عندك ماطور صيني عطلان وتبيه يشتغل

[ابوفهيدان]

اخواني حبيت اشارك بموضوع عن المواطير الصينية الرخيصة اللي يكون الزيت والبنزين فيها ينخلط مع بعض اكثر اللي شروها خربت عندهم من اول طلعة وبعضهم من خامس طلعه وبعضهم يمدحها ويقول صار لها سنه شغال وبعدين خربت ((((طبعا للشباب اللي فيه حركة ويحب المحورف والتظبيط فقط))
انا راح اكتب لكم عن خراباتها وطبعا الاعطال هاذي محدودة واكثرها بسيط جدا وعن كيفية طرق اصلاحها السهلة جدا وبعضنا تعرض للاستغلال من اهل الورش
الصراحة انا شفتها شغالة عند اهل الورش من كم سنة وكثير من الدول الفقيرة يستخدممونها علي حسب كلام عامل عندنا انا استخدمته من سنتين وللحين شغال عندي مع العلم اني شاريه من واحد مستخدمه ست اشهر وباعه لي خربان
اهم الاعطال واكثرها(اهم شي يكون الهندل حق التشغيل ينسحب ومايكون منكسر او مجيم)
1- اول شي بدل البلاك (البوجي) اكثر اعطاله تكون بلاك خل معك كرتون بواجي صيني دايما
2-عدم معرفة مقدار كمية الزيت المخلوطة مع البنزين (يعني كاس العيار اللي يجي معه حاول تنقص منه مع الوقت) اذا صار يدخن بشكل كثيف تري الزيت زايد وراح يخق صوت المكينة وتطفي واذا كان تسمع صوت البستن يطقطق ويطفي تري الزيت ناقص
3-اذا اشتغل معك وقام مرة يدعس ومرة يخفف تري البانزين مايوصل كويس قم بفتح الهوز اللي خار من التانكي وشف اذا هو يقطر بانزين او لا واعرف مكان الانسداد
قم بتنظيف الكبليتر باستخدام السبريه حق التنظيف لانه لازم يتنظف قبل كل تشغيلة علشان في زيت يترسب اثناء دخوله مع البنزين
4-اثناء اشتغالة تحسس الشكمان فأذا كان مافي ضغط هواء احتمال انسداد الشكمان وهذا غالبا مايحدث للمواطير هاذي خاصتا فيجب فك الشكمان وتنظيف فتحة العادم الخارجة من البستن
5- اذا كان يشتغل بس ضغطه ضعيف فخلف الكبليتر يوجد ذراع لدعسة الماطور حاول سحبه ستري ضغط الماطور يزداد وقم بتثبيته بسيم


راح اقول شي من واقع خبرتي بالمواطير هاذي وهي لما تكون شغالة ومافيها الا العافية وقمت و طفيته ورجعت للبيت حط في بالك انه ماراح يشتغل الا بالتفكيك مرة ثانية

وتقبلوا احترامي وانا ادري في كم واحد بيدعي علي عقب مايفلش ماطورة ويتوسخ من الزيوت وبالاخير ما اشتغل معاه
سامحونا وحاضرين .

[smoh]

جزاك الله خير

[omiran]

جزاك الله خير وبارك فيك
هل المواطير الان تستخدم في الطلعات ؟؟؟
خبري بها قديم
الان صار هالانوار اللي على البطارية والمحولات من البطاريه الى الكهرب

[روثان]

مشكور ماقصرت الله يعطيك العافية

[ثلاثي الابعاد]

جزاك الله خيـــــــــــــــــر

[ابوفهيدان]

سموح-الصلعي-ثلاثي الابعاد مشكورين علي المرور
اخوي عميران نعم مازالت تستخدم من بعض الشباب ومعي خاصتا ولاغني عنها في الرحلات الطويلة ومشكورعلي المرور .

[ذئب اليل]

الله يعطيك العافية ولي يشتغل بيدة افضل من الورش الي معندهم غير الغش وفوق هذ يكتسب الخبرة

[منتعش]

جزاك الله خير
وبيض الله وجهك وما قصرت
وفيت وكفيت

[برق بن رعد]

الله يعطيك العافيه

[إلياس المطلق]

رائع ,,
وشكرا لك
ياليت تزو ها الرابط وتشارك معنا
http://www.mekshat.com/vb/showthread.php?t=187244

[ابو وافي 444]

مشكور أخي على هالمعلومات المفيده ولكن الصيني غثى وهم على قوة الشايب ما يقوم حصادة برجاده :)

[سطام vip]

الله يعطيك العافيه اخوي ابو فهيدان

ومعلومات مهمه جداً وصراحه اول مره اعرفها

شاكر لك توضيحك وصراحه هذي غثى ماهي مواطير

دمت بحفظ المولى

[نايف292]

بيض الله وجهك

[عاشق z71]

صراحه انا كان عندي واحد وشغال معي خمس طلعات تمام
اخر مره طلعت فيه جلس يشكل شوي يشتغل ساعه ويوقف شوي يتفتف شوي نوقفه فتره طويله ويرجع يشتغل تمام

شكلي ذا اليومين بطلعه من المخزن وبنفظه زين بس المكشله انه كان عليه بوجي حق بلده

وجا يوم كان عندي بوجي جمس فكيت حق البلد وركبت ذا والحين ماني عارف حجم بلده او وش حقه الاصلي


وزين نزلت موظوعك لانه كان بيتفكك ويروح مشروع نسبة نجاح المشروع 10 % هههههه

الله يجزاك خير ووماحنا بداعين عليك الا بندعيلك
الله يجزاك خير ويخليك لعين ترجيك ولا يحرمك الاجر

دمت بود

[زاير الغيم]

2-عدم معرفة مقدار كمية الزيت المخلوطة مع البنزين (يعني كاس العيار اللي يجي معه حاول تنقص منه مع الوقت) اذا صار يدخن بشكل كثيف تري الزيت زايد وراح يخق صوت المكينة وتطفي واذا كان تسمع صوت البستن يطقطق ويطفي تري الزيت ناقص



أخوي ابوفهيدان الله يجزاك خير ويبارك فيك ويعطيك الصحة..


عندي سؤال بالنسبة لماطور KIPOR KG2500


http://www.boats.net/hostedstore/images/products/detail/k-KGE2500X.jpg


كيف أعرف مقدار الزيت إذا جيت تبي تغيره والمشكلة مو مكتوب عليه ولا موضح


كم لتر يعبى ؟؟ حتى بالنت لم أجد شئ..


ولك كل الشكر

[ابوفهيدان]

زاير الغيم مرحبا بك
انت الظاهر ماطورك مايجي الزيت مع البنزين خلط
اذا كان الزيت لحاله يعني نفس مكاين المواتر هناك طريقة وهي انك تعبية زيت لين يمتلي وبعدين تشغله خمس دقايق وبعدها تطفيه وتنتظر دقيقة وتسحب العيار وتشوف النقص وتزيده
وتري اكثر المواطير كمية زيتها وحدة وهي علبة الموية ام ريال
واتمني افدتك

[م/الحمود]

2-عدم معرفة مقدار كمية الزيت المخلوطة مع البنزين (يعني كاس العيار اللي يجي معه حاول تنقص منه مع الوقت) اذا صار يدخن بشكل كثيف تري الزيت زايد وراح يخق صوت المكينة وتطفي واذا كان تسمع صوت البستن يطقطق ويطفي تري الزيت ناقص





أخوي ابوفهيدان الله يجزاك خير ويبارك فيك ويعطيك الصحة..


عندي سؤال بالنسبة لماطور KIPOR KG2500


http://www.boats.net/hostedstore/images/products/detail/k-KGE2500X.jpg


كيف أعرف مقدار الزيت إذا جيت تبي تغيره والمشكلة مو مكتوب عليه ولا موضح


كم لتر يعبى ؟؟ حتى بالنت لم أجد شئ..



ولك كل الشكر


حسب خبرتي في هذه المواطير الصينية

كمية الزيت المخلوط مع البنزين هي
50الى 1 يعني كل 50 لتر بنزين يضاف اليه 1 لتر زيت

ملاحظة /
الزيت المضاف ماهو اي زيت
لها زيوت مخصصه عند محلات بيع وصيانة الدبابات ويسمى (زيت مخلوط)

[تناهيت]

ابو فهيدان >> معلومات قيمة والكثير منها يجهلها بالنسبة للصيني هذا >> انت تقول فيه السسته حقت ضغط الماطور هي ماسكة على النص اذا رفعتها زعل الماطور واذا نزلتها مرة طفى >> وش يحس به ذالماطور تكفى ؟وبالنسبة لنوع الزيت اشوف واجد زعلو يقولون لا تحط الا زيت خاص له >>هل لن زيت السيارات ثقيل عليه >> طيب نحط نص الكمية او القدر حقة رفع الله قدرك >بسبب عدم توفر المخلوط دايم معك > وش السالفه هل هذا صحيح >>مع اني اخلط من زيت السيارات موبيل وماشي طبيعي وشغلته 6 مرات متفاوتة ولا فيه مشاكل مع اختلاف وزنه الزيت كل مرة بالنقص يقال انه افضل >> تحياتي تناهيت

[jgjc]

جزاك الله خير
وبيض الله وجهك وما قصرت
وفيت وكفيت

[تناهيت]

صراحه انا كان عندي واحد وشغال معي خمس طلعات تمام
اخر مره طلعت فيه جلس يشكل شوي يشتغل ساعه ويوقف شوي يتفتف شوي نوقفه فتره طويله ويرجع يشتغل تمام

شكلي ذا اليومين بطلعه من المخزن وبنفظه زين بس المكشله انه كان عليه بوجي حق بلده

وجا يوم كان عندي بوجي جمس فكيت حق البلد وركبت ذا والحين ماني عارف حجم بلده او وش حقه الاصلي


وزين نزلت موظوعك لانه كان بيتفكك ويروح مشروع نسبة نجاح المشروع 10 % هههههه

الله يجزاك خير ووماحنا بداعين عليك الا بندعيلك
الله يجزاك خير ويخليك لعين ترجيك ولا يحرمك الاجر

دمت بود

عاشق >> الله يرج شيطانك أجل مركب بوجي الجمس >>>>>خخخخخخلالالالالالا ماقدرت اصرفها >> أجل لو فضيت له بتركب له هدرز على بالك يزيد قوتة ويشغل مخيم عاشق >> هذي مشكلتنا يا حقين الجموس نحسب اي شي ينفع للجمس ينفع لكلش من غلاتها >> تحياتي تناهيت

[عاشق z71]

عاشق >> الله يرج شيطانك أجل مركب بوجي الجمس >>>>>خخخخخخلالالالالالا ماقدرت اصرفها >> أجل لو فضيت له بتركب له هدرز على بالك يزيد قوتة ويشغل مخيم عاشق >> هذي مشكلتنا يا حقين الجموس نحسب اي شي ينفع للجمس ينفع لكلش من غلاتها >> تحياتي تناهيت


هههههههه الله يرجك وولمعلوميه تراني مشلح امه تشليح فاك كل الغطيان والحواجز الي عليه عشان يكون عليه نفاه ابردله ههههههه

[ترتر]

جزاك الله خير

[كلنا سوا]

شباب انا عندي مطور صيني اصفر الي على شكل شنطه خرب فيه الصفايه حقت البنزين ولا حصلت له وش الحال
وبصراحه هو مطور عملي وصوته خفيف بس ما حصات له صفايه ساعدوني في حل

[ابوفهيدان]

مايحتاج صفاية اشبكه علي طول حاول تلغيها تري مشكلتها الصفاية دايما
تصدق مرات اجيب علبة الزيت واصبها من الكبريتر وهو شغال والله يايعطيك دخنه تقول كأنه غيم

[عاشق الباترل]

جزاك الله خير اخونا ابوفهيدان

[كلنا سوا]

شكرا لك اخو ابو فهيدان

[إلياس المطلق]

أتمنى منكم رسم تصميم الماطور ,

[إلياس المطلق]

اهم الاعطال واكثرها
3-اذا اشتغل معك وقام مرة يدعس ومرة يخفف تري البانزين مايوصل كويس قم بفتح الهوز اللي خار من التانكي وشف اذا هو يقطر بانزين او لا واعرف مكان الانسداد
قم بتنظيف الكبليتر باستخدام السبريه حق التنظيف لانه لازم يتنظف قبل كل تشغيلة علشان في زيت يترسب اثناء دخوله مع البنزين
4 .


ما هو -

السبريه