حليب النوق

[أبولجين عبود]

ماهي الطريقة السهلة في الحصول على الحليب يومياً طازج الله يجزاكم خير

[ابوحماد]

أذا عندك خلفات ثنتين ثلاث هذا شي سهل

أما أنك تبحث على حليب خلفات وماعندك حلال

يمكن يكون صعب عليك تحصل هذا الشي

ويكون طازج يوميا

أذا ماعندك ...

أكرم أهلك وخذ لك خلفه أم ثاني هديه ومسوح من الحمر او الشعل يكون حليبها طيب

في الشهر تبي لها 13 لبنه

8 برسيم بــ26 ريال

5 ذرة بـ16 ريال

مصروفها بشهر 290 ريال

وسعر الخلفه هذي الايام رخيص

8 الى 10 الاف

منها توسع صدرك وتشرب حليب

[الذيب المغترب]

حليب الابل ماهو من السهل ان تحصل علية يعني مهو مثل لبن المراعي او الصافي اقرب بقالة وتحصلة
يبغالك تتعب علية شوي بس.... اما كما ذكر ابو حماد او اذا انت بالرياض الله يعينك تروح للجنادرية كل يوم تشتري الحليب طازج من اللي يبيعون الحليب تلقاهم خلف حراج الابل من جهة ابارج الضغط العالي واذا كنت من الشرقية شفهم خلف معارض ابو حدرية هذا اللي اعرفة ,,,,,,,,,,,,وشكراً

[ابرق العزاف]

شف بنده والاهضيم تبيع حليب مبستر طازج وشركات كثيره تنتجه
ا خاااااااااصه بالقصيم