من راح لسوق الطيور أمس؟؟

[خيال الصبحا]

بسم الله الرحمن الرحيم
السلام عليكم ورحمة الله وبركاته
كيف حالكم يااهل مكشات؟أن شاء الله بخير
العلم سلامتكم ، خوي لنا من أهل مكشات عنده
حدود 7 جبليات(مابين فروخ وقرانيس)أصغرهن 12.5بمثلها تقريبًا
ومنها طيور مشروطه(كراوين وحمام)ووحده منهن(صايده الارنب)والرجال
ماهو من الرياض وكلمني يسال عن وضع السوق هالايام كيفه ، وهل يسوى انه
يجيبهن للرياض(الرجال ماهو حول الرياض)وسؤالي هو باختصار شديد
كيف اسعار الطيور بالسوق؟هل اسعارها مناسبه أو لا؟والي نزل البارح للسوق كم اسعار
الشياهين الجبلية؟وكم تقدرون اسعار الطيور الي معه؟وشكرًا

[ابرق العزاف]

هل الحين اقفاية صيد يعنى تقريبا شهر ونص وتبدا الربطه
والسوق ماعندي علوم عنه 000 واشكرك واتمنى لك التوفيق
مرحبا

[*الـزيـن*]

والله واحد من اهل الرياض وتعرفه ياخيال

شاف شبوط جبلي مسيوم 1800 ريال؟!!!!!!!!!!!!!!!!!!!!
وليته صايد ولا اعلومه زينه ههههههههههههههه الطير نزر ويكفخ

لاكن فيه طيور تستاهل وفيه شي ماودك تجيه

وخويك عنده طيور تستاهل واعلومها زينه

عسى الله يوفقه ويوفق جميع المسلمين

بالنسبه للسوق مالي علم فيه يابعدي




اخوك الزين

[طارق الحربي]

انا مع اخوي الزين :)

[راعي المطاريش]

خله يعرضهن هنا في المنتدى وأنا أول زبون بأشتري منه ، والسوق الظاهر والله أعلم اللي أسمعه هنا في المنتدى إنه مغلق بسبب مرض إنفلوزا الطيور ....

[راكان 11]

انا والله مبطي عن السوق
وبتلقى علم ان شاء الله مع الاخوان

خيال الصبحا : قم بتعديل البسمله بأول صطر بموضوعك .... وشكرا

[حطاب 123]

:) مرحبا بك اخي خيال الصبحا اسعار الجبليات ما بين 1200 الى1500 والسوق مفتوح وليس كما يشاع انه مغلق امل ان اكون قد افدتك تحياتي للجميع

[خالد433]

مساكم الله باخير جميعا
انا اليوم العصر رايح لسوق الحمام اللي بالعزيزيه والسوق مغلق بالكامل
ويوجد دوريتين من سيارات البلديه

[طارق الحربي]

المقصود سوق الطيور بالديره الخاص بالصقور

وهو مفتوح ولله الحمد

وللعلم لم ترد اي حالة انفلونزا في الصقور في المملكه

[شبراق]

هلا و الله بخيال الصبحا انا يوم الخميس بالسوق وعارض لي طير والسوق مليان طيور ولله الحمد

وخبار السوق عندي

بيع فرخ وافي ملون بـ 13 الف ريال بالحراج
بيع قرناس بكر صافي ممسوح العمد بـ 12 الف ريال
بيع قرانيس احرار بالحراج مابين 2500 ريال الى 5000 ريال
بيعة شيهانة فرخ تركيه 14*14 تقريباً 3000 ريال
وسعار الشياهين الجبليات مابين 1000 ريال الى 1800 تقريباً (وصراحتاً ماركزت عليهن بالحيل )

اما سوق الحمام فهو الي مسكر لكن سوق الطيور مفتوح والمحلات مفتوحه

[خيال الصبحا]

السلام عليكم
حياكم الله جميعًا
.
.
الأخ ابرق العزاف
الله لا يهينك ، وشاكر
لك مرورك وردك الكريم ، ولكن
تقريبًا تو موسم الكراوين بنجد والشرقية
وهلااااااااااااااااااااااااااااااااااااااااااااااا اااااااااااااااااااااااابك
.
.
الأخ *الـزيـن*
من هو هالواحد؟؟ههههههه
حياك الله ، وشاكر لك مرورك
وردك الكريم ، والله يوفق الجميع"أمين"
وهلااااااااااااااااااااااااااااااااااااااااااااااا ااااااااااااابك
.
.
الأخ ابو عبدالله
شاكر لك مرورك وردك
الكريم ، وبشر شريت طير بعد حمدان؟
وهلااااااااااااااااااااااااااااااااااااااااااااااا ااااااااااااااابك
.
.
الأخ راعي المطاريش
رايك زين ، ولكن الرجال
احتمال انه ينزل بهن سوق الرياض
الاسبوع الجاي(بعد ماعلمته بردودكم)
هذا طبعًا ان كانه ماباعهن بالساحل قبل يوم
الخميس ههههههههه(باقي منهن حدود خمسه الان)
وهلااااااااااااااااااااااااااااااااااااااااااااااا اااااااااااااااااااااااااااااااابك
.
.
الأخ راكان 11
شاكر لك مرورك
وردك الكريم ، والله لا
يهينك بخصوص التنبيه،والاخ
الضاري ماقصر قام بالواجب وعدلها
وهلااااااااااااااااااااااااااااااااااااااااااااااا اااااااااااابك
.
.
الأخ حطاب123
الله لا يهينك ، وشاكر
لك مرورك وردك الكريم
وهلااااااااااااااااااااااااااااااااااااااااابك
.
.
الاخ خالد433
مساك الله بالنور
وشاكر لك مرورك
وردك الكريم يالسمي
وهلاااااااااااااااااااااااااااااابك
.
.
الأخ شبراق
الله لا يهينك
وشاكر لك مرورك
وردك الكريم ، واشهد انك
جبت العلم ، لان واحد من الطيور
الي ذكرته لخويي وسعره مثل ماذكرت
(للمعلومية:ماكنت ادري انه نزل السوق لذلك سالت)
وهلااااااااااااااااااااااااااااااااااااااااااااااا ااااااااااااااااااااااااااااااااااااااابك
.
.
وهلااااااااااااااااااااااااااااااااااااااااااااااا اااااااااااااااااااااااااااااااااااااااابكم

[خشف.]

خيال الصبحا
ان شاء الله يفيدونك اعضاء الخيمه اكثر.............