المساعد الشخصي الرقمي

مشاهدة النسخة كاملة : الفزعه يا أهل الفزعه


آمري يا كامري
03/02/2008, 09:21 AM
السلام عليكم ورحمة الله( ياإخوان عندنا إستراحه وبغى أسوي مندي كيف أجد برميل المندي وماهي الكيفيه الصحيحه لوضعه أرجو المشوره بارك الله فيكم)
ابوعبدالهادي
03/02/2008, 10:21 AM
أشتر لك واحد مثل اللي بالصورة على كفرات تلقاة عند أهل المحطات عملي جداً وكذلك فية أنواع كبيرة تجي على كفرات والباب ينفتح على الجانب بس غالية
وأذا أنت موجود بالشرقيةموجودة عند محطة التسهيلات بجانب الراشد وأذا أنت بجدة شوف المحطات اللي على طريق مكة وطريق الليث اللي مفرقة من على كبري الشميسي وأذا أنت في الرياض المحطات اللي على طريق الشرقية

http://www.mekshat.com/pix/upload02/images60/mk41473_5.jpg
عاشق السيل
03/02/2008, 11:25 AM
وعليكم السلام ورحمة الله وبركاته ،،

إذا كنت تبي البرميل ثابت بالإستراحة أحسن شي تشتري البرميل الكبير وتحطة في حفرة وتثبتة بالأسمنت تحت الأرض وتخلي أطرافه طالعة ترى مفعوليته أفضل من البرميل الخارجي ،، وتلقاه بالمحطات على شارع الثمامة أو طريق الدمام ،،

أما إذا بغيت البرميل متحرك مالك إلا نصيحة أخوي الغالي أبوعبدالهادي ،،،

وتقبل مروري يالغالي .....
هيس2000
03/02/2008, 02:38 PM
اقول مافيه مثل برميل الزيت حق بترومين
كاري
03/02/2008, 04:26 PM
الاخوان ماقصروا .. بس إذا كنت بالرياض رح للشفا عند محلات الفخار تلقى براميل مندي متحركه وااااجد ..
اتمنى إني افدتك,,
آمري يا كامري
03/02/2008, 07:11 PM
جزاك الله خيراً يا أبوعبد الهادي على هذه المشوره الطيبه ولكن المطلوب برميل المندي الثابت وليس المتحرك والسكن الرياض
آمري يا كامري
03/02/2008, 10:06 PM
مشكوووور يا أخي عاشق السيل وهو كما تقول أريد الثابت أين أجد البرميل وهل أحسن أضع برميل قار ولا أشتري برميل وكم سعر البرميل وكيف يتم تسقيط البرميل في الحفره وإذا كان عندك صوره فيها توضيح كيف يتم تسقيط برميل المندي في الحفره فأرجو وضعها في المنتدى ولاعليك أمر ومقدماً آسف على كثرت الأسئله جعل الله كل حرف تكتبه في موازين حسناتك يوم القيامه
آمري يا كامري
03/02/2008, 10:11 PM
مشكوووووور يا أخ هيس2000على هذه الفائده
آمري يا كامري
03/02/2008, 10:14 PM
جزيت خيراً يا أخ كاري على هذا التفاعل الطيب
الركبي
03/02/2008, 10:56 PM
وعليكم السلام ورحمة الله وبركاته

أنا أنصحك بالثابت عملي ومجرب أما عن الشكل فأرجو أن تستفيد من هذا الرابط
http://www.3erg.com/tbkat/brmel.htm

مع التحية

الركبي
آمري يا كامري
04/02/2008, 12:19 PM
بيض الله وجهك يالركبي على هذه الصور الرائعه وصلت المعلومه وجزاك الله ألف خير:good: :good: :good:
عاشق السيل
04/02/2008, 12:33 PM
أبشر أخوي باللي يسرك ،،

أنا دخلت على الرابط اللي حطه أخوي الركبي عافاه الله والبرميل الموجود هو نفسه اللي أقصده ،،

من زمان مريت محطة على طريق الثمامة وسألت عن هالبرميل بس والله نسيت السعر وأعتقد إنه 180 ريال عموما اشتره لأنه جاهز للمندي فيه شبك للدجاج ومعلاق لو بغيت تحط ذبيحة وقاعدة تحط عليها قدر الرز ،،

أما طريقة تركيبه سهلة جدا : احفر بالأرض بمقدار طول البرميل إلاّ (10سم ) وحط البرميل بالحفرة وبعدين ادفن اللي حوله برمل لأنه يمسك الحرارة أفضل من غيره وغرق الرمل بالماء علشان يندك ورصه تمام حتى يبقى مقدار 5 سم عن مستوى الأرض وبعدين صب عليه الأسمنت وخل الأسمنت متساوي مع الأرض ويبقى طرف البرميل ( الـ 10 سم ) طالعة برا ،،

وبعد 24 ساعة رش الأسمنت بالماء أكثر من مرة وبعد يومين استخدم البرميل وعساه عليكم بالعافية ،،،

هذا اللي عندي وأتمنى أكون افدتك يالغالي ....
الركبي
05/02/2008, 01:51 AM
الاخ العزيز امري يا كامري بالتوفيق ولاتنسانا من المندي وبالهنا والعافيه

اخوي عاشق السيل : كفيت ووفيت وبارك الله فيك على هالوصف البديع

الركبي
آمري يا كامري
09/02/2008, 12:07 AM
مشكور أخي عاشق السيل وأبشر بالوليمه الدسمه
ولاأنسى أخي الركبي فلك مني كل الشكر والعرفان