مساعدات للـ Vxr98

[الشقردي]

السلام عليكم
ما أدري يا شباب سمعتوا بمساعدات تعبيها هواء اذا جيت تحمل وعقب ما تقضي وتنزل العفش تنسمها ويرجع ارتفاع السيارة للوضع الطبيعي؟
وسمعت انه يولف لها ماطور هواء حق بيوك قديم(موديلات الثمانينات) لقوته ولانه كان يستخدم لنفس الغرض ويمدد لها ليات هواء وطفاي كهرب بحيث تنفخ وانت بالسيارة

لاني الصراحه من يوم احمّل السيارة المذكورة أعلاه وأعبي تانكي الماء(90لتر) ينزل الموتر

السؤال هو هل تنصحون باستخدامها واللي استخدمها يعلمنا بتجربته وعلى قول المثل

اسأل مجرب ولا تسأل (الخبير) قصدي خبير بدون ال ;););)


وخذوا هالصورة بس ترى مهوب انا

لاحظ في الصورة انه فاك الصدام اللي ورى مع النسافات وهذا اللي مشغلني كل شوي تحك النسافات والصدام اللي ورى فى الطلعات والنزلات القوية الين بدا يتشقق الصدام
http://www.mekshat.com/pix/upload/images/vxr98.jpg

[البتار]

بالخير يالشقردي وش علومك يا بعد سبدي

اسمع فيه محل تجهيز سيارات الدفع الرباعي جنوب الفيصلية على طول يعني بينه وبين الفيصلية الخط فقط والمحل داخل محطة بانزين مسكرة .. مضبوط

طيب نرجع للمهم ... عندهم بالون قوي جداً يحطونهم داحل الياي الخلفي وإذا أردت انك تحمل شي ثقيل تنفخ البالون وإذا نزلت الحمل تنسمه والظاهر عليه ضمان بعد .. وتراه يتحمل شي واجد ..

انا أتوقع انه احسن من المساعدات

انا فتحت لك باب ثاني وانت شاور لأن خبرتي بهن قليلة .

[كشات]

اخوي الشقردي

السلام عليكم

اذا كنت تدور شي زين ويتركب بسنع وبدون ترهيم

ترى موجود بس بعيد شوي

انا لقيته بالأمارات (( دبي))
وهو عباره عن اربع مساعدات تتركب بدل الأصليه وتمكنك من التحكم بليونة السياره عبر عدادات او ((ساعات ))تعرف منها قوة ضغط المساعد

الأغلبيه يستعملونها عشان يلينون السياره داخل الديره ويقسونه بالبر

اذا كنت رايح رايح قل لي وانا اوصف لك المكان اللي موجوده فيه

وسعره 1900 درهم

[الشقردي]

رحت البارح للمحل اللي تقول ولقيت الاتي

الصراحة احس ان السعر مبالغ فيه شوي!!!!!

توي ابي اكتب السعر لكن نسيت بس اعتقد انه بحوالي 900 ريال سعودي مركب وجاهز
واللي لفت نظري انه يقول انك لازم تعبي البالون هواء قبل ما احمل الموتر طيب افرض اني ابي امسك خط وبعدي الين دخلت البر ابي اعبي هواء
وعلى كلامه انها ترفع السيارة 3 سم بس؟

ورحت اساله عن ماطور الهواء الامريكي قال لي 1200 والتركيب 400 ويعبي الكفر في 3 دقايق

الصراحة أحس انه غالي عطوني رايكم ياشباب؟


كشات__________

وصف المحل الله لا يهينك لان احد اخوياي رايح للامارات وهو يدور نفس الشئ بعد

[الخبير]

الشقردي يا حبيبي
دبل مساعدات و الحافظ الله ، ولا اقول لك شف معي شاص 97 تبادلني راس براس و ابي اخلي التوانك حقته فيه:D :D :D

[الشقردي]

الخبير :لا الله يبارك لك بشاصك يا خلفهم وعساك تقطعه بالعافيه

يا شباب من يوافق الخبير بتدبيل المساعدات لاني اعتقد ان هالطريقة تسخدم للمواتر القديمة وما يخالف عطنا الطريقة
الا اذا انك تقصد تبديل (تغيير) عطني النوع اللي تنصح به وياليت انك تحط في بالك ان موتري vxr مهوب شاص يعني لا تقوس على موترك


كشات : عطني وصف المحل الله لا يهينك وبالتفصيل الممل الله يعطيك العافية

[الشقردي]

ياجماعة الربع وينكم ما احد رد وش السالفة؟؟؟؟؟؟؟؟؟؟؟؟؟؟؟؟؟

[اللحاق]

السلام عليكم اخي العزيز انصحك تركب يااااي استرالي +مساعدات استراليه وإنشاء الله انك بتدعي لي

[اللحاق]

إذا تبغا شي بعد إذن الاعضاء هذا رقمييي 0505865085

[قمة افرست]

اقترح عليك تركب مساعدات جبرل رخيصة وتتحكم بقساوتها ولو انها قاسية شوي بس سعرها بحدود 170 ريال
واذا بتحمل حطها على اقسى شي ماتلين

[راعي المجهم]

أخوي أنا لأقي مساعدات أمريكية تركب على الجمسات والجيوب والكابرسات

قيمتها 170 ريال نفس طلبك في محل قطع غيار في جدة قبل شهرين

تنفخ بالهواء وتنسمها ولها بلف زي بلف الكفر يثبت بجانب تانكي البنزين

[عاشق القناصه]

السلام عليكم
اخوي انا انصحك با اليايات الاسترالية والمساعدات وفيه نها مقاسات على حسب الطلب

وتراها عمليه ان بغيت رفعه وان بغيت مطب

[VXR.2007]

يا اخوان الموضوع قديم من 2002 ياليت تشوفون التاريخ اول قبل الرد

[الشقردي]

الله المستعان الموضوع قديم من 7 سنوات
وخلاص ركبت بوالين من هذيك الحزة وانا مرتاح

[VXR.2007]

يا الشقردي ياليت تعلمني وشلون طريقتها لو تورينا كم صوره وكم اسعاره اكون لك من الشاكرين

[الشقردي]

http://www.mekshat.com/vb/showthread.php?t=214588

الرابط مفيد جدا

[VXR.2007]

ماقـــصـــرت

[TT99]

اذا صرت ماتعرف تسوق وش نصلحلك