المساعد الشخصي الرقمي

مشاهدة النسخة كاملة : خبر هام جدا يااخوان الكل يشوف


طلق الصيد
29/01/2008, 08:34 AM
السلام عليكم
اشتريت :( شاهين فرخ اصابة برد بسبب الدعو بالخيط كان ايام البرد الشديد وبعد صار الطير في نقوص يضعف ومن العلامات صار معه التهاب امعاء (( الطير يمحط دم )) رحت يمين وشمال والى الان ما تغير شي
الرجاء من اهل الخبره التوجيه وجزاكم الله خير واثابكم الله
الزاجل الازرق
29/01/2008, 09:24 AM
هلا بأخوي طلق الصيد وعسى طيرك مايشوف شر وعسى ربي يشفيه




اخوي فيه حبوب مضاد تباع في مستشفيات الطيور مثل بالدمام الدكتور فارس والرياض


وهي عباره عن كبسولات تعطي الطير لمدة 5 ايام وراح تشوف الفرق بمشيئة الله


كلامك صحيح اذا قام الطير يمرش اعزكم الله مرش لونه احمر او بني داكن هذا التهاب امعاء


وتشوف ان الطير بداء ينزل وزنه وتشوفه دائم مكوش بريشه




عسى ربي يشفيه


اخوك ابودغيم
بوخالد الكعبي
29/01/2008, 10:55 AM
هذا التهاب 100% يالغالي
عليك بحبوب الالتهاب والله الشافي
شبراق
29/01/2008, 11:42 AM
على كلام الربع ماقصرو عطه حبوب الالتهاب وحسن شيمره على المستشفى
بعدين حطها بمكان دافي ترى الشيهانه حساسه ماتبي البرد الشديد وانت ابخص من اعلفه هبر عجل
ونشاءالله ماتشوف شر
العنييد
29/01/2008, 11:52 AM
الاخ طلق
طيرك يحتاج انك توديه وتفحص عليه وهذا احسن حل
والعلف لازم تنقعه في حليب السعوديه لان الحليب مجرب للطيور اللي معها التهاب وهو من احسن المضادات الحيويه للطيور الملتهبه الله يشفي طيرك وتهده على الكراوين وتعطينا اخباره الطيبه
طلق الصيد
29/01/2008, 12:58 PM
:good: ماقصرتوا بيض الله وجيهكم الله لا يوريكم مكروه
mkmk_b
29/01/2008, 02:49 PM
أخوي ترى بعض المرات اذا الطير محط دم يكون فيه دود ومتمكن منه. لاكن الأحوط افحص الطير.

والله يوفقك.
ياس البوادي
03/02/2008, 09:44 AM
السلام عليكم طلبت النصيحه وانا انشاء الله لك ناصح الطير لازم تفحصه عند دكتور متخصص اذا محط الطير دم يمكن ان يكون فيه التهاب في الامعاء لكن لابد من فحص دم للطير لان فحص الدم يكون ادق لمعرفة نوع الفيروس اللي مصاب به الطير والله الشافي
صاحب الطير
03/02/2008, 01:54 PM
موقعك يا طلق الصيد وعندي لك العلاج..أخذته من الدكتور حسان من جده..بس وين أرضك؟
مجتهد***
03/02/2008, 02:06 PM
الله يشفي طيرك
جارح العين
03/02/2008, 02:13 PM
الله يشفي طيرك
لاكن عندي ملاحظه للجميع لاحد يخلي طيره بالدفا عند الكيف وبعده يطلعه بالبرد مباشره
icom 2006
03/02/2008, 02:23 PM
الربع صادقين طيرك عنده التهاب وعليك بالحبوب المضاده واذا تبي ترتاح ففحصه اخاف يكون فيه دود مثل ماقال اخوي .. والله يشفيه ويعافيه .
عباااااادي
03/02/2008, 05:51 PM
اللة يشفية ان شاء الله
طلق الصيد
04/02/2008, 09:09 AM
جزاكم الله خير على النصائح فحصت الطير لقيت فيه التهاب حاد في الامعاء وبعد العلاج المستمر اول مره اشوف شكله لمدة 6 ايام الحمدلله الطير شفي وجزاكم الله خير ماقصرتوا ولولا الله الاول ثم نصائحكم كان الطير في خبر كان الله لا يوريكم مكروه.
ياس البوادي
04/02/2008, 09:23 AM
السلام عليكم تستاهل كل خير وانشاء الله انك تقنص به وطيب خاطرك بالصيد