النعيمي او النجدي [الأرشيف]

باترول98

31/01/2008, 12:49 PM

هايم في هواها

31/01/2008, 01:22 PM

هلا والله اخوي الصراحه انا عندي النجدي اااخ يالبى النجدي بس اااخ

mrayman

31/01/2008, 01:34 PM

النجدي اطعم لا سلم من الخراريج

رعد النجدي

31/01/2008, 01:34 PM

والله وانا اخوك
ما عاد ننطح حتى لو البربري
دجاج ومثلج

ذبحنا الغلى
الله يذكر ذيك الأيام بالخير وات طالع للبر تمعط احسن هرفي 350/400 ريال

][الكاشت][

31/01/2008, 01:58 PM

والله وانا اخوك
ما عاد ننطح حتى لو البربري
دجاج ومثلج

ذبحنا الغلى
الله يذكر ذيك الأيام بالخير وات طالع للبر تمعط احسن هرفي 350/400 ريال

شكلك ماتدري عن السوق :D

سوق الغنم هالأيام طايح ... ورح للسوق وشف بأم عينك كيف الأسعار ... يالله انك تدومها من طيحة :D

بالنسبة لي النعمي الهرفي المعلف هنا ( اقصد في نجد ) أطعم بمراحل من واقع تجارب كثيرة

ناصح

31/01/2008, 02:12 PM

النجدي لا يعلى عليه

وخاصة هذه الأيام الامور مشجعة أسعار الأغنام مؤشرها أحمر ...هههههه

عقام جدة

31/01/2008, 02:53 PM

النجدي ولا احلى بدون منافس

northstar46

31/01/2008, 03:09 PM

النجدي نسبة اللحم فيه أكبر ولكن عيبه كثرة الامراض والطواليع
النعيمي كثير الشحم والطعم بالنهاية للعلف حتى ولو كان بربري اذا حطيته مع الغنم بالبر ما راح تفرق طعمه ابدا

NuMaS

31/01/2008, 03:16 PM

سـلم لـي عـلى الحــري (لانجدي ولا نعيمي)

السفيرنواف

31/01/2008, 03:47 PM

سـلم لـي عـلى الحــري (لانجدي ولا نعيمي)
^
^
^
^
صدقت فيما قلته
ولي عودة لأجل التعقيب على الموضوع بشكل موسع

اشهب

31/01/2008, 04:11 PM

احب التيس المخصي
هذا اذا شفته قلقست عنده قيس قيس قيس قيس

سلطان المغيري

31/01/2008, 05:27 PM

النجدي ذبيحة ضيوف كبيره وكبر جرم من النعيمي والحري ويجمل في الصحن الحري الذ من النجدي والنعيمي وهو جرمه الصغر لاكن اذا هو ثني كله شحم ولا ينفع النعيمي انا اشوفه كتلة شحم وسطها لحمه مثل البيض المسلوق ولا يصلح غير هرفي صغير غيره لاتاخذه ولا تجيبه

علاوي المكاوي

31/01/2008, 05:39 PM

الحرررررررررررررررررررررررررررررررررررررررررري وبس

الكهف1

31/01/2008, 06:55 PM

العربي وبس

أبوأصايل

31/01/2008, 08:35 PM

مساكم أو صبحكم الله بالخير (على الجميع مراعاة فارق التوقيت )

بالنسبة لأيهم أفضل هذا يرجع الى المنطقة الجغرافية

فمثلا نحن أهل الحجاز مانعرف النعيمي ولايتواجد بكثرة في أسواق الغنم إلا بأعداد قليلة مقارنة بالحري والنجدي

بل أزيدك من الشعر بيت يعتبر منقصة للضيف لو ذبحت له نعيمي رغم عدم وجود فرق في السعر

أما في منطقة القصيم والشمال العكس تماماً لا تكاد تجد الحري إلا نادرا مقارنة بالنعيمي والنجدي وعندما كنت أعمل في القصيم لايقدمون على الولائم إلا النعيمي

لا أدري لماذا هذا التفاوت

حتى أنني اقترحت على زوجتي أن نذبح هرفي نعيمي للثلاجة ولو مرة واحدة فرفضت بشدة !!!

وعموما الحري أطعم والذ يليه النجدي ثم أخيرا النعيمي ولكن تبقى نوعية الطعام والخلو من الامراض أهم أسباب جودة الطعم

واعذروني على الإطالة .

الحسن القاضي

01/02/2008, 04:27 AM

لانجدي ولا نعيمي ...أزين لحم، لحم الحري وعليك بالجذع السمين.

د م ق

01/02/2008, 08:51 AM

:good: النجدي:good:

ابوفهيدان

01/02/2008, 01:05 PM

طبعا النجدي طعمه احلي
بس بطلعات البر مالك غني عن النعيمي خاصة لاجاك من مواليد اول الشتا وفي الربيع محلا منه
وعلي طاري الرخص شريت بسنة 2000 من سوق الرياض هرفيين اثنين الواحد ب280 ريال
ولقيت خواته بالصمان هناك 400 وقلت والله استغلال للكشاته
والحين نقول وين ابو 500 ويييييينه

كاشخ 24 ساعه

01/02/2008, 01:23 PM

يالربع واحد يشرح لنا عن الحري (ياشين اسمه) ويقول لنا اماكن تواجده وياليت صور توضيحيه

حنا ما نعرف الا النعيمي والنجدي

وبالنسبه لي يالربع لم أذق اطعم من العربي وجمعها (عرب) بكسر العين وتوجد في منطقه صلاصل وعين دار بالشرقيه لدرجه اني اذا رحت هناك اشتري كم واحد واجيبهم معي للرياض.

في الشوي بسكوت وفي الطبخ زبده وشكلها زي النعيمي بس لونها اسود لماع مررررررررررررره

راهي

01/02/2008, 02:37 PM

وبالنسبه لي يالربع لم أذق اطعم من العربي وجمعها (عرب) بكسر العين وتوجد في منطقه صلاصل وعين دار بالشرقيه لدرجه اني اذا رحت هناك اشتري كم واحد واجيبهم معي للرياض.

في الشوي بسكوت وفي الطبخ زبده وشكلها زي النعيمي بس لونها اسود لماع مررررررررررررره

العرب بكسر العاء هذا الكلام وهي غنم الشرقية

طير ماوان

01/02/2008, 03:13 PM

السلام عليكم ورحمة الله وبركاته

عندي سؤال بسيط لجميع اعضاء و زوار منتديات مكشات الحبيب :)

ايهما تفضل او افضل لحم النعيمي او النجدي في جميع الامور سواً الشوي او المندي او الطبخ العادي او للثلاجه:confused:

عليكم السلام ورحمة الله وبركاته
مرحبا اخوي باترول 98
بالنسبة للشوي كلهن ممتازات فقط إذا كان طازج يعني لاتتبيل ولاملح مالحهن العزيز الحكيم
أما غير الطازج كلهن ماينفعن للشوي لأنهن يحتاجن تتبيل ويفقدن الطعم الأصلي
والمندي مامن فرق يذكر والطبخ العادي أيضا حول بعض
الأكيد ان النجدي اكتسب السمعة قديما قبل الشعير أما الآن ماغير قفش
والنصيحة إذا تبي تطرب عمرك وتستانس خاصة إذا كانت كشتة محفوفة
لاتاخذ إلا تيس وبس فرق السماء عن الأرض
عموما موافقه وعساك على القوة وماعلى كريم تشرط :D كفو والله وتحري به
سلامي لك أخي الغالي باترول 98

الغبيسي

01/02/2008, 03:16 PM

بصراحه النجدي لايوعلى عليه لاكن فيه عيب كثره الجروح

باترول98

01/02/2008, 05:26 PM

السلام عليكم ورحمة الله وبركاته
اشكر كل من رد وتفاعل مع موضوعي المتواضع بدون استثناء
اما بنسبه لي فانني افضل النجدي بكثير اما النعيمي فهوا كتله شحوم اخذنا واحد قبل اسبوعين في الصمان وذبحنا بازيوت ام النجدي فانني اتذكر طعمه من العام الماضي اخذنا لنا واحد من الصمان في وقت الربيع وكان مرعاه ر من الربيع ولكن عليه طعم ونكهه لا تنسى ;) اما الحري فانني لااعلم عنه شي ( ما اعرفه ولا قد ذقته ) :confused:

abo azam

01/02/2008, 07:45 PM

عني انا افضل الحري وهاذي صوره للتوضيح للي مايعرفه وهو يتواجد في الحجاز

http://www.up-00.com/uploads/Hrp84566.jpg (http://www.up-00.com/)

http://www.up-00.com/uploads/fbD84673.jpg (http://www.up-00.com/)

بيرتا

01/02/2008, 08:21 PM

يعني الحري هو نفسه الساكني ولا

اول مره اسمع بالحري

ALBDRANE

01/02/2008, 08:23 PM

السلام عليكم ورحمة الله وبركاته
هذي خلاصة التجربة والمستمرة من سنين طويلة أدام الله علينا نعمه :
الفرق بين النوعين أن النجدي يفضل أكله طازج حيث أن لون اللحم يتغير الا السمره قليل عند وضعه في التجميد على عكس النعيمي وكذلك النجدي يحتاج الا طبخ أكثر بقليل من النعيمي وغيره لا أجد اي فروق تذكر
أما من ناحية الطعم فهي تعتمد على نوع التغذية ( الرعي ) ومن طرف الغنم الحريات جربتها وجازت لي بالحيل .
وأما الاسعار فانا أتوقع أن تتراجع والسبب أرتفاع الاعلاف وقلة الامطار فاهل الحلال بحاجة الى سيوله مالية لشراء الاعلاف على عكس ايام الربيع فهم لا يحتاجون للسيولة لان أغنامهم ترعى من الاعشاب وعلى العموم نتمى أن تنخفض الاسعار الى ما كانت عليه .
والسلام عليكم

صقرنجد.

01/02/2008, 08:39 PM

أخوي النعيمي لأن النجدي كثير الخرجات.

مشعل العيسى

01/02/2008, 09:31 PM

النجدي لا يعلى عليه ((( سابقا))) قبل الطلوع والمشاكل ..
اول اهل نجد مثل القصيم وعفيف والدوادمي وشقراء وضرماء واغلب الديار كانوا ما يضحون إلا بالنجدي من طيبيه ... اما الان صار الاقبال على النعيمي اكثر بكثير ...

آآآآآآآآها على الماضي

اما الان النعيمي افضل ... بس اللي ابستفسر عنه ((( كيف نعرف النعيمي البلدي من النعيمي السوري ))

لان البلدي افضل ...

دروب نجد

01/02/2008, 10:22 PM

النعيمي إذاكان صغيرلذيذذذذذذذذ جدددددددداوالنجدي غالبا اكثر لحموالذيذ مايؤكل على الجوع وهوشوي

AL - SLAEMI

01/02/2008, 10:49 PM

انا افضل النجدي خاصه اذا كان مفطح

علي101

02/02/2008, 12:14 AM

سـلم لـي عـلى الحــري (لانجدي ولا نعيمي)
هذا الكلام وبدون قصور

الخيال 1

02/02/2008, 12:19 AM

الحري وبس
:D :D :D
:D :D
:D

بواردي الدلم

02/02/2008, 12:26 AM

النجدي اطيب من النعيمي في كل الامور حتى اسمه يفتح النفس نجدي

بعدين شف شكله على الصحن اطول ظهر واكثر لحم واما من ناحيه الطعم تراها تفرق بين الاثنين من ناحيه المرعى او التعليف لو تجيب لك بربري وتعلفه زت وتمر وخبز لمده ثلاث شهور راح تلقى لك لحمه طيبه ماتصدق انه بربري

ابرق العزاف

02/02/2008, 12:48 AM

هاها

احسن طعم تيس مخصي او هرفي 4 شهر 6 شهر
انت مغذيه بيدك على بلة السمره ثم الحبله بعدها 000
كل الثنين يطلعون جنان طعم ولا في الاحلام
( يعنى تخبطله السمره بله وحبله) وتعلفه بها

الحضري

02/02/2008, 12:56 AM

حري وبس
.....

القائد ثابت

02/02/2008, 01:32 AM

بصراحة يا اخوان اللي بيجرب (الحرّي)

بيغير رايه في النعيمي والنجدي والتيس

قول مجرب وكلٍ ورايه

AL MSAFER

02/02/2008, 01:38 AM

انصحك في النجدي

الحسن القاضي

02/02/2008, 03:09 AM

يعني الحري هو نفسه الساكني ولا

اول مره اسمع بالحري

ياخوي وش جاب الحري للسواكني هذا من الحجاز والمدينة المنورة
والحرة والسواكني من السودان ...

سموه حري لأن أصله من الحرة عند المدينة المنورة ..

وإذا كان سعر النجدي الزين 900 ريال يكون سعر الحري ب1300 ريال.

تحياتي...

متيم البر

02/02/2008, 02:12 PM

النجدي أكثر لحم
لكن النعيمي البلدي عليه طعم خيااااااااااااااال

زاهد99

02/02/2008, 02:19 PM

يالربع انا ساكن في الرياض ومن اهل الجنوب
الرياض ما فيها حريات مافية الا نعيمي او نجدي

بصراحه ما فيه زي الحري تحس بطعم اللحم

نبع الدموع

02/02/2008, 02:33 PM

معانق المزن

02/02/2008, 04:53 PM

من ناحيت كميات اللحم النجدي أكثر

والحري بسلامته ما أعرف عنه شي

ولكن من ناحية الطعم أنا أفضل النعيمي البلدي.. سواء كان من ناحية الطبخ أو التخزين بالثلاجة

مايتغير فيه شي لا لونه ولا طعمه..

والمقصود بالبلدي ألي من ديرتنا غير المستورد من سوريا

لإن المستورد يتم جلبه من مزارع تسمين وليس من البادية السورية..

اليابغيت النعيمي تأكد إنه بلدي 100%

saad.saud

03/02/2008, 11:25 PM

السلام عليكم
1- النجدي اكثر لحم ولا يتغير لونه ولا طعمه بالثلاجة لأشهر
2-الحري به طعمة خيال (اذا جبته من المرعى)
3-النعيمي يازينه اذا اخذته (هريفي ) من الراعي وانت رايح للصمان او الدهنا

ترا الطعم الزين للحم من المرعى والعشب (لايهمونك اهل الحوشة)
واللي يبيض الوجه بالعزايم (نجدي) يملأ الصحن (الموكرة)

الركبي

03/02/2008, 11:45 PM

السلام عليكم

انا جربت الثلاثه وبصراحة طعم الحري مقارب بشكل كبير جدا للنجدي لكن النجدي اكثر لحم ومن ناحية السعر انا سكنت ينبع ثلاث سنين وكان سعر النجدي دايما أغلى من الحري وتبون الصراحة عليك بالهرفي من أي نوع من الثلاثه بشرط انه ماهو من راع الشبوك ( من ثلاث الي خمس شهور ( لبيني ) ) صدقوني أول ما تدلي بالذنبه تقول قشطه

أخوكم الركبي

جبل راف

05/02/2008, 01:49 AM

والله ان لحمة الحاشي المخلول ازين من النجدي والنعيمي

northstar46

05/02/2008, 02:06 AM

ود الحري جيب الحري واثر الحري نجدي ابرص يا حبيبي غير النعيمي ما فيه

أبـو سلمان

05/02/2008, 09:34 AM

النعيمي ... والطباخ هو اللي يجيب العلوم الصح ..

الصخري - تبوك

05/02/2008, 10:16 AM

لا تدور غير الهرفي

northstar46

05/02/2008, 01:14 PM

السرحال

05/02/2008, 02:40 PM

السلام عليكم

اشكر راعي الموضوع

افضل انواع الغنم كااافة الحري لا جاك من رعي

وحريات الحرة وحريات دعد الاولى على مستوى الحجاز

لاكن النجدي والنعيمي تبيض وجهك لاجاك ضيف والحري مابه قصور يجمل

لاكن الطعم والله في الحري واستغرب اخواني اهل نجد وكثير منهم ما قط ذاقو الحري

الي ما ذاق طعم الحري ماذاق طعم الغنم الزينه

وبس

أبوأصايل

05/02/2008, 10:52 PM

النعيمي ضحى به النبي صلى الله عليه وسلم وذلك دليل على أنه الافضل
(حَدَّثَنَا قُتَيْبَةُ بْنُ سَعِيدٍ، حَدَّثَنَا اَبُو عَوَانَةَ، عَنْ قَتَادَةَ، عَنْ اَنَسٍ، قَالَ ضَحَّى النَّبِيُّ صلى الله عليه وسلم بِكَبْشَيْنِ اَمْلَحَيْنِ اَقْرَنَيْنِ ذَبَحَهُمَا بِيَدِهِ وَسَمَّى وَكَبَّرَ وَوَضَعَ رِجْلَهُ عَلَى صِفَاحِهِمَا ‏.‏ )

مرحبا أخي
لم أجد في الحديث مايدل على أن الرسول( صلى الله عليه وسلم ) ضحى بكبشين نعيمي وإنما ضحى بكبشين والكبشين على ما أضن تشمل جميع الضأن هذا والله أعلم

مثل يوم تقول تيسين هل معنى أنها عارضية والا سورية والا باكستانية

وبعدين فيه فرق كبير بين الحري والنجدي من ناحية الشكل والطعم هذا طبعاً من وجهة نظري أنا ومن حقك أن يكون لك رأي آخر ولولا اختلاف الأذواق لبارت السلع في الأسواق!!

northstar46

06/02/2008, 11:16 PM

مرحبا أخي

لم أجد في الحديث مايدل على أن الرسول( صلى الله عليه وسلم ) ضحى بكبشين نعيمي وإنما ضحى بكبشين والكبشين على ما أضن تشمل جميع الضأن هذا والله أعلم

مثل يوم تقول تيسين هل معنى أنها عارضية والا سورية والا باكستانية

وبعدين فيه فرق كبير بين الحري والنجدي من ناحية الشكل والطعم هذا طبعاً من وجهة نظري أنا ومن حقك أن يكون لك رأي آخر ولولا اختلاف الأذواق لبارت السلع في الأسواق!!

( أقرنين ) وليس الموضوع تعصب فلا النجدي اقرن الا ما شذ ولا الحري كذلك والنعيمي هو صاحب القرون واللون الاملح
والـمُلْـحة من الأَلوان: بـياض تشوبه شعرات سود. والصفة أَمْلَـح والأُنثى مَلْـحاء. وكل شعر وصوف ونـحوه كان فـيه بـياض وسواد: فهو أَمْلـح، وكبش أَمْلَـح: بَـيِّنُ الـمُلْـحة والـمَلَـح. وفـي الـحديث: أَن رسول اللَّه صلى الله عليه وسلم أُتـيَ بكبشين أَمْلَـحَين فذبحهما؛ وفـي التهذيب: ضَحَّى بكبشين أَملـحين؛ قال الكسائي وأَبو زيد وغيرهما: الأَمْلَـح الذي فـيه بـياض وسواد ويكون البـياض أَكثر.

بسام15

06/02/2008, 11:51 PM

اخواني انا كان عندي شبك ولي خبرة زوينة في الغنم 00
العلاف اساس والله 00 والراعي اطيب في الربيع 0 لكن من حيث الافضل 0
1- الحري بدون منازع
2- النجدي اذا فكة الله من الشعير يجية (الخراج)
3- التيس
4- النعيمي وهو (لباني) او عمرة ست شهور 00
انا من اهل الرياض لكن لي خبرة في الحلال
الحري في الوصف مثل النجدي تقريبان لكن لونة ابيض تشوفة تقول نجدي لكن ابيض واصغر حجم 0
ننتظر راى اللآخوان بارك الله في الجميع

ممدوح شمالي

07/02/2008, 02:39 PM

[الكاشت][;1397647']شكلك ماتدري عن السوق :D

سوق الغنم هالأيام طايح ... ورح للسوق وشف بأم عينك كيف الأسعار ... يالله انك تدومها من طيحة :D

بالنسبة لي النعمي الهرفي المعلف هنا ( اقصد في نجد ) أطعم بمراحل من واقع تجارب كثيرة
اتق الله في ناس عايشه على الغنم
النعيييييييييييييييييييييييمي وبس

البدر2

07/02/2008, 10:04 PM

يا عالم شوقتونا نجرب الحري والله

وين نحصله بالرياض

روثان

07/02/2008, 10:27 PM

waleed_458

08/02/2008, 01:46 AM

الحري فقط ..

waleed_458

08/02/2008, 01:47 AM

الحري فقط ...

عبّار

09/02/2008, 09:41 PM

النعيمي اطعم و من واقع تجربة

صقر الجزيرة..

10/02/2008, 02:34 AM

أخوي النعيمي لأن النجدي كثير الخرجات.

ابو عقلين

11/02/2008, 02:35 AM

عن تجربة حقيقية وخذها من واحد يحب الشوي بالبيت كل يوم خميس او جمعة اقوم بشوي ريش الإسترالي (غنم) وجمبها جمبري جامبو (حجم كبير ) الكيلو يطلع 8 إلى 9 حبات
والتتجربة خير برهان إشترو كيلو ولا إثنين من عند بندة العزيزية واطلب من الجزار يجهزلك ريش للشوي نوع استرالي وحتدعولي ، بس لا تنسي تقول للجزار لا يشيل من الشحم واجد الذ حاجة للشوي الريش الإسترالي بطبقة من الشحم

وارجبوا

سيف الظفير

11/02/2008, 01:04 PM

النعيمي اطلق شئ واذا كااااان في بادية الشمال يكون احلى واحلى

الدبل الثقيل

28/02/2008, 01:14 PM

ياحسافه ياللي ماجرب الحري من الحره في الحجاز خصوصا من ديار مطير المهد وحولها او قبيلة الدعود (الدعدي)اشراف ديارهم حول مكه .. المهم انها ترعى اكثر من العلف.

بريمي فهد

28/02/2008, 02:19 PM

قالها صاحب ماشيه
النجدي اذا علفته برسيم بس بدون شعير يصير الشحم قليل ولاكن الطعم با الراااااااااااس
اما اذا جاه الشعير فا خذ شحم ولاكن الطعم بيختلف

سحاب1111

03/03/2008, 07:29 PM

ما فيه كلام النجدي افضل

القناص-sniper

03/03/2008, 07:57 PM

اثنينهم عينين في راس

هو بس يجي يا باترول هههههههههههههههههه

تحياتي لك

almstshar555

04/03/2008, 04:46 PM

يالربع مايصير النعيمي اطعم واشهى والذ واشهر اما اخواني اللي قالو النجدي اكيد عندهم حضاير نجد ويبون يمشون سوقهن ؟تبقى المسئله اذواق اهم شي يكون صغير ومربرب اي سمين

11الساري11

06/03/2008, 02:23 PM

النجدي وبس

خشم العرمة

18/03/2008, 02:46 PM

في الحج الماضي ضرب سعر الحري لين 2300 اعلى سعر للاضحية و
يمكن فية ازود من كذا اما ابو 1300 هذا كنا نسمع عنة و الحلو ان في
الشرقية الحري مالة سوق خصوصا وسط الاسبوع و انبسط يابو بدر :)

انا مع الذبيحة الي ترعى طبيعي و انا توافر هالشئ بها كلها بيكون اختياري
طبعا للحري و اهم شئ ما اشوف فية ابيض غير راسه فقط << سر الطعم

توضيح بس وانا اخوك يا نبع الدموع تقول الحري وصل الحج الماضي 2300 أعلى سعر اضحية
اقولك غلطان طال عمرك اعلى سعر أضحية وصل العام النجدي الطيب الواحد من كبر تقول حاشي وصلت النجد الطيبة 3300 ريال شي نقاوة مايخذه للضحايا الا الشيوخ ولا الي منعم الله عليه

المتكي

18/03/2008, 03:29 PM

طيب خلوا المتكـّي يقول رايه في الموضوع .. الأكل بصفة عامة مسألة ذوق خاص .. فيه ناس ما تسمع في النجدي ( ومحاتسيكم ) واحد منهم .. وفيه ناس ( تتشقق ) لين جلست على هريفي نعيمي لوه ان شاء الله مربى في صندقة حمام ومعلف خبز لين قال تراني اغتثيت ( وطبعاً ) محاتسيكم واحد منهم .. وفيه ناس تبيع اللي ورها واللي قدمها علشان تويس مزبط في بريميل وطبعاً ( محاتشيكم ) واحد منهم ..

الزبدة .. مثل ماقالوا الشباب ... النجدي أطول ظهر واقل شحيمات وبالتالي اكثر لحيمات

النعيمي نصف قروشك تبي تروح في شحم

والتيس بصراحة لا يعلى عليه إذا كان للبيت او لشباب تمون عليهم.