&&& شلون اخلي الطير يجي منخفض على التلواح &&&

[بروفسر]

مساكم الله بالخير يربعنا
عندي طير اتعبني في الدعو على الملواح كلما دعيته ارتفع فووووووووووق
ربطته بسبب طويل ولانفع ربطت فيه الكف ولانفع
الي عنده فكره يحطها هنيا لاهنتو

[راعي الشلفاء]

السلا عليكم
الرجاء التوضيح اكثر مافهمت قوه

[nasser_ali]

اعتقد اذا كنت بعيد عنه راح يسوحل غصب

[شبراق]

ياخوي فيه طيور طبعها كذا اذا دعيته من بعيد ترتفع
وتوقع ان طيرك من النوع الي يردم في صيدته

[راع الابل]

حاول انك تجوعة 14 ساعة ثم دربه من جديد على لحم من بعد مسافه قريبه متر او مترين ثم خله ياخذ له خمشه او خمشتين من اللحم ثم ادهله كل يوم ثلاث مرات وكل يوم طول المسافه عليه

[جارح العين]

منا من راي اخوي شبراق هذا طبع الطير معتقد يتغير

[خشف.]

ان شاء الله يفيدونك اعضاء الخيمه اكثر................

[المسافر888]

حياك اخوي اول شي اتوقع انك مشبع الطير لذالك يرتفع ويحوم والشي الثاني هذا طبع وميزه في بعض الطيور لكن مااقدر افيدك اكثر من كذا وانشالله اللي عندهم خيره اكثر يفيدونك.
وماانصحك انك تدهله زي مااقول اخوي لانه بتغير الطير انتبه واانا اخووك.

[مولع الصيد]

مرحبا أخي الغالي برفسور
هذا طبع طيرك كذا وهذي ميزه زينه بطيرك لأن الطير المفضل بالصيد هو الطير اللي يجي مرتفع حتى إذا طلع الطيرعلى صيده من بعيد يجي مرتفع وهذه ميزه لأنه يتحكم بالصيده زي ما يريد ..
أما الطير اللي يجي على الملواح منخفض أو على الطلع منخفض فهذه أيضاً ميزه فقط بمن لهم رغبه في تدريب الطيور على السبق مثل المشاركات لسباق الطيور .. لكنها لا تعتبر ميزه للطلع على الصيد لأنه إذا جاء الطير منخفض طارت الصيده وشهقت بالسماء ..
وبالنسبة إن الطير يجي منخفض نادر ما تجي بالحرار .. كما أنها الغالب في الجير ..
وسلامتك
أخوك أبو ماهر ..
وللجميع فائق تقديري واحترامي ،،،

[رياح السعيره]

والله

كلا م راعي الابل صحيح

ميه بي الميه

[ياس البوادي]

اكيد هذا الطير حر لكن الطير له طبع و هاذي اطبوعه ويقول الشاعر : الحر ما ودي اشله لي ما يخلي الريش طرووق :::: ايحوم شرواة المظلة كل من دعيته يرتفع فوق