تحذير من لبس البشت او الفروه ونحوها اثنا قياده الدباب اربع عجلات

[الربذي]

السلام عليكم باختصار جدا هو اني ركبت دباب اربع كفرات بالنفود ومعي بنيتي المهم كان برد وخويكم الافندي كاشخ بفروه دوجنا على البانشي المهم هديت بالحيل تقريبا لو تهرول لحقتني وفجاءه وبدون مقدمات شي يسحبني بقوه هائله جدا جدا جدا وكاد ان يغمى على وكدت اسقط والحمد لله ان الفروه انشقت ولا علوم حيث ان كفره الدباب الخلفيه داست عليها طبعا الدباب ماهو بانشي 100 سي سي لكن وشلون لو ماني مهدي وشلون لو مانشقت الفروه كان ساحبني وضاربن راسي الارض ولاننسى اختنا في الله يرحمها فتاه النفود اللي سحبتها عبايتها لان الكفره الخلفيه داست عليها وبسرعه خاطفه سقطت وضرب راسها الارض وتوفيت عليها رحمة الله حتى وهي تسوق لم تتخلى عن الحشمه والعبايه مو مثل حريم اشوفهن فاصخاة الحيا فصخ والعشه منفوشه كانها عشة جني
مجرد تحذير وانصحو اللي لابسين فري او بشوت وراكبين دباب
حصلت لي من اسبوعين تقريبا بالنفود

[قلب الداهيه]

الحمد لله على السلامة 00

[Mr.3BDULMAJED]

الف الحمد الله على السلامة غدا الشر

الموقف حصل امام عيني بس مو على دباب في سيارة !!

امراءة كانت راكبه وراء في الموتر في تكسي المهم العباة طالعة ( كاعادت الحريم الله يهديهن يركبون مستعجلات)
طالعه العبأة الله يستر على بنت الحلال
شوي الا الكفر يستلم العبأة ويلف والباب شكله ما تسكر زين

ويسحب الحرمه الى خارج السيارة بس اشوا كان مهدي رااعي التاكسي

بس عقب ما تسحبت بالشارع الله يستر عليهاا

والف الحمد الله على السلامة يا الربذي

[Mohammad]

تحذير فى محله وجزاكم الله خير

[بن عاقول c.o]

سلامات يالحبيب ماتشوف شر
الله عدا الشر

[abu.bandr]

ايضا لاتنسى مكاين المزارع ومواطير الكهرباء الضخمة كلها تسحب وكثير ماسمعنا عن مثل هالسوالف يجي لابس الفروه ويعاير زيت الماطور شوي الا السير ماسك كم الفروه .

[لهيب الشوق]

الحمد الله على السلامة يا الربذي

[ناصح]

الحمد لله على السلامة

وفعلا قيادة الدبابات عندنا فوضوية

لا خوذة ولا حدود للسرعة ...الخ

وشكرا لك على هذا التنبيه

[SE.3500]

تحذير مهم
الحمد لله على السلامة...

[عاشق السيل]

وعليكم السلام ورحمة الله وبركاته ،،

أولا الحمد لله على سلامتك وعلى سلامة بنيتك ،،

ثانيا من أكبر الأخطاء ركوب الدباب بالفروة أو البشت أو حتى الثوب العادي ،، لازم يكون عليك بدلة رياضية ،،

ثالثا الحمد لله إنك ماأسرعت ،،

رابعا ( على طاري اللي ماتت ) لاأنصح أبدا بركوب الفتاة للدباب وهي لابسة عباة ،، المفروض تركب بالليل وداخل المخيم وتكون ايضا متحشمة ،،

خامسا بيض الله وجهك على التنبيه والنصيحة وعساها في موازين حسناتك ،،

سادسا تقبل مروري يالغالي ....

[aldhna1]

السلام عليكم


والحمد لله على السلامه

[ابوفهيدان]

حمدلله علي السلامة والفضل لله سبحانه
الدباب سبب مأسي لكثير من الناس وخرب وناستهم
المشكلة مازلنا نسميه لعبة واهو اخطر شي في البر والرحلات
اطلب من الله العزيز الرحيم ان يحمينا من كل مكروه

[االديحاني]

فعلاً ملاحظه بمحلها
الله يستر علينا وعليكم وعلى كل مسلم

[د م ق]

االله يغفرلها ويرحمها

والحمد لله على السلامة

ومشكور على النصيحة

[الربذي]

اشكر الجميع وفيه قصص كثيره عن ماسيه اذكر كسر رجل طفل وكسر عنك طفلة كانت مسرعه وفيه هويه وبعدها طلعه شديدة العلو وضرب وجهها الدركسون وانكسر الحنك السفلي وغيره كثير

[الربذي]

اشكر الجميع وعلى راسهم الاخ الفاضل ومشرفنا الحبيب ناصح كم له من اسمه وافر النصيب على تعديله عنوان المشاركه تخبرون الواحد يخطي كما ارسلت له رساله امل انه يطلع0 عليها اما الدباب وفيه قصص كثيره عن ماسيه اذكر كسر رجل طفل وكسر عنك طفلة كانت مسرعه وفيه هويه وبعدها طلعه شديدة العلو وضرب وجهها الدركسون وانكسر الحنك السفلي وغيره كثير وقبل اسبوعين كادت تضيع ابنتي لكن الله سلم وجدناه بعد ان انخلعت قلوبنا عليها خوفا وشفقة وجدناها بعد 10دقائق تقريبا ولكنها كدهر بل تزيد

[الربذي]

مسشكورين كلا باسمه نعم الواحد احيانا ماينتبه حنى تحصل الكارثه او ان عملته هذى مامنه خطوره

حمانا الله واياكم من كل شر
اخواني نصيحه تكتب بماء الذهب اذا خرجت قل دعاء الخروج واذا ركبت قل دعاء الركوب وياحبذا لو تكوب السياره اداه تنبيه وتذكر بدعاء الركوب تباع بالمحلات والله ان حصلت لي مواقف ونجاني الله منها ولو اقولكم ماراح تصدقون لغرابتها لكن (ان الله على كل شي قدير 0 سبحانه وتعالي ) واعرف الله بالرخاء يعرفك بالشده
اخوكم الربذي

[ابوقاسم]

مشكور على التحذير اخوي الربذي
وهذا التحذير حطه بكل زاوية في المنتدى تراه نافع باذن الله
وذكر فان الذكرى تنفع المؤمنين

[( برى بحرى)]

الله يجزاك خير اخى الغالى على التنبيه والتذكير

العام عندنا بالكويت الحجاب مالها صاده اعتقد الجنزير ( الصنقل )

الله يرحمها شنقها وبنتها فى حضنها وكسر رقبتها

واحد من الجهال عندنا قبل 4 سنوات

نفس الشىء الجنزير ( الصنقل ) صاد اصابع رجوله

الان يعيش باصبع واحد فقط برجله اليمين

الله الحافظ الله يلنعن البانشى والبقى

[فتى الدهناء]

الله المستعان ... أسباب الموت في زيادة .. الله يرحم موتى المسلمين ويحسن خواتيمنا

[أبوشروق]

الحمد لله على السلامة
وجزاك الله خير على النصيحة
الله يحفظنا بحفظه

[ذيب دويل]

مشكور على النصيحة يعطيك العافيه اخوي

[مقلع الرمث]

حمد لله على السلانه

[shababi]

حمدلله على سلامتك

نفس الشي صار مع اخوي كان لابس فروه وسحبته بالارض لكن الحمدلله سلم منها

ولاتنسون الشماغ خطر يمسك في مروحه المكينه وانت تعاير الزيت ولا الراديتر

الله يحفظنا واياكم وجميع المسلمين


سلام