حفرلوجيا
27/10/2003, 10:01 AM
لا إله إلا الله .. الحمد لله .. اليوم أول أيام رمضان
( راح الله يشرفه مابقى إلا 19 يوم والعشر الأواخر ) على قولة الشيبان الله يحفظهم لنا..
السالفه :
لاأنسى قبل سنوات هطلت أمطار غزيرة على المنطقة الوسطى بعد مضي أسابيع على بداية الوسم .. ( الله يجيب الخير ) .. كانت عزيرة جدا بالصمان عن ماسمعنا .. قال لي عزيز شرواكم .. مشينا نستطلع ونسير على واحد من الأصحاب بأحد الهجر .. تم .. وأول مرة أحس بصدق ودقة الوصف لاقالوا ( الفياض والخباري تسقي بعضه ) من السيول تبارك الله .. أكثر الفياض والخباري اللي تعرفون .. الطلح والسدر فيها تقول وغيدان ماباين إلا شويشاتهم وسط البحر .. والجيب يتدرى بمشيته كل شوي تقول هلش من الأرض اللي طاقة من مابه من الماء ..
ذيك الرحلة لاأنسى كانت قبل رمضان بأيام خاصة وأنها شهدت اعتزالي التصوير ( على غشامتي به) لأني بزعمي اني توفقت بصورة اعتبرتها قمة العطاء .. قلت أعتزل لايتدهور المستوى فوق ماهو متدهور خلقه .. هذي الصورة كانت لـ(غدير أو فيضة دغيم ) .. احداثي ( N 26,59,691 E 46,41,381 )
http://www.mekshat.com/pix/upload/images2/hafar.gif
وتلاحظون التاريخ في الركن الأيمن الأسفل للصورة
اللي حصل لاسيرنا على صاحبنا وفليناها تمتير الصمان عرض طول خلال ثلاث أيام.. بس نمتع النظر بهالسيول اللي مغرقة الصمان ..
ترى قبل مانطلع من الديرة رفيقي معه كرتون متوسط الحجم شفته حريص عليه وبدل مايحطه مع العفش حرصني يكون بالمرتية اللي ورى ..ماقالي وش فيه ولا حرصت أسأله ..
حنا نتمشى وكل وقفاتنا لكسرة فنجال أو فطور أو غداء خويي يحرص تكون حول البل والغنم .. أول كل وقفة خويي يدور الرعيان يسولف معهم .. وأنا انطلق أدعي إني مصور ( وشك ..شك ) .. وعلى هالحالة انا أصور وهو يدور الرعيان ..
وفي نهاية اليوم الثاني من الرحلة.. وأنا مشغل السيارة وأواسي عفشنا نبي ننتقل من مكان لآخر فقدت ( كرتون ) الرفيق .. هاه ..
ياأبو فلان كرتونك وين هو ؟!.. قال راح .. هاه .. وش راح كرتون ذا والا سكني .. قال لا راح لأهله !!..
عاد انا عندي فضول من أول وزاد اللحين .. وأطفي السيارة و ( أحرن ) .. قلت مانتحرك إلا تعلمني وش سالفة الكرتون ؟!..
عاد هو شاف حرصي وقال ماودي لكن ابعلمك على شان لاتحرن ونمشي ..
سم ..أرسل ياخوي..
هذا الله يسلمك لي فترة اذا طلعت معكم أو مع غيركم .. شريت بعض ملابس ماتكلف.. زود(ن) على اللي عندي ولا أبيه .. أيضا آخذ من سوبرماركت كمية من المواد الغذائية مثل ( عسل , تمر , تونه , تين مجفف , وماشابه من التموين الخفيف الوزن الثقيل القيمة الغذائية ) .. وأفرق كل هالأشياء على عشر أكياس متساوية أو حوله .. وإذا شفت أثناء الرحلة راعي تبدو عليه سمات قلة هالأشياء .. سلمت عليه وسولفت معه شوي وأهديه من هالأكياس لقصد الخير والفزعة لأن بعضهم للأسف ماتحصل عنده غير كيس طحين أو كيس رز وماء وبس ( للأسف معازيب بعضهم عفون ورديين ) ..
عاد قلت لخويي حنا بالعادة نعشيهم أو نغديهم إذا صاروا حولنا بالمكان لكن ذي والله فكرة طيبة .. وكم تكلفك بابو فلان ؟ .. قال لي : تختلف .. وحسب مايامرك هاجوس الخير عندك من المية ريال الا ثلاث مية وأكثر .. لكن صدقني ( يقولها رفيقي ) أشعر بعدها بشعور يتعدى الرضا عن النفس على عمل الخير ( مع تقصيرنا ) أحس بمتعة أخرى غير متعة الرحلة مع الصحبة .. متعة مساهمتي وفزعتي لهالنوع من البشر .. بعضهم مسلم يمكن معزبه عكس له صورة سيئة لانرغبها عن أهل هالبلد .. وبعضهم يمكن يكون غير مسلم رسمت له صورة طيبة عن المسلمين ..
عاد أنا بعدهاجربت وإلا رفيقي صادق .. متعة تتعدى الرضا بعمل الخير خاصة يوم لاحظت أكثرهم يتلقاها بسرور وفرحة غامرة ..
عاد ( كرتون الرعيان ) صار عند الشلة طبع وأضافوه على لستة الطلبات وصار هو الشي الوحيد اللي كل(ن ) يجيب معه .. يعني صارت بعض الكشتات بها ( كراتين رعيان ) .. وبقدر ماهي تضايق بالعفش إلا أننا كنا لانستطيع بيننا حرمان بعضنا من الأجر ومتعة الشعور الجميل اللي ياليتكم تجربونه ..
يعني لاتنسون بلستة طلبات الرحلة ( كرتون الرعيان ) وحطوا به اللي تجود به النفس.. وسلامتكم
( راح الله يشرفه مابقى إلا 19 يوم والعشر الأواخر ) على قولة الشيبان الله يحفظهم لنا..
السالفه :
لاأنسى قبل سنوات هطلت أمطار غزيرة على المنطقة الوسطى بعد مضي أسابيع على بداية الوسم .. ( الله يجيب الخير ) .. كانت عزيرة جدا بالصمان عن ماسمعنا .. قال لي عزيز شرواكم .. مشينا نستطلع ونسير على واحد من الأصحاب بأحد الهجر .. تم .. وأول مرة أحس بصدق ودقة الوصف لاقالوا ( الفياض والخباري تسقي بعضه ) من السيول تبارك الله .. أكثر الفياض والخباري اللي تعرفون .. الطلح والسدر فيها تقول وغيدان ماباين إلا شويشاتهم وسط البحر .. والجيب يتدرى بمشيته كل شوي تقول هلش من الأرض اللي طاقة من مابه من الماء ..
ذيك الرحلة لاأنسى كانت قبل رمضان بأيام خاصة وأنها شهدت اعتزالي التصوير ( على غشامتي به) لأني بزعمي اني توفقت بصورة اعتبرتها قمة العطاء .. قلت أعتزل لايتدهور المستوى فوق ماهو متدهور خلقه .. هذي الصورة كانت لـ(غدير أو فيضة دغيم ) .. احداثي ( N 26,59,691 E 46,41,381 )
http://www.mekshat.com/pix/upload/images2/hafar.gif
وتلاحظون التاريخ في الركن الأيمن الأسفل للصورة
اللي حصل لاسيرنا على صاحبنا وفليناها تمتير الصمان عرض طول خلال ثلاث أيام.. بس نمتع النظر بهالسيول اللي مغرقة الصمان ..
ترى قبل مانطلع من الديرة رفيقي معه كرتون متوسط الحجم شفته حريص عليه وبدل مايحطه مع العفش حرصني يكون بالمرتية اللي ورى ..ماقالي وش فيه ولا حرصت أسأله ..
حنا نتمشى وكل وقفاتنا لكسرة فنجال أو فطور أو غداء خويي يحرص تكون حول البل والغنم .. أول كل وقفة خويي يدور الرعيان يسولف معهم .. وأنا انطلق أدعي إني مصور ( وشك ..شك ) .. وعلى هالحالة انا أصور وهو يدور الرعيان ..
وفي نهاية اليوم الثاني من الرحلة.. وأنا مشغل السيارة وأواسي عفشنا نبي ننتقل من مكان لآخر فقدت ( كرتون ) الرفيق .. هاه ..
ياأبو فلان كرتونك وين هو ؟!.. قال راح .. هاه .. وش راح كرتون ذا والا سكني .. قال لا راح لأهله !!..
عاد انا عندي فضول من أول وزاد اللحين .. وأطفي السيارة و ( أحرن ) .. قلت مانتحرك إلا تعلمني وش سالفة الكرتون ؟!..
عاد هو شاف حرصي وقال ماودي لكن ابعلمك على شان لاتحرن ونمشي ..
سم ..أرسل ياخوي..
هذا الله يسلمك لي فترة اذا طلعت معكم أو مع غيركم .. شريت بعض ملابس ماتكلف.. زود(ن) على اللي عندي ولا أبيه .. أيضا آخذ من سوبرماركت كمية من المواد الغذائية مثل ( عسل , تمر , تونه , تين مجفف , وماشابه من التموين الخفيف الوزن الثقيل القيمة الغذائية ) .. وأفرق كل هالأشياء على عشر أكياس متساوية أو حوله .. وإذا شفت أثناء الرحلة راعي تبدو عليه سمات قلة هالأشياء .. سلمت عليه وسولفت معه شوي وأهديه من هالأكياس لقصد الخير والفزعة لأن بعضهم للأسف ماتحصل عنده غير كيس طحين أو كيس رز وماء وبس ( للأسف معازيب بعضهم عفون ورديين ) ..
عاد قلت لخويي حنا بالعادة نعشيهم أو نغديهم إذا صاروا حولنا بالمكان لكن ذي والله فكرة طيبة .. وكم تكلفك بابو فلان ؟ .. قال لي : تختلف .. وحسب مايامرك هاجوس الخير عندك من المية ريال الا ثلاث مية وأكثر .. لكن صدقني ( يقولها رفيقي ) أشعر بعدها بشعور يتعدى الرضا عن النفس على عمل الخير ( مع تقصيرنا ) أحس بمتعة أخرى غير متعة الرحلة مع الصحبة .. متعة مساهمتي وفزعتي لهالنوع من البشر .. بعضهم مسلم يمكن معزبه عكس له صورة سيئة لانرغبها عن أهل هالبلد .. وبعضهم يمكن يكون غير مسلم رسمت له صورة طيبة عن المسلمين ..
عاد أنا بعدهاجربت وإلا رفيقي صادق .. متعة تتعدى الرضا بعمل الخير خاصة يوم لاحظت أكثرهم يتلقاها بسرور وفرحة غامرة ..
عاد ( كرتون الرعيان ) صار عند الشلة طبع وأضافوه على لستة الطلبات وصار هو الشي الوحيد اللي كل(ن ) يجيب معه .. يعني صارت بعض الكشتات بها ( كراتين رعيان ) .. وبقدر ماهي تضايق بالعفش إلا أننا كنا لانستطيع بيننا حرمان بعضنا من الأجر ومتعة الشعور الجميل اللي ياليتكم تجربونه ..
يعني لاتنسون بلستة طلبات الرحلة ( كرتون الرعيان ) وحطوا به اللي تجود به النفس.. وسلامتكم