سؤال الى اهل الصقور ... وش الحل مع هذا الطير

[الــدمــوي]

السلام عليكم ورحمة الله وبركاته

اخواني الاعزاء

اشتريت طير ووكري وحش فرخ من فتره حاولت معه لكي ينقز على يدي ويعلف ولم استطع جوعته يوم ويومين ولم ينفع ياربع ساعدوووني ترى والله فقع مرارتي هالطير بينما ان الجميع يقولون انه وكري جيد ونادر
اخوكم
الدموي

[الهداف]

ياخوي الدموي

بعد التحيه

هذا وكري يابعدي القليل يشبعه ويصبر على الجوع قليل الفود


الهداف

[ميراج]

الاخ الدموى حياك الله

الطير اللى توه مطروح ما يأكل بدون برقع فى البدايه يأكل والبرقع عليه ومع التدهيل يبدا يأكل بدون برقع

راجع موضوعى : كيف تدهل طير قرناس وحش طرح الشبك فى المواضيع المميزه فى خيمة الصقر والصقار

تحياتى

[شواف]

ان كانة توة مطروح يوم يومين فانت اصبر علية لين يتعلم على الوحى والازوال . وكثر من نقلة على يدك . كان عندى طير جالة سبع أيام عيا ياكل وبعضها يموت من الجوع ولا ينقز وهو يعتمد على الطير وباسة بعضها يصير باسة قوى. واتمنى لك التوفييق مع هالطير يا الدموى

[الــدمــوي]

اخواني الاعزاء
الهداف + ميراج + شواق

الف شكر على ردودكم ...

ومن ناحية الطير مصيود باواخر ربيع الثاني وشفت راعية الي صايده يقول والله من صده مااغير اعطيه جرابيع بس وغير كذا حاطه بشبك ويحط العلف بالشبك ويتركه يعني ماايعلفه على يده ؟؟؟

[..@القناص@..]

لازم يصوم ههههههه اول الايام يمكن يومين او ثلاثه ايام ماياكل لانه وووحش ماياكل لا على البرقع بعد تقريبا 4 الى7 يبدا ياكل بدون برقع

[طارق الحربي]

يالربع


وش سالفه رفع المواضيع القديمه ؟

يعني موضوع له 5 سنوات وهو مجرد استفسار يعني مهو ذيك الفايده عشان يرفع

[صقر الرحيبة]

اخوي سهر الطير كمن ليلة على يدك خله يرب


حتى يصير عنده جرأه يتنسر من اللحم على يدك

وبعدما يصير ياكل على يدك بجرأة تصير تنقزه كل يوم مسافة ابعد عن يوم

ولاخوان انشالله يفيدوك

[الزعـبي]

اخوي سلطان انت وش سالفتك ؟؟؟؟

[قنيص غبر]

ياااااااااااااالله بالحيااااااااااااااااة .. الطير مات شكله وشبع مووت ... وانته يا ابو العريف جاي في الوقت الضائع

[طيرالحمــــاد]

موضوع قديـــــــــــــــــــــــــــــم

[الطبشي]

ان شاء الله الاخوان افادوك