***وش رايكم بهالمركى قوي مرة ولا يشيل مكان ***..................؟

[vx444]

الاخوة في منتدى مكشااااااااااات
السلااااااااااااااام عليكم ورحمة الله وبركاته
وش رايكم بهالمركى وهو من فكرتي لاني تعبت من كثرة شراء المراكي
قوي جدا وعملي وتقدر تركب عشرة فوق بعض بدون ما يشيل مكان في السيارة وهو مصنوع من صاج قوي مطعوج ومبسطات من الجوانب ولحام مكرر وبعدها تلبسه لباد درجة اولى ومن بعدها سدو قوي عريض وانسى شراء مراكي بعدها

اتمنى انه يناااااااااااال اعجابكم

http://www.mekshat.com/pix/upload02/images61/mk52555_0.jpg

[منتعش]

ما شاء الله عليك
وفكرة رائعة
وش رأيك لو كبرت القاعدة شوي لتأخذ شخصين وتخلي الأعمدة مستقيمة
ياليت تصور صور من الأسفل وتشرح عليها لتعم الفائدة للأخوان جميعاً

[عاشق السيل]

وعليكم السلام ورحمة الله وبركاته ،،

بارك الله فيك والله فكرة ممازة وعلى قولتك ممكن تحط خمس مراكي فوق بعض بدون ماتضيق عليك بالسيارة !!

الله يعافيك وياليت تقول وين وكم كلفت عليك تصليحها ؟؟!

وتقبل مروري يالغالي .....

[vx444]

ما شاء الله عليك
وفكرة رائعة
وش رأيك لو كبرت القاعدة شوي لتأخذ شخصين وتخلي الأعمدة مستقيمة
ياليت تصور صور من الأسفل وتشرح عليها لتعم الفائدة للأخوان جميعاً


اخوووووووووي منتعش يالله حيه
شرفتني بزيارتك
واقتراحك على عيني
لكن عن تجربة خل كل واحد يتهمنى بمركاه :p
تبغاه على اليد اليمين او اليسار او تنسدح وعلى اي شكل هو خاص فيك
اما الشراكة مااااااااااش جربناها كل واحد يسحبه لجهته
وانت تلاحظ اخوي ان العدد كل ماكان محدود كل ما كانت الطلعة اروع http://www.mekshat.com/vb/images/icons/icon14.gif
وفيه ملاحظه مهمة ان كانت الاعمدة مستقيمة ماراح يدخلون ببعض .... ولا فكرت فيها وخلصت الى هالشكل
وبالنسبة لتصويره من الاسفل ابشر وتامر امر

[vx444]

وعليكم السلام ورحمة الله وبركاته ،،

بارك الله فيك والله فكرة ممازة وعلى قولتك ممكن تحط خمس مراكي فوق بعض بدون ماتضيق عليك بالسيارة !!

الله يعافيك وياليت تقول وين وكم كلفت عليك تصليحها ؟؟!

وتقبل مروري يالغالي .....


يا هلا فيك شرفتني اكثر
بالنسبة لتفصيله عند محلات الحدادة
وبالنسبة لي انا طلع علي الحديد ببلااااااااااااااااش :confused:
اقولك
لما الحداد خلص من عندي وهبش له هبشة من البيت قلت تعال ابي هدية منك
قال ابشر
قلت سوي لي هالتصميم
قال انه يكلف قلت له وين ابشر ؟؟؟؟؟؟؟؟؟
المهم طلع رجل وقال وش تبغى فيه وليه هالتصميم
قلت انت تسويه وما عليك وابي منك 12 العدد
المهم
قال لو واحد طلبني اسويه كان طلبت على الواحد 50 ريال :no2:
بعد ما جابها لي وديته لمحل مجالس عربية وعلمته الطريقة الي ابيها وطلب على الواحد 25 ريال
يعني على تسعيرة الحداد يطلع الواحد بـ 75
لكن سألت محلات حدادة وقالوا نسويه بـ 40 وبـ 30 على حسب سماكة الحديد
وميزته اخووووووووي انه يتحمل وله عندي الآن اربع سنوات
وكانت المراكي الخشب ما تكمل سنة
اتمنى اخوي اني افدتك وشكرا لك

[منتعش]

بيض الله وجهك وما قصرت
وفيت وكفيت

[راعي المسرى]

إبداع يا مبدع

**صلح واجد وأنا مني أبي ثلاث من عين أربعين كانها تخارجك......... فرصة تجارة وغيري واجد بيشترون

[ابو عادل1]

السلام عليكم ورحمة الله وبركاته ........ ابداع وتسلم ....وانا ايضا مثل اخونا راعي المسرى ابي لي خمسة مراكي ان كان انها تخارجك

[همس الغدير]

والله انك ذذذذذيب

[ابوقاسم]

فكرة حلوة ومفيدة ولا تاخذ مكان بالسيارة
مشكور ولا تحرمنا من ابداعك
تحياتي

[فل اوبشن]

فكره رائعه والاحلى طريقة وضعهم فوق بعض ..

[شمالات نجد]

الله يعطيك العافية وتراك جيت على الجرح فعلاً المراكي تاكل علينا مساحة في السيارة ونتوهق بباقي العفش.

تقول عندك 12 حبه؟

طيب بأرسل لك رسالة يا صديقي :)

سلام

[ابو ريماس1]

إعتقادي انه غير مريح كالأسفنج

مجرد رأي مع الشكر الجزيل

[تلسكوب 1]

نتمنى من المشرف اضافة الموضوع الى المواضيع المميزة في الخيمة او المواضيع المبتكرة
شكرا لك vx111 وأتمنى لك دوام التوفيق

[سيف الظفير]

ماقصرت ياليت تصمم واجد وتبيعها على الاعضااااء يالذيب والدفع مقدددددددم

[مشغول]

شغل نظيف وفكرة جديدة

تسلم والله يعطيك العافية

[صقر الجزيرة..]

http://mekshat.com/vb/images/frames/2_cur.gifhttp://mekshat.com/vb/images/frames/2_cul.gif
بيض الله وجهك على هل الا بداع المميز ......

http://mekshat.com/vb/images/frames/2_cdr.gifhttp://mekshat.com/vb/images/frames/2_cdl.gif

[G-144]

مشاءالله علييك

فكره رائعه مشكوور اخوي على الفكره

[بلاتين]

ماشاء الله تصميم رائع وخصوصاً انها ماتخذ محل بالسيارة

يعطيك العافيه ...


تحياتي

[vx444]

الاخوة في منتدى مكشااااااااااات
السلااااااااااااااام عليكم ورحمة الله وبركاته
وش رايكم بهالمركى وهو من فكرتي لاني تعبت من كثرة شراء المراكي
قوي جدا وعملي وتقدر تركب عشرة فوق بعض بدون ما يشيل مكان في السيارة وهو مصنوع من صاج قوي مطعوج ومبسطات من الجوانب ولحام مكرر وبعدها تلبسه لباد درجة اولى ومن بعدها سدو قوي عريض وانسى شراء مراكي بعدها

اتمنى انه يناااااااااااال اعجابكم


http://www.mekshat.com/pix/upload02/images61/mk52555_0.jpg


هلابكم ومرحبا
كما طلب بعض الاخوة صور للمركى من اتجاهات مختلفة
هنا صورة للمبسط الي على الاجناب ويشترط انه يكون عريض من اجل قوة المركى وتماسكه

http://www.mekshat.com/pix/upload02/images61/mk52555_15.jpg

هنا صورة خلفية للمركى


http://www.mekshat.com/pix/upload02/images61/mk52555_17.jpg



وهنا صورة للمراكي مجتمعة
طبعا هي عددها اكثر ولوجود منسدحين ومتركين بقوة ما قدرت اجمعها كلها


http://www.mekshat.com/pix/upload02/images61/mk52555_18.jpg


وهنا صورة اخرى


http://www.mekshat.com/pix/upload02/images61/mk52555_16.jpg



وللأحبة الي استفسروا عن المركى
انا والله ما عندي ورشة حدادة ولا والله ما اقصر معاكم
وعلمتكم في المقدمة كيف الطريقة الي حصلت فيها على المراكي

وان سمح لي المنتدى عرضت اسم الورشة الي سواها لي والمفروشات الي لبست المراكي فيها :confused:

الاخ العزيز ابو عزاااااااام
تعرف ما اقدر ارد خاص :o
بالنسبة للعدد الي عندي لكثرة العدد الي يطلع وكل واحد يبغاله مركى حتى الصغااااااااار كل واحد ماسك له مركى
وانت تامر امر انسق لك مع الورشة ونشووووووف مع ان لي اكثر من خمس سنوات عنها
شاكر لك رسالتك والسمووووووووووووحة منك

[الغيور جدا]

بيض الله وجهك يا النشمي

ليتك - الله يغفر لك - تصور الخطوات من البداية

مثل اللي صلح واقي للقارمن واللي أبدع بقاعدة الأجهزة وغيرهم من المبدعين

أتمنى يا غالي تحقق لي ولغيري ها الطلب

أبو عبد العزيز

[NuMaS]

فكره حلوه يا الحـبيب وإذا أمكن توسّـع سطح المركى ليكفي إثنـان ... هـذا رأيي الشـخصي ،،،

[سحاب1111]

بيض الله وجهك يا النشمي

ليتك - الله يغفر لك - تصور الخطوات من البداية

مثل اللي صلح واقي للقارمن واللي أبدع بقاعدة الأجهزة وغيرهم من المبدعين

أتمنى يا غالي تحقق لي ولغيري ها الطلب

أبو عبد العزيز

ونا اصوت معاه الله لا يهينك نبي الخطوات والتكلفة

[waleed_458]

يعطيك العافية فكرة رائعة

[vx444]

ونا اصوت معاه الله لا يهينك نبي الخطوات والتكلفة


مرحبا بكم جميعا
وبالنسبة للخطوات تكلمت عنها في المقدمة
وابشروا نعيدها بالتفصيل
اولا
نسوي صاج ( ويكون قوي الشخص العادي ما يقدر يثنيه ) بطول 70 سنتمتر بعرض 30 سنتمتر
ومن بعدها نسوي طعج للصاج بحيث نجعل الاطراف بطول 30 سم والتكاية بطول 10 سم

كما في الصورة التالية
http://www.mekshat.com/pix/upload02/images61/mk52555_0.jpg

ومن المهم عمل مبسطات قوية على الاطراف بحيث تساعد على التحمل حتى لو كانت الاوزان ثقيلة :rolleyes:

كما هو مبين في الصورة
http://www.mekshat.com/pix/upload02/images61/mk52555_15.jpg


ولو اقدر افك لي واحد منها لكني مغريه صحححححح

بعد الطعج ووضع المبسطات بشكل كامل ولحام كامل من اول المبسط الى آخره ثم يتم عمل برد للحام بحيث ما يؤثر على التلبيس


المرحلة التالية
نوديه لمحل مفروشات عربية من الي يفصلون مراكي ومساند ومجالس عربية

ونلبسه اولا بلباد الي على شكل قصدير
ونغريه صححححححح
وبعد ما ينشف الغراء تأتي المرحلة الاخيرة وهو وضع قماش سواء كان سدو او غيره

واهم شيء في التلبيس انه يكون شاااااااااااد على الحديد

ومن خلف المركى ما يحتاج وضع لباد
فقط اللباد في الجهة الي ينتركى عليها

http://www.mekshat.com/pix/upload02/images61/mk52555_17.jpg


وميزة المركى
من عدة نواحي
اهمها القوة حيث انه عندي له اكثر من 5 سنوات ولم تتغير
كما انه يتعرض للشيل والرمي والتقليب من هنا وهنا

والميزة الثانية
سهولة الحمل


والميزة الثالثة

وهي مهمة للكشاته

ما يشيل مكان
انا عندي 12 وأحطها على بعض وكأنها مركى واحد

http://www.mekshat.com/pix/upload02/images61/mk52555_18.jpg


http://www.mekshat.com/pix/upload02/images61/mk52555_16.jpg

وبالنسبة للتكلفة
بالنسبة لعمل الحديد يتراوح من 30 الى 50 ريال على حسب الورشة وقوة المكاااااااااااااااسرة
وبالنسبة لي طالع ببلااااااااش :p

والتلبيس يكلف 25 ريال المركى الواحد
يعني المركى الواحد يكلف تقريبا من 50 ريال الى 70 ريال

وقد يكون السعر مرتفع لكن ثمنه فيه وتنسى شرااااااااااااااااااااااااء مراكي لمدة طويلة
حتى لو تغير التلبيس بفعل الاستخدام تغيره والحديد بااااااااااااااااااقي



اتمنى اخوتي ان اكون وضحت الصورة