين تقاوم وتعض السلوقي
واذا انعض وهو بهالحاله مستحيل يطرد الصيده ويعضها

ياهلا أخوي سلطان

والله السلوقي حار لأني مرهـ كنت حاضر مهد والشباب قالو دخله قلت ماهو جاهز ولا هو مدرب واصرو علي ودخلته ونا ماعمري جبته لمهد ويوم راحو مسافه ينزلون الظبي سلوقيي كان يعارك ويحاول يفلت مني ويصوي لدرجه اني حظنته عشان اثبته وبالنسبه للأرنب انا هديته مرهـ على ارنب عاديه وكان حار عليها ويطردها لدرجه انها جت علي وانا امسكها وهي بيدي حاول يعضها

والله حيرني بسواته ذي

مشكور اخوي العووني وبيض الله وجهك جزاك الله خير

[صدر الشمالي]

اخوي الصدر الشمالي الحل بسيط كثير بس تطلع القنص خذ سلق يكون جارح معك وبس تصيد ( ارنب او جربوع ) السلق الثاني لازم يتعلم ويدق الصيده مره مرتين يكون تعلم


هلابك أخووي صياد حورن



انا اخذ معاه اخته وهي تصيد وتطرح وهو يطالع فيها لكن هل اخته تكفي معاهـ او لزم ازيد عليهم سلق متعلم بعد..؟؟

[الأكيدر]

ماقصروا الاخوان واذا تاخذ اكثر من سلق معه يكون احسن وان شاء الله يسعدك بصيده 000

[صدر الشمالي]

أنشاء الله آخووي الأكيدر ومشكوور على مرورك يعطيك العافيه

[سلطان العوني]

طيب اخوي صدر الشمالي
حاول تخليه يعض الارنب لو بيديك مو مشكله اهم شي يتعود عالعض

[صدر الشمالي]

مشكوور اخووي سلطان على المرور والسلوقي عطيته شباب يقنصوون فيه مع سلق متعلمه وجيدهـ حيل وأنشااء الله علوومه تززين ياهلابك وجزاك الله خير

[رياح السعيره]

سؤال

أخوي الصدر

يوم كان عمره بشهور

نزلته على حصني ولا شي عاضه

عضه شينه؟؟؟

[صدر الشمالي]

سؤال

أخوي الصدر

يوم كان عمره بشهور

نزلته على حصني ولا شي عاضه

عضه شينه؟؟؟

هلابك اخووي

بالنسبه له يومه صغير اعطيته لرجال يعتني فيه ويربيه يعني تقدر تقول بدايت تأسيسه ماكان عندي الجرو الا من فترهـ قريبه لكن واحد من الشباب اخذهـ معاهـ يقول رمينا على حصني بالشوزن ونزلنا السلوقي عليه وعضه وكان شرس لكن الحصني عضه على خدهـ بشكل سريع ماعتقد انها عضه قويه...

[صدر الشمالي]

سؤال

أخوي الصدر

يوم كان عمره بشهور

نزلته على حصني ولا شي عاضه

عضه شينه؟؟؟

هلابك اخووي

بالنسبه له يومه صغير اعطيته لرجال يعتني فيه ويربيه يعني تقدر تقول بدايت تأسيسه ماكان عندي الجرو الا من فترهـ قريبه لكن واحد من الشباب اخذهـ معاهـ يقول رمينا على حصني بالشوزن ونزلنا السلوقي عليه وعضه وكان شرس لكن الحصني عضه على خدهـ بشكل سريع ماعتقد انها عضه قويه...