المساعد الشخصي الرقمي

مشاهدة النسخة كاملة : قصيدة سمعتها وجبتها لكم .. وين أهل النياق


أبو_خالد
20/02/2008, 02:07 PM
هذي قصيدة سمعتها وبحثت عنها لين لقيتها وجبتها لكم


لاضاق صدري مشيت ورحت لنياقي *** حيث ان قلبـي يحـب البـر والنوقـي

اوسع البال عنـد النـوق لا ضاقـي *** لين اتريـح ويهـدا الـدم بعروقـي

وليا تريحت سقـت القيـل وانساقـي *** من هاجس له على العدلات طاروقي

اتوق واخذ مـع الطـاروق دوراقـي *** واختار زين الكلام اللي على ذوقـي

واسج وادله مع اللي ذوقهـم راقـي *** والا الفتى خيرته باالـروح ملحوقـي

بهواية لـي عليهـا القلـب مشتاقـي *** دايم عليهـا يحـن القلـب ويتوقـي

خـوة نشاما صداها داخـل اعماقـي *** تمكنت واستقرت جـوف صندوقـي

ربعن خذوا من سلفهم دين واخلاقي*** لاشك جارالزمان وجالهـم عوقـي

وقـت جمعنا طبايـع غيبـة افراقـي*** ياما شكى من صدوفـه كـل مخلوقـي

لابد عمرالفتـى والمـوت متـلاقـي *** وعقب الفضا منزل بالارض مشقوقي

الكل هالك ووجـه الله هـو الباقـي*** من مات في رحمته والحي مرزوقي


وسلامتكم وسلامة قايلها
واللي يعرف ناظمها ياليت يفيدنا
ابرق العزاف
21/02/2008, 10:24 AM
ماشالله/ ومن يلومه بحب النيااااااااااااااااااااق
لايمه عمى 000 لكن ما ذكرت اسم الشاعر
أبو_خالد
21/02/2008, 11:23 AM
حياك الله أبرق العزاف
صباح الخير

أنا والله ما أدري من ناظمها


دمت بعافية
جرير
21/02/2008, 11:27 AM
صح لسان الشاعر ومشكور علي النقل
والقصيده لشاعر/ علي بن عبدالله الشعلاني
ابرق العزاف
21/02/2008, 10:04 PM
مشكور ابو احمد على التوضيح ربنا يخلبك ويبارك فيك
أبو_خالد
21/02/2008, 11:20 PM
الله يعافيك مشرفنا الغالي
ابوفهد 2
06/03/2008, 08:38 AM
اختيار رائع