ابو تاج

[القناص-sniper]

السلام عليكم ورحمة الله

اخواني واعزائي مشرفي واعضاء منتدانا الغالي

اسعد الله وقاتكم بكل خير


في الحقيقه نويت اشتري دربيل من نوعيه ارها جيده وسعره 300 ريال وآثرت قبل شرائه بأن آخذ آرائكم ونصائحكم فمن شاور ما خاب وانتم الي فيكم مخبور اخوان واكثر من اخوان

والدربيل الي نويت عليه اسمه ابو تاج وسأعرض لكم عدة صور واتمنى ان تفيدوني


الصوره الاولى

شكل الدربيل مع الشعار والصناعه

http://www.mekshat.com/pix/upload02/images60/mk69661_d2

الصوره الثانيه

الدربيل مع ملحقاته حبلين لبيت الدربيل والاخر للدربيل

http://www.mekshat.com/pix/upload02/images60/mk69661_d3

الصوره الثالثه

اسم المنتج اورجينال كروين على كرتون الدربيل

http://www.mekshat.com/pix/upload02/images60/mk69661_d4


اعتذر من هذه الصوره الغير واضحه لأن التصوير كان بالجوال

هنا نشوف اسم الشركه الشعار والصناعه
http://www.mekshat.com/pix/upload02/images60/mk69661_c1


الله الله بالردود يا أهل الخبره

[القناص-sniper]

معقوله !!!!!!!

12 قارئ للموضوع ولا رد واحد ؟؟؟؟؟

الموضوع للرفع وين الردود يا شباب ؟؟

[mrayman]

ابوتاج نوعيه طيبة ولا يحتاج تشاور
ولكن الي اعرفة عن الدرابيل بأعطيك اياه اهم شيء بنظري في الدربيل
أولا : يكون صناعة ممتازة لان عيونك ماهي لعب يعني الصحه اولا فتشتري الافضل
ثانيا : يكون قوة التقريب من 10 × قطر العدسة 40 وأعلى
ثالثا : يكون الي مغطي الدربيل ربل يعني لو طاح لا قدر الله ما يصير له شيء
رابعا : يكون ضد الماء ويسمونه waterproof بالانقليزي ودائما تجي مكتوبة على الدربيل
خامسا ً :من باب الاطلاع الافضل على الي شاهدته من انواع (الايكا-الزايس-الشوافسكي-شتاينر)


والله يرزقك الطيب

[القناص-sniper]

اخوي mrayman

الله يعطيك العافيه على المعلومات الطيبه

يعني بينت لي ان النوعيه ممتازه وما ينخاف منها يعني اشتري وانا مغمض

اما النوعيات الافضل والله انها غاليه علي شوي

ما قصرت اخوي الله يعطيك العافيه

تحياتي لك

[القناص-sniper]

يا اخوان اللي عنده افاده لا يبخل علينا

[كايد]

اخوي القناص عويناتك غالية علينا .....
واحرص على دربيل زين

اعطيك مثال :انا ما عندي دربيل اقدر اشري ب400اوب500ريال ..
لكن منتظر لين تزين اموري واطق لي بدربيل مضبوط..

وبالنسبة للمقاس فهو مهم كيف ..
قبل كل شي فيه عدة معايير منها الشركة ....ونوع المنشور الزجاجي ....وهل هو ضغط غاز ام عادي وهل انت راعي وبران ام طبيعة ام صقار ووووووووووو
اليك -والكلام للجميع - بعض المعايير ولو انها بأسلوب شعبي اعذرونا ..
عندما نقول 10*40العدد 10 يشير الى قوة التكبير والعدد40 يشير الى قطر عدسة الدربيل
************** هناك معادلة رياضية مهمة********************
قطر بؤبؤ عين الانسان البالغ من 5 الى 9 ملمتر
فيجب ان يكون الناتج من حاصل قسمة رقم قطر عدسة الدربيل على قوة التكبير من 5 الى 9 وكلما كبر العدد اصبح الدربيل ممتاز
اذن 40/10 =4
ولكن بالمقابل 50/7=7.1

و
وكذلك الدربيل 50*7 اتساع دائرة دخول الضوء اكبر (مثلا هل الصقور يستخدمون الدرابيل في الصباح الباكر وشعق -نور- الشمس قليل فيحتاجون هذا المقاس وهو اغلى وافضل مقاس...بالمقابل راعي الوبران 30*8 لانه صغير والمهم قوة التكبير لرصد حركة الوبر )

والمنشور منشور bak-4انقى صورة ..

والكلام يطول الزبدة


المقاس ...7*50 لراحة عيونك الغالية
الشركة ...هناك شركات كثر والبعض تراها تجميع
ارى راي خاص فيني شركة الصقر ستاينر وكيلها عبدالواحد جميلة جدا

اعطيك اسعارها باالامارات
عندك زايس القديم 7*50عند الصياد بدبي ب4000درهم يا بلاش ضمان 30سنة (فعلا بلاش )
عند شياب سوق الزل عينته ب6000ريال وزين اذا باعك اياه ====مستخدم ====ولا تضمنه من الفك
لانه ضغط غاز النيتروجين .
سوارفسكي في الستي سنتر الظاهر انه 15*50 او 60 نسيت ب2000ريال لكن كبير مرررررررررة.
فيه نايكون حلو جددددددددددددددددددددددددددا ياباني 50*10 بــ300ريال .في سوق ابن بطوطه .
وغيرها الكثير .

عندك درابيل سعرها مناسب وجودتها حلوه
جلوري
الصقر
-----------------------------

سوارفسكي جميل جدا لكن غالي وكذلك زايس ولايكا .

فيه غيرها الكثير

ارجو ان اكون قد وفقت اخي
وابشر لو رحت لدبي بدربيل ..

[كايد]

نسيت فيه دربيل روسي عند شمس المملكة 60*20

والله انه يجيب لك 2ال 3كم

لكن حار عالعين شوي اذا طولت سعره على ما اذكر 600او 700ريال


ونحن في خدمة الجميع بقدر المستطاع

[الخواجه]

ماقصروووا الشباب.

[ابوفهيدان]

اذا بتعرف ان الدربيل مضبوط هز الدربيل كنك ضارب مطب ورا بعض وان شفت اهتزازته قوية وصار يوجه بالعين انصحك خله
وان كان اهتزازته بطيئة وتقول يالله يتحرك ترا هذا اللي يكون بارد علي العين وهو الممتاز
وانصحك بدربيل ستينيار الالماني ويجيبون نوع تقليد نفسه ويسمونه الصقر ولكن لاباس
صح انه غالي بحدود 1000 ريال بس لك وللزمن

[ابوفهيدان]

اذا بتعرف ان الدربيل مضبوط هز الدربيل كنك ضارب مطب ورا بعض وان شفت اهتزازته قوية وصار يوجع بالعين انصحك خله
وان كان اهتزازته بطيئة وتقول يالله يتحرك ترا هذا اللي يكون بارد علي العين وهو الممتاز وانصحك بدربيل ستينيار الالماني ويجيبون نوع تقليد نفسه ويسمونه الصقر ولكن لاباس
صح انه غالي بحدود 1000 ريال بس لك وللزمن

[القناص-sniper]

هلا والله باخوي كايد

كفو والله ياذيبان

وعندي استفسار بسيط

وكذلك الدربيل 50*7 اتساع دائرة دخول الضوء اكبر (مثلا هل الصقور يستخدمون الدرابيل في الصباح الباكر وشعق -نور- الشمس قليل فيحتاجون هذا المقاس وهو اغلى وافضل مقاس...بالمقابل راعي الوبران 30*8 لانه صغير والمهم قوة التكبير لرصد حركة الوبر )

الدربيل الي ذكرته بالصور قوة التكبير فيه 30*6 وانا احتاجه للحجل والوبر

وصناعته يابانيه وحجمه مناسب جداً لاهوب صغير ولا كبير

فهل هو مناسب للشغلات هاذي ولا اصرف النضر عنه ؟؟

اما للماظير الأخرى فأسعارها غاليه وأحجامها كبيره شوي .

اخوي كايد ما قصرت الله يعطيك العافيه وبينت لي اشياء ماكنت منتبه لها بيض الله وجهك

تحياتي لك يالغالي

[القناص-sniper]

اذا بتعرف ان الدربيل مضبوط هز الدربيل كنك ضارب مطب ورا بعض وان شفت اهتزازته قوية وصار يوجع بالعين انصحك خله
وان كان اهتزازته بطيئة وتقول يالله يتحرك ترا هذا اللي يكون بارد علي العين وهو الممتاز وانصحك بدربيل ستينيار الالماني ويجيبون نوع تقليد نفسه ويسمونه الصقر ولكن لاباس
صح انه غالي بحدود 1000 ريال بس لك وللزمن


ابو فهيدان الله يعطيك العافيه

نورت الموضوع ونورتي بمعلومات الله ينور عليك

انا عجبني دربيل شفته وحطيت مواصفاته بس مدري ينفع ولا لا

اذا ما نفع الله يعين اشوفلي واحد ثاني والله يعين على السعر

مشكور اخوي ابو فهيدان ما قصرت

تحياتي لك

[كايد]

اهلا بالجميع

وتراي مش خبير مجرد هاوي
المقاس الذي ذكرت حلو
وبالمقابل هل 30*6 مناسب لتقريب ورصد حركة الوبر ؟؟
انت الذي تحدد المطلوب ..



وترى عيونك غالية ________يالغالي ____

[القناص-sniper]

اهلا بالجميع

وتراي مش خبير مجرد هاوي
المقاس الذي ذكرت حلو
وبالمقابل هل 30*6 مناسب لتقريب ورصد حركة الوبر ؟؟
انت الذي تحدد المطلوب ..



وترى عيونك غالية ________يالغالي ____


تسلم يا غالي وعسى الله ما يوريك مكروه قل آمين

اشكرك على تعقيبك اخوي كايد

تقبل تحياتي وتقديري

[الفتكي]

السلام عليكم
شوف اخوي القناص انا معي دربيل ستينار حوالي من5 سنوات مشتريه بقيمة 850ريال مقاس 50*7 ممتاز جدا ويقتنيه اغلب الناس وانا مره قارنته مع السايز مقاس 40*10 قيمته 4200 ريال والله مافيه اي فارق في الصفاوه لكن يكون بعلمك الدربيل اذا كانت العدسات الخلفيه كبيره تراه ممتاز لانك تشوف مساحه كبيره .
لكن انا سمعت ان فيه دربيل ممتاز نمساوي ولم اقارنه بينه وبين الستينار لأني لا اعرف احد معه واحد كل الي اعرفه معه سايز او استينار. وارجو اني افدتك.
ولك تحياتي , , ,

[القناص-sniper]

السلام عليكم
شوف اخوي القناص انا معي دربيل ستينار حوالي من5 سنوات مشتريه بقيمة 850ريال مقاس 50*7 ممتاز جدا ويقتنيه اغلب الناس وانا مره قارنته مع السايز مقاس 40*10 قيمته 4200 ريال والله مافيه اي فارق في الصفاوه لكن يكون بعلمك الدربيل اذا كانت العدسات الخلفيه كبيره تراه ممتاز لانك تشوف مساحه كبيره .
لكن انا سمعت ان فيه دربيل ممتاز نمساوي ولم اقارنه بينه وبين الستينار لأني لا اعرف احد معه واحد كل الي اعرفه معه سايز او استينار. وارجو اني افدتك.
ولك تحياتي , , ,

ماقصرت اخوي الفتكي بيض الله وجهك

اشكرك على مرورك وتعليقك

تحياتي لك

[dheem]

مشكورين على التوضيح

[نبع الدموع]

اخوي الله يوفقك بالزين و انا عندي نصيحة اذا ان ميزانيتك في هالحدود ولا
ولا تبي تعداها شوف افضل شئ سفاري 40*8 قيمتة 450ريال تزود او
تنقص و دربيل تكانة و الماني و شوفة و شوفة الصقر ما تختلف او يمكن يكون
افضل بعد من الصقر الي بنفس الدرجة علما قيمة الصقر حول 700 ريال

[صقر الجزيرة..]

ماقصرة وهذانى ردينى عليك .. . ..

[ثورة الشك]

ستاينر الالماني وكيلها عبدالواحد8*30بشعر 600ريال

[القناص-sniper]

اخوي الله يوفقك بالزين و انا عندي نصيحة اذا ان ميزانيتك في هالحدود ولا
ولا تبي تعداها شوف افضل شئ سفاري 40*8 قيمتة 450ريال تزود او
تنقص و دربيل تكانة و الماني و شوفة و شوفة الصقر ما تختلف او يمكن يكون
افضل بعد من الصقر الي بنفس الدرجة علما قيمة الصقر حول 700 ريال


نبع الدموع

الله يعطيك العافيه ما قصرت

شاكرلك يا غلى

تحياتي لك