الصقاره و المادة

[ابن فرحان]

هذه احدى قصائدي وأهديها لأعضاء هذه الخيمه ولكل من تولع بالصقاره
واموره الماديه تحت الصفر


يا طير مابعتك وانا مرخصٍ فيـك =ولا هو ردى بفعولك اليوم ياطيـر
عندك خبر راعيك وشلون مغليـك= وناقيك من شبة طيور الصقاقيـر
منولٍ مـن فـوق كفـي معليـك= ولا لاح في ناظرك فرق العصافير
ماتطلـع الا فـي ديـارٍ تسليـك= فيها من جموع الحبـاري تباشيـر
وتمسي من المقناص غلقٍ ثناديـك= وراعيك بالمقناص يذكرك بالخير
واليوم حل البعد لاشـك هاويـك= لكن هالدنيـا ظـروف ومقاديـر
حدتني الدنيا وانـا اليـوم حاديـك= حاديك للبيعـه ولا فيـه تاخيـر
لاشك غصب ولابه اليوم تفريـك =والدين حـل ولا تفيـد المعاذيـر
الله قردك وصرت مثل المماليـك= من عقب ماتكفخ جناحك على النير
وزودٍ على حظك بلاك الله براعيك =زودٍ على فقره ودينه بـلا الطيـر
لكن ابدعي لك إليا حـل طاريـك =ينقلـك شيـخٍ ماحسـب لدنانيـر
ماجمع الأسلاف من شان يشريـك= ولاهو بمثلـي باحـلٍ بالفواتيـر
وياطير ودعتك ولانـي بناسيـك= وابذكرك لابيـن سهيـل بالخيـر

[جارح العين]

صح لسانك
مشاء الله عليك قصيده رائعه
الله يعطيك العافيه...
وفالك البيرق..

[رامى السيد]

بارك الله فيك

[winchester]

وياطير ودعتك ولانـي بناسيـك= وابذكرك لابيـن سهيـل بالخيـر

بيت في قمة الروعه صح اللسانك أخوي ابن فرحان وماتضيق غير تنفرج بأذن الله

دمـت بود

[سنجااار]

صح لسانك على القصيده الطيبه وبإنتظار جديدك
تقبل تحيات
سنجااار

[شبراق]

واليوم حل البعد لاشـك هاويـك= لكن هالدنيـا ظـروف ومقاديـر
حدتني الدنيا وانـا اليـوم حاديـك= حاديك للبيعـه ولا فيـه تاخيـر
صح السانك
وبيض الله وجهك

والله يفرج همك ويقضي دينك ويبدل حالك للافضل يارب العالمين

[قعقاع التميمي]

بيض الله وجهك على القصيده الراقيه والله يسر أمورك ويفك عسرك أنشاء الله

[نبع الدموع]

صح لسانك و سلمت بنانك اخوي ابن فرحان ابيات قمة و فيها معاني
توضح بعض الصعوبات الي يواجها بعض القوانيص الله يزيح همهم
:(
لا خلا ولا عدم اخوي

[العمراني]

صخ لسانك سلمت يا بو فرحان

[الضو]

صح لسانك والله يزرقك من الحلال الطيب

[عصا الترحال]

قصيدة رائعة تحكي تجربة حقيقية مؤثرة يسر الله أمورنا وأمورك

[ابن فرحان]

بيض الله وجيهكم يالربع على هالردود وماقصرتم
وعزالله انكم رفعتم معنوياتي عقب ماكنت ناوي أعتزل الصقاره

[قناص ام وشاح]

بيض الله وجهك وصح السانك والموضوع المفروض يكون في خيمه قصائد الاعضاء

[الفوار2008]

احسنت
يا

بن فرحان

وطيبت خواطرنا وعزيت نفوسنا بقرب المقيض
ولكن ما قول الا يعين الله وياحظ من ربط طيره عنده وتمتع بشوفته كل يوم
وتقبل مروري اخوي

[((الخالدي))]

صح لسانك يابن فرحان

[وقاااااد]

صح لسانك وبيض الله وجهك على القصيده الطيبه
تقبل مروري
وقااااااااااد

[ابن فرحان]

مشكورين يالربع على المرور وماقصرتم

[القناص 3626]

صح لسانك على القصيده

[الحرالنداوي]

وياطير ودعتك ولانـي بناسيـك= وابذكرك لابيـن سهيـل بالخيـر

صح لسانك والله يرزقك بطير طيب

[راعي زيزوم]

صح لسانك على القصيده

[خشف.]

صح لسانك
ويعطيك العافيه على طرح القصيده

[ابن فرحان]

مشكور خشف على المرور وصح بدنك

[ابو عايد]

صح لسانك وبيض الله وجهك على القصيده الرائعه

[ابوالجازي]

صح السانك وبيض الله وجهك على القصيده المعبره
واسال الله ان يفتح لك ابواب الرزق ويغنيك من فضله
لاهنت يابن فرحان

[ولـد الدوادمي]

صح الساااانك يا أبو فرحان على هالقصيده

والله يرزق بالمغتر الناااادر

أخوك
ولد الدوادمي

[ذراع الذيب]

وزود على حظك بلاك الله براعيك = زود على فقره ودينه بلا الطير . صح لسانك الله لايبلاك بالفقر والدين ..

[ذياب999]

الله الله
صح لسانك يا ابن فرحان عز الله قصيده كايفه ويعلها ما تضيق بك

[العتين]

صح لسانك
مشاء الله عليك قصيده رائعه
الله يعطيك العافيه...

[شبل ثرمد]

لاهنت يابن فرحان على هدا الاطراء
وبيض الله وجهك امتعتنا

[ابن فرحان]

ماقصرتم يالربع وبيض الله وجيهكم على الردود وصحت أبدانكم