المساعد الشخصي الرقمي

مشاهدة النسخة كاملة : رجاء حار


northstar46
17/02/2008, 04:38 AM
اخواني المحترمين اتوجه اليكم برجاء حار حار حار ارجوكم عدم اغراءنا بصور الطبخات عالية الدهون والسعرات الحرارية المسيلة للسعابيل مراعاة لظروف اخوانكم اصحاب الريجيم الذين يعانون زيادة الوزن وترى ذنبنا برقابكم وخاصة اللي يحطون صور طليات :eek: وكبسات :confused: ومشاوي:j ومظبي ومندي الخ الخ على الاقل بلاش الصور:no2: تكفون
ابوفهد225
17/02/2008, 06:07 AM
ذنبك على جنبك

ما احد قالك ادخل خيمة الطبخات البريه

شبه يومياً ادخل واشيك هل من مواضيع جديده
االديحاني
17/02/2008, 06:09 AM
اترك الرجيم
و تصفح الاحوال الجويه وانتظر الربيع
عجاج السناف
17/02/2008, 09:59 AM
ترى ابوفهد والديحاني صادقين لاتمر من عند هالخيمه ولك من وعد انهم مايجون لمك
ابن الحاره
17/02/2008, 10:16 AM
الحل بسيط!! كل ماشفت طبخة جديدة البس ملابس الرياضة وهات لك ياركض من الخمسة كيلو وفوق!!
واذا مانزل وزنك راجعني!!
escape_man
17/02/2008, 12:47 PM
خلك مثلي

اتجنب الخيمة البحرية لاني اروح ملح مع السمك
dheem
17/02/2008, 01:44 PM
ذنبك على جنبك

ما احد قالك ادخل خيمة الطبخات البريه

شبه يومياً ادخل واشيك هل من مواضيع جديده

مــــــــــــــــــــــــــوافق
cars
18/02/2008, 07:36 PM
ليش ياخي الناعمة وهي النعامة احسن منك ان طالعت شي تخاف منه غطت راسها عشان ماتشوفه انت غط عيونك علشان تصير احسن منها


او عندي حل خليك صايم
عاشق السيل
19/02/2008, 01:04 PM
أخوي نجم الشمال ،،

فيه طريقة للرجيم ناجحة ميتين بالمية ومجربة وينصح فيها كثير من الأطباء ،، بس بشرط تبي منك الجدية وتطبقها بحذافيرها وإلاّ اتركها من الأصل وشف غيرها ،، وهي :

إنك في يوم تاكل على كيف كيفك واللي تشتهيه نفسك لاتردها ومن كل انواع الأكل ،، واليوم اللي بعده تسوي رجيم قاسي جدا جدا ويكون أكلك خفيف جدا جدا وصحي جدا جدا ومنظم جدا جدا ،، واليوم اللي بعده ارجع للهبال واطلق العنان لكرشتك وادخل خيمة الطبخات على كيفك ،، ومن بكرا إرجع للرجيم القاسي وعلى هذي الحال بس انتبه تلخبط أو تبدل علشان عزيمة فلان وإلاّ علان ترى أمورك تصير خربطيشن ويفشل الرجيم !!!!

طبّق هذي الطريقة وتبي تدعيلي كل ليلة وأهم شي لاتستعجل ترى النتايج تختلف من شخص لآخر ،،،
عساس الحيا
19/02/2008, 01:20 PM
عندي لك حل اخوي الكريم وش لك في الخساير داوم على شرب حليب البل وأكل القرص ولاتنسى العسل شهر وماجاك عني والكلام للجميع
northstar46
19/02/2008, 06:18 PM
شاكر لمرور الجميع ونصائحهم الغالية وصح اني ما ادخل الخيمة بس شريط العناوين يجيب الواحد غصب ولكن ولله الحمد طيرت سبع كيلوات من الكرش والباقي على الطريق