المساعد الشخصي الرقمي

مشاهدة النسخة كاملة : تكفون يالنشامي عطونا خبرعن البر اليوم وبكرة !!!


hamed25
20/02/2008, 12:58 PM
السلام عليكم ورحمة الله وبركاته

بغينا نكشت مع بعض الزملاء اليوم للصمان ، وش رأي الشقردية ؟؟

أتمنى تعطونا خبر عن الجو والهواء والغبار ، اللي يعرف أحد رايح هناك لا يبخل علينا .
العنبري1
20/02/2008, 01:25 PM
برد وغبار والارض ماتسوى العنوه

من وجهة نظري اقضب ارضك ولاتحرص على الروحه
جبل راف
20/02/2008, 01:32 PM
الله اعلم عج وغبار لكن ان تروح لمنطقة يكثر فيها الشجر والحجر يمكن احسن لكن كثر الحطب
ويستحسن تاخذوا معكم خيمة

بالتوفيق وان شاء الله تمطر عليكم
العصر
20/02/2008, 01:53 PM
الله العالم ان الخميس والجمعه برد+غبار+ارتاح في بيتك والجايات ملحوقه اذا مايطلع الواحد في جو مناسب ولا يقعد
عاشق نجد
20/02/2008, 01:57 PM
الله العالم ان الجو غير مشجع للخروج .

التوقعات بإذن الله غذا الخميس اكثر برودة من اليوم والغبار كثيف مع هواء قوي .

تحياتي .
ناصر التميمي
20/02/2008, 05:14 PM
والله الاجواء لليومين الجايه لاتشجع احد يروح ويجي
استعن بالله واقعد والاسبوع الجاي اغلب المواقع تقول امطار انشالله تصادفونه بطريقكم
وان طلعتوا انشالله يرجعكم السيل
ههههههههههههههههههههههههههه...................... تروحون وتجون سالمين................
ساري المفعول
20/02/2008, 05:19 PM
الله يجيب الخير والله مثل ماقلو الشباب ارتاح احسن لك من العجه والايام جايه انشالله
hamed25
20/02/2008, 08:07 PM
سلمكم الله يالنشامى ، أبشركم سمعنا كلامكم وألغينا الكشتة الله يعوضنا بالأمطار والسيول والأجواء الزينة .
أبو_خالد
20/02/2008, 08:23 PM
لا والله إلا راح وقت الصقارة *** والجو ما يعجبك ليا رحت دوار
الجو عجاج ومدلهم غباره *** والشكوى لله ميته كل الأشجار
وماتت دباديب الخلا بالجحارة *** قضى عليها الجوع من قل الأمطار
نطلب اللي رزقنا باقتداره *** اللي نصر موسى على كل سحار
الله يعيد لكل وادي خضاره *** ويغيثنا ويبدل العسر بيسار
غيث من المنشأ يعم انتشاره *** دفاق رفاق حقوق ومدرار




والقصيدة أطول من كذا
للشاعر بدر الحويفي


تقبل مروري
سنعوسي111
20/02/2008, 10:16 PM
عجاج وماء هماج
الزم ارضك الله يحفظك