المفيد وغير المفيد افيدونا

[جن جون]

السلام عليكم ورحمة الله وبركاتة
عندي كم استفسار بسيط وليت تفيدوني
هل التمر مفيد لسلق ؟
.
.
هل يوجد بروتين لتسمين وتنفيخ الكلاب مثل البروتين حق اللي يرفعون الحديد اثقال؟
.
.
ماهي انواع المنشطات غير الضاره للكلاب؟
.
.
كيف اجعل كلبي سريع مع العلم اني امشيه معي 5 كيلو الى 10 كيلو لاكن اول شي احس في تحسن وبعد كذا يصير بطي يعني يمشي بكل سرعته لاكن دون فايده يعني مو سريع!!؟
.
.
.
..... ولكم الشكر مع التحيه ومن لدية معلومات اظافيه يفيدنا وشكرا ً لكم

[نف نف]

اخوي الكلب عندك يحتاج له فيتامينات وتلقاها عند اقرب بيطري

وزود انك لازم تخليه يركض كثير لان باين اللياقه عنده موب لهناك

والله يبلغك من خيره ويكفيك شره وشر عيون بن ادم

[سلطان العوني]

فيه فيتامينات عن اي بيطري
كيس 10 كيلو خمسين ريال
لكن ما يحضرني اسمه حاليا

لكن انصحك توديه اقرب بيطري وهو اللي راح يفيدك بالفيتامينات

[خشف.]

ان شاء الله يفيدونك اعضاء الخيمه اكثر...............

[وكري2007]

أخوي جن جون التمر مفيد للسلق بذات مع الحليب وخبز يابس

المقادير:هههههههه كسر الخبز أوصال صغيره واخلط معه حليب يكون من خلفات غنم او نياق أو أذا ماعندك

خذ من السوبر ماركت حليب السعوديه وأخلط معه التمر ثم أخلطها بملعقه وقم بخلطها حتى تشوف الخبز لين

او ماشابه ثم قدمه للسلوقي ...... أسأل مجرب وأقولك خلك على هالطريقه وشوف مفعولها

صدقني أفضل من أي فتامين موجود عند البيطريه ’’’’’’’’’’’’

مدة أسبوعين خلك على هالطريقه وشوف مفعولها ,,,,,,, ورد لي

أول شي تناسق جسم السلق

ثاني شي لياقته تكون ممتازه

ثالث شي صحت السلق تكون أفضل من قبل لأنك قبل يمكن كنت تقدم له دجاج ورز ؟

المهم مقااااااااااااادير روعه ههههههههههههههه.......

تقبل تحياتـــــــــــــــي : وكــــــــــري 2007

[صدر الشمالي]

ماقصرو ألأخوان أنشاء الله

[جن جون]

ماقصرتوا يا شباب والله لايهينكم وبيض الله وجوهكم

[الأكيدر]

ماقصروا الاخوان 00
والتمر يفيد السلق كثير وسوه مثل ماقالك اخوي الوكري وان شاء الله تستفيد 00

[جن جون]

بيض الله وجهك اخوي الأكيدر على الاهتمام والرد وشكرا ً لك

[القحطاني505]

هلابك اخوي جن جون واحب افيدك بشي:

التمر مفيد للسلق ..والمنشطات المعروفه التي تعطى الخيل فهي تضر بالسلق اما يوجد في البيطري فيتامينات ومضادات حيويه تجعل السلوقي يكون في نشاط اكثر..وهناك اكل الكلاب البيسكويت وهو مخلوط مع فيتامينات وهو يفيد السلوقي وعسى الله يعطيك الف عافيه..وبالنسبه لسلوقيك انا اقولك ممكن يكون سلوقيك فيه فلق وممكن يكون سلوقيك ماهو طيب وقبل لاتحكم عليه وتقول انه ناقص فيتامينات لابد من مواري وتقاطيع السبق تكون فييه وعسى الله يطرح بسلقانك البركه..
//
القحطاني505

[راعي سبحة]

ماقصروا الشباب .؟.؟.؟.؟.؟.
ــــــــــــــــــــــــــــــــــــ
تقبل مروري

[ابو زيد502]

بيض الله وجيهكم القحطاني505و وكري2007

[جن جون]

مشكورين يا شباب على الردود ولاكن يا القحطاني ابشر بنزل له كم صوره علشان تشوف اذا هو طيب ولا لا واذا فيه تقاسيم طيبه ولا لا لاكن ابشرك نعرف الطيب ونحرص عليه ولا الردي اقرب محرقه نسكنه فيها