سير الكابريس 92 بكم تغيره

[كيميائي]

السلام عليكم
مرة من المرات الي اروح بها الى العاصمة ( الرياض ) طرا لي تغيير السير ( سير 92 واحد طويل ومتلوي)
المهم وانا ازرق ام الحمام واقف عند محل قطع غيار بكم السير قال بكذا وشوية مكاسر المهم شريته وانا ادق السيارة سلف واقف عند اول ورشة السلام عليكم هاه يابنغالي بكم تغير السير قال تمانين ( 80 ) قل وغيره قال هذ اشغل كتير قلت له مع السلامة والى ثاني ورشة السلام عليكم هاه ابو يمن بكم تغير السير قال بستين قلت وغيره قال بخمسين قلت عطني اقل طبلونك قال مره قلت مع السلامة والى ثالث ورشة السلام عليكم هاه ابويمن بكم تغير السير قال بستين قلت جارك يقول خمسين ومعيي قال باربعين قلت وغيره قال ثلاثين قلت الا عشرة بس وتراها زينه قال لا قلت مع السلامة والى رابع ورشة السلام عليكم هاه يازنمة جارك يقول ابغير السير بثلاثين وعييت كم تقول قال خمسة وعشرين قلت ترا العشرة زينة قال عشرين قلت تدري خمسة عشر ازين من قعدتك بدون شغل قال لا قلت مع السلامة والى خامس ورشة السلام عليكم هاه يابو هنود تغير السير بعشرة قال خمس
طعش قلت تدري يالله وهو حقه عشره بس تستاهل يابو هنود . انتهت السالفة
( 10 ريال تكفيهم قبل بس مدري لماذ التلاعب على الزبون )

[عاشق الرفاليو]

للاسف كل واحد يضع سعر من عنده بدون رقيب لكن شغلة سير الكابرس بسيط تقدر انت تركبه وخذ سير اصلي لك والزمن

[م.أبوإبراهيم]

صحيح هو حقه 10 ريال إلى 15 ريال بالكثير لأنه ما يستغرق أكثر من عشر دقاقيق مهب المشكلة بس برفع سعر شغل اليد المشكلة إذا جاه موتر خربان يغيرون شيء بعض المرات ماله دخل لعدم الخبرة وعلى ظهر الزبون

[pass2love]

بقوللك شئ اخوي السير ياليت تشتريه من الوكاله
لانه شئ مهم وعشان يعيش معك

سعره عند التوكيللا العربيه او الجميح او بالبيد من 40-50 ريال

اي سيدلكوا

اما Gm سعره 150

تحياتي