استشاره يا النشامى

[راعي سجه]

مساء الخير جميعا ارجوا اسفادتي عن ماذا احتاج لرحلة لمدة يومين علما انني ليس من اصحاب الخبره بالمكاشيت لكن ارجوا نصحكم بما يناسبني من عدة خفيفه وتكلفتها اقصد العده الخاصه بالقهوه والشاي والطبخ ربما استخدمها مرتين بالسنه فقط
هذا وشاكر تعاونكم وتقبلوا تحياتي

[عاشق السيل]

مساك الله بالرضا والعافية ،،

سؤالك قصير لكن الإجابة تحتاج لسطووووور !!

عموما وباختصار أنت محتاج :
ملقمة للقهوة ، دلة ، إبريق شاهي ، بيالات وفناجيل ، علب قهوة وهيل ومسمار وسكر وشاهي وزنجبيل ، بيز ، سطل للبيالات ، مركاب للنار ، ملقاط ، ليفة دلة ، دلة حليب ،،

أما الطبخ : 3 قدور متفاوتة في المقاسات ، صحن كبير ، صحون بلاستيك صغيرة ، ملاس ، سكين لحم ، سكين خضار ، مشخالة ( صفاية ) ، بلاستيكة للتقطيع ، بريق كبير للتفويح ، دافور ، ذراية ، مفك صلصة ، علب ملح وبهارات مطحونة وبهارات حب مشكلة وليمون أسود وزيت ، سفرة ، وأهم شي الشطة !!!

هذا اللي عندي وآسف إن نسيت شي ،، وأي استفسار أنا جاهز وتقبل مروري يالغالي ....

[نبع الدموع]

شوف هالرابط بتلقى ملف وورد فية كل متطلبات الرحلة و على حسب رحلتك
تشوف الي تبي و الي ما تبية.
http://www.mekshat.com/vb/showthread.php?t=20203

[راعي المسرى]

مادامك مانتاب راعي بر خذ كل شي من البيت وريح واسترح واترك عنك الخساير ......

إلا كان الدافور والذراية ما عليش اشترها ولاهيب ضايعة وخذ من الشاي والقهوة حق الكشتة الواحدة في أكياس لأنها إذا أبطت بتفسد .

والله يوفقك يالغالي ولايفتنك ، والله يستعملك في طاعته ..... آمين

[أ ه م 111]

لا أضيف على ما ذكره الشباب

كفوا ووفوا

لك التحيه