اهل الخبره ياليت الافاده ....

[مكشاتي جديد]

السلام عليكم يا اعضاء مكشات الموقرين


يا اخوان انا عندي طير واخوكم موووووووووووبتدئ فابسالكم عادي اخلي الطير بوكره على تراب بالحوش بدون عشه يعني ما ينخاف عليه

والسؤال الثاني الطير بالموت ابرقعه يعيي ويكفخ ويصايح فوش الحليا اخوان

وعلموني تكفون وشلون ادعيه واعلمه على اسمه

والله يجزا خير اللي يرد على موضوعي

[خشف.]

ان شاء الله ما يقصرون اعضاء الخيمه

[شبراق]

بسم الله الرحمن الرحيم

اول شي ياحبذا الطير يكون له عشه امن له من البرد القارس والحر الشديد ولو لا قدر الله انفك اسبوقه يبروح عليك بينما بالعشه احفظله
ولو خليته يوم يومين بالحوش ماعليه انشاءالله بس اهم شي تظلله وقت الحر الزايد وتدفيه بالبرد الشديد وتشد اسبوقه زين ..
بعدين البرقعه انت يمكن تجي للطير مندفع بسرعه تبي تبرقعه فمايبرقع على شوي شوي ومسح على منحره بالبرقع وشوي شوي انشاءالله يبداء يبرقع
الدعو نصيحه رح مع ناس راعين طيور يعلمونك عملي ازين من تروح كذا ما انصحك تروح لحالك وانت مبتداء لازم يكون معك ناس يعرفون عشان يعلمونك شلون (لازم الطير يكون محتاج العلف ، لازم الطير يكون داهل ويجي على ايدك اذا بغيت تعشيه ) .
ارجو من الله اني افدتك والله يوفقنا وياك انشاءالله

[جارح العين]

معلومات الاخ شبراق صحيحه وماقصر ....

[قناص الجوازي]

من ناحيه السوال الاول ماقصر اخوي شبراق
من ناحيه السوال الثاني وش نوع الطير هل الطير وحش ام لا
هل دهلت الطير ام لا
هل الطير صنيع ام لا
اذكر لي بالتفصيل لتمكن من اجابتك


مع تحياتي

[راعي البرقا]

السلام عليكم ورحمة الله وبركاته :
أخوي بالنسبه للطير لازم تجهز له مكان ملائم جيد التهوية و بنفس الوقت آمن وإن كنت بتربط الطير عندك يبيله شغله ثانية و أما عن صياح الطير وكفخه هذا لإنك ماتنقله على يدك جرب وإنقله على يدك أقل شي 5 ساعات في اليوم وتبي تشوف الطير متغير عليك أما باقي الأشياء اللي هي الدعو و غيرها لاتفكر فيها إلا إذا دهلته ثم دعيته بالسبب من قريب وهكذا ولا تبي تتبهذل و الأفضل إنك مثل ماقالوا الإخوان تروح مع أهل الطيور و راح تتعلم منهم الشيء الكثير.وتقبل مروري